ورد خنجري

البارت السادس والعشرين

رواية جديدة

بقلمي

زهراء فاضل

ندبة في روحي اخفيها لايامي العسيرة
اخرجها لاراها وارجع اضمها بين انياط قلبي كي لا يراها من لا يستحق

خاطرة بسيطة من وحيي

حوري: اريد انام تعبت شوكت نوصل

رائف: ما بقى شي رجعي راسج عالكشن ونامي من نوصل اكعدج

حوري: رجعت راسي وغمضت عيوني ونمت

احس واحد يدغني ويصيح باسمي

رائف: حوراء حوراء يلة وصلنا كومي بابا

حوري: امم ماريد

رائف: كومي بابا دخلي للبيت ونامي جوة

حوري: عمو خليني نايمة فدوة

رائف: عمو ؟ حوري بابا كومي

حوري: ما

رائف: لا إله الا الله كومي بابا لا اجي اشيلج

حوري: عوفنييي

رائف: راح اشيلج واحد اثنين

بعدة ما مكمل واني كمت ادردم

حوري: كمت كمت شبيك خليني نايمة شنو نمونة سيارتك

رائف: اه هاي فوكاها

حوري: اي، من حورها اصلا سيارة عبوسي احلى منها

رائف: عبوسي !!!ديلة دخلي نامي بغرفتج بديتي تمسلتين

حوري: وحتى هو احلى منك وين اكو مثلة عبوسي حبيب كلبي ما فد يوم كعدني من النوم

رائف: ديلة عيني مو عمج توم كروز

حوري: يمة فدوة توم كروز شنو يروحلة فدوة عبوسي يخبل شنو من جمال شنو من جسم رياضي شنو من حلاوة هو بس شيب شعرة يموت من الجمال

منتجي على السيارة ومظيق عينة ويباوع علية واني منفعلة واحجي بغرور وعصبية

رائف: خلصتي ؟

حوري: لا

رائف: هم دخلي لغرفتج ونامي كمتي تخربطين بالحجي

حوري: تغار منة

رائف: بابا شبيج انتي اليوم، اغار منة شكو، واني وين شايف الرجال

حوري: احلى واحد هو

رائف: دلة يلة روحي نامي وتغطي

حوري: دخلت لغرفتي وسديت الباب وتمددت ونمت

كعدت من النوم لكيت النهار طالع علينا واني نايمة طلعت من الغرفة ولكيت رائف كاعد ياكل رحت كعدت كدامة بدون حجي

رائف: صباح النور

حوري: ها

رائف: الواحد يصبح  ، يسلم  مو يكعد ويغلس