عشق السلاطين {باللهجة العراقية}

البارت 44

_ عشق _ السلاطين _ بارت 43

بقلمي _ ياسمين _

_________________________

رسالة عاشق لمحبوبته...

انا معجب بكِ بالرغم من إن هذا لن يصلك
باي طريقة كانت، لا في الجرائد ولا في
الصحف ولا حتى مني شخصيا، لا أحب
مقدمات العلاقات وليس لدي الطاقة الكافية
لاقوم بمحاولات لادهاشك، اريد ان نقفز مباشرة
الى منتصف العلاقة حيث أكون فيها قد قبلتك
ثلاث مرات وكتبت لك سبع رسائل
واضحكتك 700 مرة ..

_________________________

سارة....
رجعنا الطريق كله لاسطنبول مثكل علية حجيت وياه وبررتله جان قافل ماخلاني احجي يريد اسد الموضوع لمن نوصل ويخلي وياي النقاط عالحروف اصريت يسمع وجهة نظري وياريت لو ساكته جفصاتي وياه خربطن النقاط والحروف وزعل مني اذا جنت ماراضية مثكل علية..

كتله اني موقصدي احجي لنادية بس اضطريت اطلب منها النصيحة حتى الكى حل لوضعنا

خزرني رافع حاجبه

_يعني من غريبة تطلبين النصيحة سارة .. من غريبة حسناء وين عنج بالضبط.. بعدين لا انتي تشتكين من شي ولا اني.. كل الخلل انتي خوافة واني ماشيج خطوة بخطوة لمن ننهي الشغلة

دنكت مرتبكة ردت اوضحله اسباب خوفي جفصت وياه وزدت الطين بلة

_ مو انت ماتعرف احس هاي الشغلة هم نايم على كلبي.. اريد بس تفض واخلص

باوعلي مستغرب
_ ليش انتي شايفتها هم..!! وعليمن تريدين تخلصين واني وياج وعلى مرامج .. لعد لو غاصبج شتكولين

_ لاتزعل مني عماد.. بس والنبي من كد مااشوفك تريد تفض الموضوع واني ماخليك اضوج لاتمل مني بعدين

خلى عينه بعيني وابتسم متفاجئ
_ الظاهر انتي لحد الان ما مستوعبة حجم حبي الج اذا تشوفين قدرج عندي بعلاقة يبين بيها معدن حبي الج اذن يا حسافة والله على طولة بالي وياج كل هالمدة الفاتت

لزمت ايده من شفته احتقن لا تفهمني غلط عليك النبي اني احس بيك تضوج من ادفعك عني ونفشل مثل كل مرة مامكتملة العلاقة بينا

دار وجهه للجام وحجه
_ فاهمج عدل سارة لاتبررين وبالنسبة للعلاقة انسي اطلب منج بعد وشيلي الفكرة من راسج نهائي.. مادامج تشوفيها هم جاثم على كلبج مو باللزوم خلي تولي

اختنكت عرفته زعل...
زعلت مني مووو... والله مو قصدي هيج احجي اصلا اعتبرني ماحجيت هالكلام

حجى بدون يلتفت عليه
_ مازعلت بكد ماصدمني ردج عالعلاقة.. عالعموم
الخلل بيه مو بيج انتي.. ومنا وبعد ممنوع اسرارنا الشخصية تطلع بعد لكائن من يكون... مفهوم

_ مفهوم... انبني بلهجة جافة وختمنا النقاش هيج
بقى مثكل علية كلش واذا سالته كوة يجاوبني لمن سكتت مغثوثة الوم بروحي شجاني وهيج حجيت، وياه