لا حول ولاقوة الابالله العلي العظيم 🌺....
الحاج وهدان بجديه: ليه ياأم مهرة عملتي اكده؟.
نعمه بحب: انا عملت لك التوكيل ياحج وهدان عشان تراعي الارض انتي شايفني راقده في السرير ويعالم هقوم ميتا.
الحج وهدان: كفايه العقد بس وياام مهرة.
نعمه بحب: عشان خاطري ماتتعبني واصل، اسمع كلامي، انت راجل طيب وانا امنتك علي بنتي اللي اغلي عندي من كنوز الدنيا، طبعا بركات كتب الارض باسم مهرة بنتي،وليها حق التصرف في الارض لكن لما تكبر لكن الحاج بركات قبل مايموت عمل توكيل ليا عشان اعرف ادير ارض بنتي وطبعا ده كان سر بيني وبينه ودلوقتي انا عملت تنازل للدار باسم بنتي وعملت لك توكيل لإدارة الارض، لحد ماتتم مهرة السن القانوني ولما تتم تقدر ترجعلها حقها، انا كنت عايزه اعمل التوكيل لجبل، لكن جبل كتر خيره عنده مشاغل هناك في مصر.
جبل باستغراب: لما ليكي حق التصرف في الارض بالتوكيل، ليه ما عرفتي اخوات الحاج بركات به، كان ممكن يمنع الجواز من بنتك.
نعمه بحزن: انت فاكر ياولدي، ان لو عرفوا بالتوكيل هيسيبوا بنتي في حالها، لا ياولدي انتي عارفه ان مهرة هتورث الارض بعد كام سنه وغير اكده لو عرفوا ممكن يضغطوا عليا اتنازل أو يلعبوا عليا ويطلبوني للجواز.
جبل بغيظ: للدرجه دي، مش فارق معاهم حاجه غير الارض.
الحج وهدان: طبعا دلوقتي المحامي راح يجهز الورق علي الامضاء وانا طبعا هشيع لشيخ الجامع يشهد على العقد وبعد الصلاه هيعمل اشهار في البلد، والبلد كلها قبل العشيه هتعرف ان جبل ولدي عقد علي مهرة بنت خالته، والتوكيل انا هعينه معايا لوقت عوزة يمكن يجد في الامور شيء واحتاجه.
زهرة بحب: ممكن تسيبوا خيتي ترتاح دلوقتي لحد ما المحامي يجي، وانا هروح احضر الوكل، ولازم تاكلي يانعمه، اظن انك اطمنتي علي بنتك ونفسك اتفتح ولازم تاكلي عشان تاخدي الدواء.
نعمه بحب: حاضر ياخيتي.
الحج وهدان: ارتاحي دلوقتي ياأم مهرة واطمني بنتك في عنيا من جوه وانا هروح اشوف مشاغلي وكمان هعدي علي شيخ الجامع اعرفه الحكاية واطلبه شاهد،يالله ياولدي تعال معايا.
جبل بطاعه: حاضر يابوي.
في دار الحج محمود الشرقاوي...
يجلس الحاج محمود علي راس السفره وعلي يمينه ولده الكبير كامل وعلي شماله ولده الصغير حماد...
كامل بغضب: كيف يابوي تسكت علي اكده، مرات عمي تبيت بره دارها.
الحج محمود بعصبيه: انت هترفع صوتك عليا.
كامل بتوتر: مش قصدي يابوي، لكن الموضوع يعصب برضو، الحج وهدان ماهما كان راجل غريب.
الحج محمود بجديه: مرات عمك مريضه ياولدي، وخيتها هتاخد بالك منها.
VOUS LISEZ
تزوجت طفلة 👰🏻...
General Fictionمهرة بركات الشرقاوي: فتاة عمرها تسع سنوات،بنت جميله كانت عايشه حياه هاديه مليئه بالحب مع والديها، لكن بعد ان توفي والدها الحاج بركات، طمع اعمامها في ورثها، وسعي كل منهم لزواجها من ولده، فلجات والدتها نعمه لجوز اختها تطلب منه حمايه ابنتها اليتيمه...
