အပိုင်း 6
မ တစ်ယောက် ဆိုင်ကယ်လေးပေါ်သို့ တက်လိုက်ကာ ရင်သွေးငယ်တို့ရှိရာအဆောင်ဆီသို့ ဦးတည်ကာမောင်းရန်ပြင်လိုက်သည်။
"ဟာ....မေ့တော့မှာပဲ....ဟူး"
ဆိုင်ထဲက ကြွေပန်းအိုးအားဝင်ယူလိုက်သည်။သူ့အားစိတ်ဆိုးသွားသော ရင်သွေးငယ်အားချော့ရန်အတွက် ဖြစ်သည်။ ဆိုင်ကယ်ပေါ်ရောက်သည်နှင့် မျက်မှန်လေးအားထုတ်ကာ တပ်လိုက်ပြီး မောင်းရန်ပြင်လိုက်သည်။
.
.
.
တစ်ဖက်တွင်မူ...
"သွေးငယ်....သူငယ်ချင်း တော်တော့လေကွာ"
ကြမ်းပြင်ပေါ်တွင် ဘီယာဗူးခွံအများအပြားက နေရာယူလို့ထားသည်။ထို့အပြင် သီချင်းများလည်းအော်ကာဖွင့်နေသည်။
"မ က....အေ့....ငါ့ကို ...အေ့..ရိုက်တယ်တဲ့....တာဝန်အရ.....ဟား...အေ့...တာဝန်....ဟား..."
"သွေးငယ်....တော်တော့ကွာဟေ့ကောင်...မင်းအရမ်းမူးနေပြီ"
"မ....အေ့....မ ရက်စက်တယ်ကွာ....မ!!!!!"
"ဟေ့ကောင်....ပတ်ဝန်းကျင်အားနာဦး"
ဒေါက်....ဒေါက်.....
"သွေးငယ် ငါ တံခါးသွားဖွင့်လိုက်ဦးမယ်...တိုးတိုးနေ"
"မ!!!...အား"
"ဟင်...မ...ဘယ်လိုရောက်လာတာလဲ"
"မိုးဝေ...မ ကို အခန်းထဲဝင်ခွင့်ပြုပါဦး"
မ အခန်းထဲရောက်ရောက်ချင်း မြင်လိုက်ရသော ပုံစံကြောင့် စိတ်ပူမိသည်။ဒေါသလည်းဖြစ်မိသည်။
သီချင်းသံတို့ကိုလည်းကြားရသည်။
သေရည်အရက်ကို မုန်းခဲ့တဲ့
မင်းကို ငါချစ်ခဲ့🎶🎶
ဒီမှာပိုမူးပေါ့အချစ်လေး🎶🎶
အနီရောင်သွေးပျက်သွား🎶🎶🎶
သေရည်ဖြူထက်မင်းပိုခါး🎶🎶🎶
ရင်မှာ ဒဏ်ရာနာကျည်းလွန်းတော့🎶🎶
နှလုံးသားအိမ်မှာပူတယ်....ဆောင်းနှင်းဖြူဝေ့တဲ့
အခါးဆုံးအရက်ကိုမိတ်ဆွေလုပ်မယ်🎶🎶🎶
ချိုပါတယ် ဒါဟာမင်းထက်သိပ်ချိုတယ်🎶🎶
"ရင်သွေးငယ်!!!....မင်း ဘာဖြစ်နေတာလဲ"
မ ပန်းအိုးအား ချလိုက်ကာ သွေးငယ်အနားတွင်ထိုင်လိုက်သည်။
