رواية جديدة
بقلمي
زهراء فاضلكاعدة من يم الشباك العب وي الجلاب من بعيد صار صوت حركة يم باب الحديد مهتميت كلت يجوز هم اكل ورجعت العب وي الجلاب وااشر الها من ورة الجام زاد صوت الحركة التفتت وانفتح الباب لأول مرة انفتح من بعد أيام طويلللة وصعبة وحارة
دخل اكثر شخص اريد دخولة واريد يروي فضولي بسبب تصرفاتة وياي جانت ملابسة نظيفة ومترفة والعطر يفحفح وراه كأنه يكول اني عايش بنعيم الدنيا الي المفروض الج واني اخذتة منج غصب عنج كأنه يكول شوفي حالج وين صار و وين وصلت بيج الايام وشلون اني كادر اذلج لو مو عمج واخوج يوكفون بوجهي ويحموج قاصد يطلع بأحسن مظهر وصورة في سبيل يحرك كلبيوجه نظره علية وساكت من غير صوت شهر أو أكثر اني بس اسبح بمي حتى الصابونة الجانت بالحمام خلصت
شهر كامل اشتاقيت بي لريحة النظافة
شهر كامل اتمنيت اطب للحمام واسبح لحد ما تجعد اصابعي من المي تمنيت اطلع حتى افتر بالشوارع
يمكن لو طلعت من هذا المكان اسبوع ما اطب للبيت اله بس وكت النوم اخليهم يفرفروني لحد ما اتعب من الطلعةجنت متمددة ضليت موجهة نظري علية بدون حركة اريد اعرف شيسوي بعد وجه نظرة داير مداير المكان ابتسم ابتسامة خبث وكال
يوسف: شلونج
حوري: باحسن حال
ضحك ضحكة مستفزة وخبيثة وكال
يوسف: شلون بلة احسن حال يلة يجوز عرفتي مستواج شنو
حوري:
يوسف: وينج ووين لسانج الجان بحضور عمج مترين هسة وين راح شنو اكلته البزون
حوري: لساني ما تجاوز عليك بيوم رغم شكد حقرت وياي ظليت انطيك مبررات ولا تخاف بعدة موجود
يوسف: عبالي تخبلتي يكولون لا صيحتي ولا عيطتي ولا بجيتي شكد صلفة عينج لعد الي لحد هاي اللحظة وما نزلت دمعة وحدة
حوري: وهذا الهامك ابجي اسمحلي اكولك شكد تافه
يوسف: احجي عدل لا افلش حلكج
حوري: ههههههههه عالاساس شكد خايفة منك
يوسف: يعني ما خفتي
حوري: نجو ابد لا اهتزيت، ليش جنت منتظر تنهار اعصابي وابجي واتوسل بيك لخاطر تطلعني
يوسف: عيونج صلفة من صغرج شكد جنت اذلج وابد ما بجيتي
كعدت واتربعت وشلت شعري لفيتة كباية وهو مثبت نظره علية التفتت علية وكلت
حوري: شعجب اليوم منورني خير
يوسف: اجيت اشوف وضعج واشوفج قبلتي عالزواج لو لا
حوري: وبعد
يوسف: العريس منتظر موافقتج حتى يعقد
حوري: منو هو
يوسف: ما يخصج بس كولي اي
![](https://img.wattpad.com/cover/339619041-288-k590436.jpg)
BINABASA MO ANG
ورد خنجري
ChickLitصمت هدوء تفكير وحدة شنو الي يصير من انت نايم وتحلم حلم جميل لدرجة خيالية من حب زوج واطفال وأهل تتمنى لو الحلم يستمر وما يتوقف زين نكدر نغير الواقع ونحول الحلم إلى حقيقية او الحلم يتحول إلى كابوس