عشق السلاطين {باللهجة العراقية}

الفصل الثاني بـ29

عشق _ السلاطين _ الفصل الثاني بـ29
٠
٠
بقلمي ياسمين _ حبيباتي لاتنسون جهودي بتصويت + وتعليق عالفقرات + ومتابعة لحسابي تلكون يوزر التيك توك والانستا عالبايو بصفحتي 🌹🌹🌹
٠
٠
مشكلة .. من تريد تبجي بس دمعتك تعترض
مشكلة.. من الدنيا توكف والعمر يركض ركض
مشكلة.. من تريد تنسى وذكرياتك تنتفض
مشكلة.. من يصير يومك ماله داعي والحزن حاير بهمك
مشكلة.. من تريد تضحك والدمع مرتاح يمك
مشكلة.. من تريد تشكي لـ بشرمايكدر يفهمك
مشكلة.. من تسد فراغك بالنقص وتعيش خالي
مشكلة.. من تسولف المنطق بجرحك بس يشوفونك مثالي

٠
٠
ماهر.. اقتباس..
اليوم كان موعدي مع طبيبي النفسي...
اخبرت طبيبي عنك ووصفتك له تفصيله تفصيله دون ان اغفل عن شيء وضعت امامه اخر صوره كانت لي معك واخبرته كم احبك وكيف انني اغرمت بك باندفاع مجنون دون ان اتوقف عن حبك قط اجلسني بجواره ككل مره ازوره، اخبرني للمره الالف بان الخوف من الحب لن يفيدني في شيء على الرغم انه لا يعلم بواقع الحال وان محبوبتي انسانة مرتبطة بغيري مع ذلك رغبت الكذب وعشت تفاصيل الخدعة دون ندم، كانت الصوره بين يديه يتاملها بشيء من الانبهار كيف يعقل ان اكون ذات الوجه الشاحب الواقف امامه الان هو نفسه ذات الوجه البشوش الذي في الصوره ينظر اليك ويتاملك بهيام اتعلمي انه طلب مني ان اتي اليه في المره القادمه معك او حتى ان اعطيه رقمك... وكنت على وشك تسليم امري له لولا ان تبادر الى ذهني اخر ما قلته لي "انا احب زوجي" اخذت هاتفي من بين يديه تاملت صورتك مجددا ثم ودعت طبيبي قائلا:
تحدثت اليوم كثيرا دعنا نؤجل حديثنا لحين انسى
ليختم الجلسة بجملة اخيرة وحيدة
٠
٠
نسيان المخاوف ياماهر..... لا نسيان الاحبة 💔

طلعت منه حاضن نفسي اغطي مشاعري واحساسي من برودة الجو وسوط الضمير الباقي البقى بيه خايف عليها مني ومن افكاري الناوي عليها... جنت ادري وواعي لحجم مصيبتي بكبرها واعرف جريمة احب واعشق انسانة مرتبطة بالذات المثلها وشايلة صفاتها ومعانيها مستحيل اكون راهب وياها.. بس مشاعري ماجان عليها سلطان لابيه اكرهها ومابيها شي ينكره ولا بيه انساها برغبتي الموضوع موهين ابد .. ماعرف شلون امسيت واصبحت انسان محبوس بيها لهذا الحد ، وشي مثل الاغلال يقيد كلبي ناحيتها ويحبسني بهالة عشقها...عجزت انساها واني بكل مرة اشتاقلها اخلق الصدفة خلق حتى اشوفها وبكل مرة اكول هاي الاخيرة وارجع الكى نفسي متلهف الها اكثر من قبل

بالنهاية تعبت وتعب عقلي وتفكيري وهاجسي الوحيد شلون انولها صار غايتي ولو كان على حساب الدنيا بكبرها ونفوذ زوجها ميهمني بعد .. كدرت بجم كعدة وجلسة خلال اشهر طويلة اجمع معلومات واسجلها لجانبي عرفت بيها نقاط ضعف زوجها والي جان همي ونقطة نظام تخطيطي كله توكف عنده مو عدها هية وكدرت احصل ثغرات عن حياته الشخصية من لسان ليان وجياد بدون قصد منهم استعمل معلوماتي بالمستقبل ضده وراها اطوي صفحته يكرهها ويصير بينهم انفصال ويصفى الجو الي وياها اخذها نصيبي من الدنيا اكتفي بخلالها من ملذات الحياة وازهد بيها لحد مااموت والله ياخذ روحي ..