بيت فايز
الكل صاحي وجالس على الفطور جاهم غيث وغثهم من الصبح
غيث بابتسامة: المهم لا رجعت ملاذ من عند زفت الطين ذاك انا بعرس عليها طيب
فايز بتصريف: يحصل خير
ورعد ناظر غيث بضحكة وغيث رفع له عينه بمعى ايش ورعد هز راسه بلا وهو ياكل كاتم ضحكته
نوير: متعدد الاستخدام بعدين خذني لملاذ
رعد وهو ياكل: ابشري بس بروح الشركة والعصر اخذك طيب
نوير بابتسامة: طيب
ضحك فايز وهو يناظر رعد: الا متعدد الاستخدام قبل الشركة مر على عمك وتطمن عليه
رعد هز راسه مستغرب من ابوه البارحه يبي يسرق عمه والحين يسأل عنه ويبي يتطمن بس ضحك من لقبهم له
...................
بيت راكان
قام وما لقاها عرف انها قد قامت وراح الحمام وبعدها نزل للمطبخ وهو يشوف الاغراض وضحك ما يعرف وش يطبخ حط لها كورنفليكس وسخن حليب وجاب عسل وشافها داخلة وحط الحليب فوق الكورنفليس وحط عسل وخلهم ومده لها
راكان بضحكة: بالعافية
ناظرته ابتسمت وهي تاخذه وتجلس ورفعت راسها له وهي باقي كسلانه
قالت بكسل: وانت؟
راكان ابتسم: ما احب افطر انا بروح الشركة الحين
مشى لفوق يتروش ووبعدها لبس وحط العطر ونزل
راكان بصوت عالي علشان تسمعه: اناا رايح تعالي سجلي رقمي اذا تبي شي ارسلي لي
جاته ومدت له التليفون وهو مسكه يسجل ومده لها
راكان: يلا مع السلامة
وهي سبقته ووقفت قدام الباب تمنعه ييطلع وهو يناظرها
راكان باستغراب: وش فيه الحين
ملاذ: افطر بالاول
راكان ابتسم: لا باخذ لي قهوة وانا رايح شكرا
ملاذ هزت راسها بعناد وهي تقول: مو كورنفليكس والله سويت لك فطور يلا تعال
راكان ضحك: لا ماني بماكل
ملاذ: الا بتاكل
راكان ابتسم من عنادها: لا لا لا
ملاذ: الا الا الا
راكان: ماني بفاطر
ملاذ مدت يدها ومسكت يده تجره معها للمطبخ بس هو كان ثابت وهي ما قوت له
ملاذ: تكفى تعال سويته لك اكل وحدة واطلع
راكان بيروح ياكل بس بيعاندها: لا ماني بماكل
KAMU SEDANG MEMBACA
وما بعد الفراق الا اللقاء
Romansaفيها من الهم والحزن اطنان احتواها وحماها وزادو قاهرينها حاوطها وهو يقيها من آلام تعلقت فيه وهو تمسك حيل بيها جاه السقم من اقرب الناس وجلست جنبه وحطت يده بيدها حان الوداع ودمعت العين ألماس وترك قلبه وروحه فبيتها والله كتب لهم بعد البعد القاء وبشوق لم...
