မြွေတိုင်းပြည်တစ်ခုလုံးအုန်းအုန်းကြွတ်ကြွတ်ဆူညံနေကြသည်။ဒီနေ့ကအရှင့်သားရဲ့လပြည့်နေ့ပွဲတော်ကျင်းပမည့်နေ့ဖြစ်တာကြောင့်မြွေတိုင်းပြည်တစ်ခုလုံးကိုခမ်းနားစွာအလှဆင်ထားကြသည်။အစားအသောက်တွေကလည်းအလျှံပယ်ပင်။အရှင့်သားတားမြစ်ထားသည့်စည်းကိုဖောက်ခဲ့သောမြေးအဖွားမှာအပြစ်ပေးမခံသည့်အပြင်ဆုတော်လဒ်တော်တွေပင်မြှောက်များစွာချီးမြင့်ခံခဲ့ရသည်။သို့သော်အရှင့်သားဆီမှတော့မဟုတ်ကြင်ယာတော်ဆီမှပင်။အရှင့်သားကပါးစပ်ကိုဖွင့်လိုက်ပိတ်လိုက်ဖြင့်အပြစ်အနည်းငယ်ပေးချင်နေသေးသော်ငြားကြင်ယာတော်၏အကြည့်စူးစူးအောက်တွင်တစ်ခွန်းမှမဟရဲပဲနုတ်ဆိတ်နေလိုက်ရသည်။
တိုင်းသူပြည်သားတွေသဘောပေါက်သွားသည်မှာအာဏာအစစ်အမှန်သည်ကြင်ယာတော်လက်ထဲတွင်သာရှိသည်ဟူ၍ပင်။အရှင့်သားကိုဖားလျားနေကြသောနတ်ဆိုးများနှင့်မှူးကြီးမတ်ရာများပင်အရှင့်သားကိုဖယ်ခွာကာကြင်ယာတော်ကိုမျက်နှာလုပ်ဖို့ကြိုးစားကြတော့သည်။
ကြင်ယာတော်ကလူသားပီသပေသည်။တံစို့လက်ဆောင်များအားလုံးကိုလက်ခံပြီးအခွင့်အရေးတော့တစ်ခုပြန်မပေးချေ။သို့သော်မည်သူမှလည်းဝေဖန်ဖို့သတ္တိတော့မရှိကြ။မကြာသေးမီကအရှင့်သားကလက်နက်လုပ်သားများကိုအကောင်းဆုံးဓါးတစ်လက်ပြုလုပ်ဖို့မှာကြားထားပြီထိုဓါးပေါ်တွင်စာတန်းတစ်ခုကိုရေထိုးစေခဲ့သည်။
'ကြင်ယာတော်လေးကိုစိတ်အနှောက်အယှက်ဖြစ်စေသူများအားသုတ်သင်ရန်'
ထိုအချိန်မှစ၍အားလုံးကနုတ်ပိတ်နေရန်ဆုံးဖြတ်ထားလိုက်ကြပြီဖြစ်သည်။
"စိတ်လှုပ်ရှားနေတာလား"
"ဟုတ်တယ်ဒီနေ့ကငါ့လက်ထပ်ပွဲနေ့ရောမှတ်ဉာဏ်တွေပြန်ရမယ့်နေ့ရောပဲလေ"
"ကိုယ်လည်းပဲစိတ်လှုပ်ရှားနေတယ်ကိုယ့်အသက်နှစ်ရာပြည့်ခါနီးတော့မှလက်ထပ်ပွဲလုပ်ရတာကနည်းနည်းတော့ရှက်စရာကောင်းနေသလိုပဲ"
"မင်းကဆယ့်ရှစ်သားလေးလိုပါပဲကွာကြည့်ပါအုန်းအရည်ခွံလဲပြီးကတည်းကနုဖတ်နေလိုက်တာ"
YOU ARE READING
မြွေ(Complete -U+Z)
Romanceမြွေများကိုအလွန်အမင်းကြောက်တတ်သောပြည့်စုံသည်တစ်နေ့တွင်ထူးထူးဆန်းဆန်းအိမ်မက်ကြီးတစ်ခုမက်ခဲ့သည်။ထိုအိမ်မက်ထဲတွင်သူကဧရာမမြွေကြီးတစ်ကောင်နဲ့ချစ်ရည်လူးနေခဲ့သည်တဲ့။ 1vs1🐍
