Unicode
အကြောင်းပြချက်တစ်ချို့ကြောင့် ဒီဘောပင်နတ်သမီးက သူ့ဘေးခန်းကအိမ်နီးချင်းနဲ့ ပြဿနာတခုခုရှိနေတယ်လို့ ဖူကျန်လင် ခံစားနေရတယ်။
သူ ဒီမေးခွန်းမမေးရသေးခင်က ဘောပင်နတ်သမီးရဲ့အဖြေက အတော်လေးဟိတ်ကြီးဟန်ကြီးနိုင်ပြီး ဟာသအနည်းငယ်ပါဝင်နေကာ သူ့ကို ဒေါသထွက်စေခဲ့တယ်။ ဘေးခန်းကလူငယ်လေးလို့ သူပြောပြီးတဲ့နောက် ဘောပင်နတ်သမီးက ရုတ်တရက်အသက်ဝင်လာပြီး ဒေါသတွေအပြည့်နဲ့ ဖြေလေတယ်။ ဘောပင်နတ်သမီးက သူ့ကို နတ်ဆိုးလို့ ခေါ်တယ်ဆိုရင်...
ဖူကျန်လင်က ရုတ်တရက် သူ့စိတ်ထဲမှာ ကိစ္စပေါင်းများစွာ ဖန်တီးလိုက်တယ်။ ဆံပင်နက်လူငယ်ရဲ့မျက်နှာက ယောက်ျားတစ်ယောက်အတွက် အရမ်းလှပလွန်းတာကြောင့် ရုတ်ခြည်း မှုန်မှိုင်းသွားတယ်။
ဘေးကအမျိုးသမီးက ရှောင်လီနဲ့ သိပ်ပြီးအဆက်အဆံမရှိသလို အမျိုးသားလောက် ခံစားချက် နက်နက်ရှိုင်းရှိုင်းမရှိပေ။ သူမက ခေါင်းမော့လာပြီး မဝံမရဲနဲ့ လိုက်ပြောလိုက်တယ်။ "နတ်ဆိုးလား?"
အစောပိုင်းတုန်းက ဖူကျန်လင်က ဘောပင်နတ်သမီးကို တချိန်လုံး မေးခွန်းမေးနေပြီး အမျိုးသမီးက ကြားဖြတ်မနှောင့်ယှက်ခဲ့ပေ။ ဒီတစ်ခါတော့ ဘောပင်နတ်သမီးက သူမဘက်လှည့်ပြီး စာကြောင်းတစ်ကြောင်း ရေးလိုက်တယ် : [မင်း ရပ်တည်နိုင်တယ်]
"အာ...?" အမျိုးသမီးက နားမလည်တာကြောင့် ပါးစပ်ဖွင့်ဟလာပြီး စိတ်ရှုပ်ထွေးတဲ့အသံ ထွက်လာတယ်။
ဖူကျန်လင်လည်းပဲ နားမလည်ပေမယ့် ဒါက ကောင်းတဲ့အရာမဟုတ်ဘူးဆိုတာတော့ သူ့နှလုံးသားထဲက သိနေတယ်။ ဘေးမှာရှိတဲ့ရေကို တစ်ငုံသောက်လိုက်ပြီးနောက် ဘောပင်ကိုကိုင်ထားရင်း ဘောပင်နတ်မသမီးကို ပြန်ပို့ချင်ခဲ့တယ်။ မထွက်သွားခင် ဘောပင်နတ်သမီးက ဖူကျန်လင်ကိုဦးတည်ပြီး စာတစ်ကြောင်း ရေးသွားလေတယ် : [ဖူကျန်လင်၊ မင်း အဲ့ဒီအခိုက်အတန့်ကို သတိရလာတဲ့အခါကျရင် မင်းလုပ်ခဲ့သမျှ အရာရာတိုင်းကို ပြန်ပေးဆပ်ရလိမ့်မယ်။]
စာရွက်ဖြူပေါ်မှာ ပေါ်လာတဲ့ ဒီစာကြောင်းက ချိတ်ကောက်နဲ့တူပြီး သူ့ကို ဖြူတွေနဲ့ဖုံးလွှမ်းဖို့ ဆက်တိုက် ကြိုးစားနေသလိုပဲ။ ဒါပေမယ့် မြူခိုးတွေ လုံးဝပျောက်ကွယ်သွားခြင်းက ကာကွယ်ဖို့ တွန်းအားတချို့နဲ့ အတင်းအကြပ် ဖိနှိပ်ခဲ့တယ်။
YOU ARE READING
ငါဟာ ကံကောင်းခြင်းနှင့်မွေးဖွားလာတာမဟုတ် (Book-2)
Horrorငါဟာကံကောင်းခြင်းနှင့်မွေးဖွားလာတာမဟုတ်ရဲ့ Book-2 ပါနော် ငါဟာကံေကာင္းျခင္းႏွင့္ေမြးဖြားလာတာမဟုတ္ရဲ႕ Book-2 ပါေနာ္ I don't own anything. Credits for all original authors, translators and artists. Title: I wasn't born lucky Total Chapters: 268 + e...
