عند راكان
وانصدم وهو ما يشوفها ركب حط العشا ودق عليها وسمع صوت جوالها جنبه فتح الباب بينزل وسمع فتح الباب من جنبه وتسكيره رجع وسكر بابه وهو يناظرها
راكان: قلت لك لا تنزلي
طلعت ملاذ بسه صغيرة ورفعته قدامه: شوفه حلو
راكان مسكه ونزل للمحل ورجعه ورجع يركب وحرك السيارة بدون ولا كلمه وهي زعلت منه وصدت واول ما وصلو البيت نزلت وراحت غرفتها وطفت النور نامت وهو جلس ينتظرها ولما ما جت راح لها الغرفة فتح الباب وراح لها منصدم من نومتها بدون عشا
راكان: ملاذ قومي كلي ونامي مايصير كذا
ملاذ: اطلع مابي اسمعك ولا ابي اشوفك
ابتسم راكان باتساع من زعلها: طيب وشو رايك نسوي اتفاق
ملاذ جلست: وشهو
راكان: نسوي سباق لطاولة الاكل اذا انا وصلت بكره الصباح نروح لابوك واذا انتي وصلتي نروح من بكره الصباح ونشتري لك بسه
ملاذ قالت بحماس: انا بعد
راكان ضحك : لا انتي تغشي
ملاذ بعناد محترم: لو سمحت انا
ركان :طيب يلا
ملاذ قالت واحد وركضت وبعدها صرخت باثنين وثلاثه وهاذي المرة راكان كان وده يفوز بس هي فازت وجلسو وهم ياكلو وهي تناقره وهو يضحك من كل كلمه تقولها
ملاذ بضحكة: تدري ليه زعلت منك
راكان وهو ياكل: عشان البسة؟
ملاذ رفعت يدها وهي تضحك: لا لانك لما اخذت البسة اخذت ظفري معك ووجعت يدي وصار ماعندي ظفر بذا الصبع
ضحك راكان وهو يمسك بيدها يتفحصها: للحين يوجعك والله ما انتبهت اسف
ملاذ سحبت يدها بتوتر: لا ما يوجعني
..........................
بيت مصلح
نوف تبكي في حضن جميلة اللي تتوعد بملاذ وعبير جالسه بصمت وشجون صعدت غرفتها ماتبي وجع راس وخالاتهم جالسين مع امهم يخططون ضد ملاذ
خالة مزنة: زفته الطين ذي خلوها علي انا اذا ما خليتها تتمنى انها انسجنت مع ابوها ما اكون مزنوه
ام نوف: واضح بزر يمدينا نربيها من جديد اجل قدها تاخذ راكان من بنتي
ابتسمت هالة بشر واضح وقالت: من تلاقو خطة حلوة علموني اجيبها لكم
...
غرفة جميلة
نوف: شفتي وش سوا فيني لاجل هالسحلية من زينها عاد
جميلة: والله ما نخليها انتي بس اهدي
نوف ببكي: ما اقدر ما اقدر قهر ما بقى لعرسنا الا اسبوعين وهو يروح يعرس شفيه ما يصبر
STAI LEGGENDO
وما بعد الفراق الا اللقاء
Romanceفيها من الهم والحزن اطنان احتواها وحماها وزادو قاهرينها حاوطها وهو يقيها من آلام تعلقت فيه وهو تمسك حيل بيها جاه السقم من اقرب الناس وجلست جنبه وحطت يده بيدها حان الوداع ودمعت العين ألماس وترك قلبه وروحه فبيتها والله كتب لهم بعد البعد القاء وبشوق لم...
