ادعوا لاخواتنا الفلسطنيين 🇵🇸....
تهرب مهرة للاسفل غير ابه بكلامهم لتتقابل مع الحج وهدان..
الحج وهدان بحب: تعالي اقعدي جاري يابنتي، فتذهب مهرة لتجلس بجانبه...
الحج وهدان بحب: انا عارف ان ولدي غلط في صح لكن كان غصب عنه، مراته الاولي انضحكت عليه واتفققت مع دكتور وعرفته انه مش بيخلف لكن لما اتفاجأ بحملك كان غصب عنه، حطي نفسك مكانه، ازاي هيخلف وهو...
مهرة بدموع: انا مش عاوزه اعرف حاجه، انا انكسرت ياعمي والناس كلوا لحمي ولحد دلوقتي فاكره كلامهم والله اعلم لسه فيه كلام ولا لا.
الحج وهدان بحب: سيبك من الناس وفكري في كلامي زين، ولدي صعيدي يامهرة ودمه حامي، كان ممكن يخلص عليكي وقتها وانتي عارف ان ده حقه، لكن لما المستخبي بان وعرف الحقيقه رجع واعترف قدام الخلق انك طهرة وشريفه، انا عارف انه اتاخر لكن انا طوعتك يابنتي ووافقت علي سفرك للبلاد الخواجات وانتي حبله وقاطعت ولدي اكتر من خمس سنين لكن لحد ميتا هنفضل اكده، انتي وبنتك محتاجين راجل يقف جاركوا ويحميكوا، وعلي يدك شوفي اللي حصل من ولاد عمك، اسمعني يامهرة انا راجل كبير والشيب واكل راسي ونفسي قبل مااموت اطمن عليكي يابنتي، عايزك تعيشي اهنا مع بنتك وسطينا وبنتك تكبر وتتربي علي عوايدنا وانتي دلوقتي علي ذمه ولدي ومراته وانتي عارفه لازم الست تعيش مع جوزها، والست اللي بتخرج عن طوع جوزاها بتكون ناشذ وربنا بيغضب عليها، انا مش بغصبك علي حاجه، لكن بواعيكي يابنتي عشان انا اللي مربيكي وبعتبرك كيف بنتي زينه ونفسي اشوفك عايشه ومتهنيه زيها واطمن ان في راجل بيحميكي وبياخد باله منك،قولتي ايه يابنتي؟.
زهرة بسرعه: انا برضو زعلانه علي اللي حصل لخيتي، لكن يابنتي ده اجلها والاعمار بيد الله، ونعمه هتكون مرتاحه في قبرها لما تلاقيكي متستته في بيت جوزك ولدي جاي ندمان وطالب السماح وعايزك ترجعي له.
مهرة بدموع: عمي انا مش عايزه اكسرك كلمه لكن صعب ارجع لجبل تاني.
الحج وهدان بحب: عيشي مع جوزك يابنتي، وظللي علي بيتك والايام قادرة تداوي اي جروح، لكن لو حصل منه حاجه تانيه، انا بنفسي هقف قصاده واحققلك اللي عايزها حتي لو هتتطلقي، لكن دلوقتي انا بطلب منك تعطيه فرصه تانيه، يمكن ترجع المايه لمجريها.
مهرة بدموع تنظر لشمس وتقول: زي ماتحب ياعمي.
جبل بفرحه: انتي عن جد وافقتي يامهرة.
مهرة ببرود: وافقت عشان خاطر بنتي، لكن عمر اللي انكسر ماهيتصلح وحبل الوفاق بينا انقطع.
جبل بحزن: المهم انك هتكوني جاري وبنتي تتربي قصاد عيني، واعرفي انا لايمكن اخد حاجه بالغصب.
الحج وهدان بحب: سيبكوا من الحديث ده وقومي يازهرة حضري الفطار، شهلي انها قربنا علي الظهر.
زهرة بسرعه: حاضر ياحج وتذهب مسرعه.
YOU ARE READING
تزوجت طفلة 👰🏻...
General Fictionمهرة بركات الشرقاوي: فتاة عمرها تسع سنوات،بنت جميله كانت عايشه حياه هاديه مليئه بالحب مع والديها، لكن بعد ان توفي والدها الحاج بركات، طمع اعمامها في ورثها، وسعي كل منهم لزواجها من ولده، فلجات والدتها نعمه لجوز اختها تطلب منه حمايه ابنتها اليتيمه...
