عشق السلاطين {باللهجة العراقية}

الفصل الثاني بـ1

_ عشق _ السلاطين_بقلمي _ ياسمين

شلوني وياجن نزلت قبل الوعد حتى تعرفن غلاجن بكلبي 🥰 بنات صوتن عالفقرات معقولة الرواية مابيها حدث يشد 🤔 ماعرف بس احب اشوف تعليقاتجن عليها اشوف قصص ماتسوى وتستاهل التعليقات بيها عالفقرات صاير بفلس 😭😭
_________________________

ما زال صوتك في ثنايا مسمعي
والشوق في صدري يفتت اضلعي
والله ان الشوق فاق تحملي
يا شوق رفقا بالفؤاد الا تعي
يا جدي ان مر اسمك عابرا
يزداد من فرط الحنين توجعي
حاولت ان اخفي هواك وكلما
اخفيته في القلب فاضت ادمعي
بالبين قد قضت الليالي بيننا
لكن روحك لم تغب دوما معي
_________________________

سارة...
كاعدة بالبلكونة ايدي على خدي صافنة عالدنيا والديصير بيها عجيبة شلون احوالنا تغيرت فجاة وانكلبت حتى نفوسنا احسها شاحبة محد اله خلك لاحد سحبت نفس وزفرته من الضوجة

باوعت للمجلات مالي خلك اتصفحهن يعني شنو معناها يخلي قرارت وخيارات لازم انفذهن واني ساكتة

يعني فوك ماهو متغير وياي صار يطلعلي بسوالف ماتخطر عالبال .. بعديـنـ
اندك الباب انداريت ساكتة دخلت ليان مبتسمة الوحيدة بينا عايشة اللحظة بتحضير زواجها مامهتمة للجاي يصير

_ هلو حبي شدسوين

احجي وية روحي مثل المخابيل

كعدت كدامي ونزلت المجلات من ايدها للميز
_ ههههه اني هم استغربت الصوت توقعت يمج احد

يمعودة منو يمي وصلت مرحلة اتوسل لهنادي تبقى يمي تبيع علية ثكل ماتقبل عدها شغل وتخاف من اسماء لاتحجي عليها

_ صحيح كلمن ملتهي بامره.. شلونه عماد وياج بعده بارد وياج

ايي بعده البارحة طكت روحي منه تعاركت زعلت منه هم
_هههههه

حسيتها مامصدكتني
والنبي زعلت منه ولسة مااحجي وياه

ابتسمت لازمة ظحكتها كوة شكلها بعدها ما مصدكتني

_ احمم اني الاعرفه هو متفق وياج تبلشين تعتمدين على نفسج ماتنتظرين منه شي وانتي وافقتي ليش بطلتي

دنكت صافنة على ايدي
_ ماعبالي هيج يسوي وياي البارحة جبتله كتاب حتى يقراه الي يكلي تعبان ومن انام بصفه الكاه زايح مسافة عنه حسيت نفسي بيه خلل من وراه تالي بجيت ونمت ضايجة منه ومن سالته ليش هيج يسوي يكلي مرتاح هيج.. زين واني شلون بيه

_ اتحمليه هالفترة حبي ترة هو ضاغط على اعصابه كوة يتصرف بهذا المود.. وفاة جدو محطمته كلش وماطايق حتى دخلته للقصر بدون مايسمع حسه ماتشوفيه يريد يهج بس احنا اصرينا عليه لمن ازوج الا تنتقلون لبيتكم الجديد

_ والله عاذره حزنه عليه وادري بيه حتى يتعمد يتاخر بشركته حتى يرجع هلكان تعب وينام دمعت عيوني مامتحملة بس والنبي مشتاقتله حتى اني صايرة بحسرة شوفته صاير مايتحاجى ابد