بيت راكان
تركها باسم وطلع لبرا الغرفة وملاذ ركضت لراكان تحضنه وتبكي وهو همس باذنها كلمات ابتسمت ومشت للباب ولفت تناظره النظره الاخيرة وهو ينتظرها تطلع ويطلع االلي بداخله مايبي يبكي قدامها مايبي يبين لها كسره مايبي يخوفها وهو الحين طمنها رفع بده يلوح لها بس استغرب فيها تجي له وتحضنه مرة ثانية بس ماطولت صدمته وبسرعه ضمها له غمض عينه بضيق وفتحها على صوتها
ملاذ: انت وعدتني
راكان: ووعد المحبين اجبار نوفي به
بعدت ملاذ عنه من دخل اوبها وراحت له وباسم ناظر راكان وصد عليها ابتسم يطمن بنته انه ما بيأذيها ومسك يدها ومشى بها طالعين من الغرفة وبس خطو خطوتهم جلس راكان على سريره مغطي وجهه مستسلم لدموعه وهو خلاص كان اليأس ثوبه رفع راسه على احد دخل وكان باسم اللي انصدم من كسر راكان معقوله صدق حبها في اسبوع وبفراقها انكسر راكان نفسه هو اللي حزن بفراق ابوه ليله وحده بس ناظره وهو بعد حزن عليه يعتبره ولده وقدره عنده غير بس مستحيل يسوي لهم اللي ودهم فيه
باسم بقسوة بانت في صوته: تعال لي الشركة العصر بنخلص الاشياء اللي ماقدرت عليها بدوني الساعه اربع تكون هناك ما ابي تاخيروبنكلم بموضوع ملاذ والطلاق!
راكان نزل عينه: ابشر
طلع باسم مستغرب وراح لسيارة عند غيث وملاذ ركب وسمع كلام من بنته كلام ما وده يسمعه
ملاذ بقوة ماتدري منين جاتها: يبه انا لراكان وباقي زوجته وغيث ماني بمتزوجته ولا بتزوج غيره وان فكرت يبه تزوجني بهرب لراكان وهو ما بيخليني
عم الصمت ثواني ونزل باسم بعد ما فكر بهدوء وفتح الباب وسحبها بقوة ورمها على الارض وضربها برجله على بطنها بقوة اكثر من مرة قدام الناس والجيران ما اهتم بنته اللي تعب عليها تهدده بالهرب ولمين راكان ورعد كان جاي لراكان بس انصدم وهو يشوفها تنضرب قرب وبعد عمه عنها
رعد بسرعه: ملاذ قومي سيارتي بسرعه
قامت بتثاقل تبي تروح لسيارة رعد بس سحبها راكان وراه بعصبية من وصله اتصال من الجيران
راكان بصراخ: هاذ انت اول ما اخذتها ضربتها كيف بعدين والله ماهي براجعه معك وماني مطلقها ولا راح اجي الشركه ولا راح اشتغل معك واستقالتي بيدي بجيبها لك
سحبها من يدها لداخل بس وقف على كلام رعد له قبل دقايق في الجوال ( بترجع لك بس يبيله صبر ورجعتكم لبعض علي انا بس اصبروا واهم شي خلها ترجع ) اخذ نفس ونزل لمستواها
راكان بحنية: وجعك؟
ملاذ ابتسمت له وهزت راسها وهو كمل بضحك: رجعتي تسكتي
ملاذ : بروح مع رعد
راكان ناظر رعد: وانا بجي معكم واول ما تنزلي عند مين تروحي؟
YOU ARE READING
وما بعد الفراق الا اللقاء
Romanceفيها من الهم والحزن اطنان احتواها وحماها وزادو قاهرينها حاوطها وهو يقيها من آلام تعلقت فيه وهو تمسك حيل بيها جاه السقم من اقرب الناس وجلست جنبه وحطت يده بيدها حان الوداع ودمعت العين ألماس وترك قلبه وروحه فبيتها والله كتب لهم بعد البعد القاء وبشوق لم...
