البارت الســـــــابع
.
حجـــــــــوب الضباب
.
بقلمي: ندى زيد
~
~~~~~~~~~~~~~~
ا
لموت يا انسان يأتي بلا استئذان
. واندم على مافاتك واستغفر الرحمن
.
«»«»«»«»«»«»«»«»«»«»«»«»«»«»«»
زهور …السنة الثالثة مرت على زواجي كلها مشاكل بمشاكل
حتى بيوم ولادتي بنتي نضربت الضهر وبليل ولدت
عبد الله مندفع من قبل امه مسير وليس مخير..
چنت كاعده الضهر بغرفتي فاتحه الشباك خلي تتشمس الغرفه لان الجو شتا شهر 12
بطني واصله خشمي اليوم اليه 3ايام بشهر التاسع
حياتي ويا گضيتها زعل وكل ما يضربني سبحان الله تصادف امي جايه عليه لو ابوي مره لگاني ابوي مدمايه اول شهور حملي واخذني ويا 20يوم ماخله واحد ماجابه عمامي وخوالي على ابوي يله رجعني
دا اتمشى بالغرفه. اسمع ساهره تصيح بأسمي زهور وينج رحت عليها ها عمه
ساهره... تعالي خلي نغسل هاي الفرشات مال البيت مازال شمس قويه خلي ينشفن
زهور: باوعت عليهن ضهري مكسور من الشغل والحمل
رحت وياها اجر بروحي مابيه اشيل ايدي وبلشنه نغسل اني وياها وكلما نكمل طلع بعد بحيث حتى النظيف الي ما مفروش غسلته
كمت احس يوگع عليه مي ركضت للحمام وهيه تصيح وراي تعالي بقت وحده خلي نضفها
مارديتلها ضهري يوجعني وبطني احسها أنبلعت
باوعت على نفسي هذا دم بس قليل غسلت وطلعت
اسمعها تشكي لعبد. تقبلها اني غسلت هاي الفرش كلها وأصيح لمرتك تجي تغسل وياي ماتقبل
عفتها وفتت للغرفه. هاي بطرانه اني بيا حال وهيه
تنافق وتشكي
كعدت ع السرير اتلوه من الوجع
فات للغرفه وسد الباب برجله....
.. ها زهور خانوم انتي كاعده هنا وامي تشتغل بره تغسل وتنشر ع الحايط وهيه مره چبيره مافكرتي بيها ماگلتي خطيه بمثابة امي خلي اساعدها
زهور…چنت اغسل وياها مابقى شي بس فرشه وحده وگع عليه دم ورحت للحمام اشوف شبيه من طلعت سمعتها تشكيلك واني ماجيت يمكم رحت لغرفتي ارتاح
عبد الله... ها يعني امي تجذب
زهور... ماگلت تجذب لاتفسر الامور على هواك
YOU ARE READING
حجوب الضباب
Mystery / Thrillerزواج تعذيب قتل موت ثم من بعدها حب لاينتهي.. عرَفْتُ الهَوى مُذ عَرَفْتُ هواك وأغْلَقْتُ قَلْبى عَلىٰ مَنْ عَاداكْ وقُمْتُ اُناجِيـكَ يا مَن تـَرىٰ خَفايا القُلُوبِ ولَسْنا نراك أحِبُكَ حُبَيْنِ حُبَ الهَـوىٰ...
