المزرعة
عبير ضحكت وهي تاشر على عيونها قامت وقامت بعدها ملاذ متخبية ورا عبير ما عطت راكان فرصة يشوفها جا بيقوم بس انصدم وهو يشوف ملاذ تركض للغرفة وعبير اتجهت للمطبخ وكل تفكيره برجل ملاذ بس ارتاح وهو يشوفها تدخل
راكان: عاد بخليكم تاخذوا راحتكم وبروح انام
خالة مزنة وهي بتبدأ بخطتها بعد ما اكدوا لراكان انهم مسالمين : ايه اخذ راحتك يا ولدي
ابتسم لها راك وقام يمشي بسرعة لغرفة ملاذ وللاسف لقاها مقفوله وبعد من جاه صوت عبير
عبير وهي كاتمه ضحكتها: ملاذ زعلانه منك ما بتخليك تشوفها ابد لو تموت فابعد خلني ادخل
راكان غطا الطريق: ادخلي بس كلميها خليها ترضى علي
عبير ضحكت: لا لا مالي دخل انا ابعد
راكان: طيب طلب صغير
عبير: هاه
راكان: فيه عطر وردي حقها ادخلي اسرقيه واطلعي بسرعه
عبير تنهدت وقالت باستسلام : طيب امسك
اخذ منها راكان الكيس وهي دخلت وبعد دقايق طويله طلعت مدت له العطر وهي تضحك واخذت الكيس ودخلت وهو ابتسم براحة وراح للغرفة رش من عطرها على السرير وانسدح ونام كان في عطرها مخدر خدره كله ودخله لعالم الاحلام مع ملاذ بدون غثى وبدون فراق
......................
غرفة ملاذ
قاطينها سوالف ملاذ وعبير
ملاذ: ياخي ليه احسهم باقي يكرهوني مع انهم طيبين
عبير بصدق: الصراحة مدري شقلك بس انهم ناوين على شي مادري وشهو
ملاذ اخذت نفس: طيب شجون احسها طيبه واحسها شريرة بعد
عبير ضحكت: ايه شجون طيبة بس تسلك لك لانها ما تطق ميانه مع اي احد وشريرة لانها تحب اخوها كثييير وهو كان مخصص وقت لها بس اللي صار انه انسرق منها ليومين ولا كلمها يكلمها بجفاء عكس قبل فهي حاقدة عليك وتراها تس تس انتبهي منها
ملاذ ضحكت: ابشري
وكملو سوالف عادية حقت التعارف ذي الا وانطق الباب ووصلهم صوت جميلة
جميلة: ملااذ تعالي خالاتي يبون يسولفون معك ما امداهم وهربتي
ردت ملاذ بفشلة: ابشري جايه
........................
عند الحريم
بعد ما ارسلو جميلة تنادي ملاذ وبعدها تروح تصحي راكان وهي تمثل الخوف جلسو عادي دخلت ملاذ وسلمت
هالة بحنية مصطنعة: يا ملاذ تعالي اجلسي جنبي
طلعت نوف تعطي جميلة اشارة بانها تصحي راكان
YOU ARE READING
وما بعد الفراق الا اللقاء
Romanceفيها من الهم والحزن اطنان احتواها وحماها وزادو قاهرينها حاوطها وهو يقيها من آلام تعلقت فيه وهو تمسك حيل بيها جاه السقم من اقرب الناس وجلست جنبه وحطت يده بيدها حان الوداع ودمعت العين ألماس وترك قلبه وروحه فبيتها والله كتب لهم بعد البعد القاء وبشوق لم...
