အပိုင်း 15
မ က သွေးငယ်ရဲ့ လက်လေးကိုလှမ်းလို့ကိုင်လိုက်သည်။
"မ ....ကျနော်က မ ရဲ့ဘာလဲ"
"သွေးငယ်....မ ရဲ့သွေးငယ်လေးကိုစိတ်မရှုပ်စေချင်လို့ပါ....ပြီးတော့ သွေးငယ်လေး စိတ်မကောင်းဖြစ်မှာ"
"မ!...ဆက်မပြောနဲ့တော့ ကျနော်က ဘာကိစ္စစိတ်ရှုပ်ရမှာလဲဗျာ...မ အတွက်ဆို သေဆိုသေ ရှင်ဆိုရှင်မယ့်ကောင်ဗျ...မ ရဲ့စိတ်ညစ်စရာတွေကို ကျနော့်ကိုပြောပြပါဗျာ ကျနော်အတတ်နိုင်ဆုံးဖြေရှင်းပေးလို့ရတာပေါ့"
"......"
"မ....ကျနော်က မရဲ့ ချစ်ရသူနော်...တစ်ခုခုဆို ကျနော့်ကိုပြောပြပါမရာ ကျနော်က မ ရဲ့စိတ်လုံခြုံရာရပ်ဝန်းမဖြစ်နိုင်ဘူးလား..."
"သွေးငယ်....စိတ်မဆိုးပါနဲ့သွေးငယ်ရယ်"
သွေးငယ် မ မျက်ဝန်းများမျက်ရည်တို့ဝဲနေသည်ကိုသိသဖြင့်...
"မ....ကျနော် မရဲ့ဘေးမာရှိနေမယ်.... မ ဘယ်လိုလုပ်ချင်လဲပြော...ဦးလေးကိုနိုင်ငံခြားမှာဆေးသွားကုကြမလား"
"ဖေဖေက နိုင်ငံခြားမှာဆေးသွားကုဖို့ကိစ္စပြောလို့မရဘူး"
"ခွဲစိတ်ပြီး အသားစအဖြေထွက်လာမှ ကျနော်တို့ကြည့်စီစဥ်ကြတာပေါ့....မ ကျနော်ရှိတယ်နော် ကျနော်မရဲ့ဘေးမာရှိနေမာ"
"ကျေးဇူးပါ သွေးငယ်လေး"
.........................
"မမမိုး.....မမမိုး စိတ်မပြောင်းတော့ဘူးလားဗျာ...ကျနော့်ကို တကယ်ပဲ မစဥ်းစားပေးတော့ဘူးလား"
"မိုးဝေ...အရက်တွေသောက်လာပြန်ပြီမလား...မင်းမူးလာရင် ဖုန်းခေါ်ပြီး ဒီလိုစကားတွေပြောပြီ"
မိုးဝေ အော်ငိုနေမိသည်။
"အီးဟီး....မမမိုး ကျနော်က မမူးပါဘူးဗျာ"
"မင်းမူးနေတယ်ဆိုတာ ကိုယ်သိတယ် မိုးဝေ....မင်းကိုပြောထားပြီးသား ကိုယ်မင်းအချစ်ကိုလက်မခံနိုင်ဘူးလို့"
"မမမိုး..အီးဟီး အရင်လူမကောင်းခဲ့တာနဲ့ပဲ နောက်လူတွေအတွက် အခွင့်အရေးမပေးတော့ဘူးလားဗျာ...ကျနော်မမမိုးကိုတကယ်ချစ်တာပါဗျာ...မမမိုးသာလက်ခံရင် အမေ့နှင်းဆီခြံထဲက နှင်းဆီပန်းတွေ မမမိုးအတွက် နေ့တိုင်းခူးပေးမာ အီးဟီး"
