حجــــــــوب الضباب
الــــــبارت. الرابع عشر
بقلمي: ندى زيد
لماذا اخترتني انا من بين النجوم لتطفئني؟
༺༺༺༺༺༻༻༻༻༻
ليش اروح لهلك اني وبنتي ومن يگول يستقبلوني؟
ــ يستقبلونج يستقبلونج بس استعجلي
. ما اكدر احسها صعبه شلون اعيش ويه اهلك
ــ لج ما دا اخذ رئيج الج خمس دقايق تجهزين نفسج وغصب عنج هم
. صحت بي. يمان شنننننننو غصب عني احنه ممتفقين هيج ابوك يكلك طلگها وانته تريد تاخذني يمهم
لزمني من فكي وكال انتي مو مال عيني واغاتي دفعني بالغرفه وراح على بان يكعد بيها اني من هول الموقف دموعي كامت تجري بعد مااكدر اجادل لان بان كعدت لميت ملابسي واني ابجي وفكي يوجعني من الضغط عليه مدري ليش حسيته ضحك عليه
اني ليش ضعفت اي اعترف اني اضعف من يقترب مني ومن اباوع بعيونه اضيع معقوله حبيته دخيلك ياالله اذا يضحك عليه كون هسه يتفلكش كلشي
اخذ بان وهيه متعلگه برگبته.. صاعد بالسياره انتضرج
بدلت ملابسي بفستان الي جابه اليه ورتبت شالي
واخذت جنطتي وطلعت
بمجرد ماصعدت شخطها حتى بعدني مطبكت الباب
طابگ حواجبه ويسوق بسرعه طلعنه من القادسيه فتنه بمنطقة راقيه من مناطق بغداد وگفنه كدام بيت قلعه مو بيت عادي ضليت صافنه عليه هوه كال بصوت ناصي نزلي عكس قبل شويه من جنه بالبيت
نزلت نفتح الباب الخارجي بس صرنه كدامه هوه يمشي واني امشي ورا رجليه وحده تضرب بالثانيه
مشاعر مضطربه خوف. قلق. رهبه تفكير بالمجهول.
فتح باب ودخل لازم بان واني ورااا جانت كاعده بنيه توجه عليها باسها وسئلها الوالد وين. جاوبته بالصاله. تحجي ويا وتباوع عليه كلتلها مرحبا كالت اهلا. ضليت واگفه بمكاني وهوه دخل عليهم هيه تباوع عليه واني اباوع عليها استحيت من عدها ولا كالت تفضلي ولاهوه صاحلي شو هذا هنا صار مو بحالي
واگفه بالمطبخ تقريب بال10دقائق اسمع صارتلهم ضغبره
بس بصوت ناصي بدون صياح اخير شي صار هدوء وهايه الي كاعده بالمطبخ لاتهش ولاتنش ولاتدخلت
والله ايدي ماتت لازمه الجنطه واگفه
هسه صيحيلي كولي كعدي هنا
شدعوه عليج عشتووو
فات للمطبخ واخيرا اجاني الفرج صاح شتسوين هنا انتي فوتي جوه
. وين افوت
ــ تعالي وراي
رحت ورااا فوتني عليهم لزم ايدي وكال هاي مرتي وبنتها بنتي دفعني من ضهري بأتجاه رجال چبير كال بوسي ايد الوالد نزلت على ايده ابوسها ماقبل مسح على راسي وابتسم من وره خشمه
رجع دفعني بأتجاه مره وكال بوسي ايد الوالده
دنگت ابوسها ماگالت لا مدت ايدها بستها وكفت على صفحه اخذت الكلينس ومسحت ايدها
شكد استحيت من هل منظر اذا تتنگسين شكو تمدين ايدج ابوسها
أنت تقرأ
حجوب الضباب
Mystery / Thrillerزواج تعذيب قتل موت ثم من بعدها حب لاينتهي.. عرَفْتُ الهَوى مُذ عَرَفْتُ هواك وأغْلَقْتُ قَلْبى عَلىٰ مَنْ عَاداكْ وقُمْتُ اُناجِيـكَ يا مَن تـَرىٰ خَفايا القُلُوبِ ولَسْنا نراك أحِبُكَ حُبَيْنِ حُبَ الهَـوىٰ...
