الطريق نحو الموت (تلال حمرين)

البارت ال1

توني راجعه من الامتحان جان ثالث متوسط اخر امتحان جان دخلت عله امي اول مادخلت اجت بخشمي ريحه الدولمه
جيت لكيت ماما واكفه علسنك تحضر بلزلاطه
وكالتلي امنيه ماما روحي بدلي واسبحي وتعالي حته اصب الغده
صعدت بدلت ونزلت جانت بدايه شهر السادس الجو حار كلش
نزلت تغديت جانت دولمه امي كلش طيبه
سميره. بنتي كملت كومي اغسلي المواعين
امنيه. ماما مابيه حيل هسه توني فرحانه لان خلصت من الامتحانات رحت عله غرفتي وعفتهن
وماما كالت عندي الكم مفاجأه
امنيه. شنو ماما راح نروح لخوالكم عله النجف بس ابوكم ينزل انوب يومين
فرحت كلش ومن شده حماسي غسلت المواعين ونضفت البيت لان كلش فرحانه راح نطلع ماما ماتقبل اطلع من المدرسه للبيت حته صديقاتي مايمي وحته ملابس هيه تشتريلي

خلي احجيلكم عن عائلتي شويه
بابا ضابط وجان يداوم بغداد بزمن صدام وحب امي شيعيه وهناك التقو وصار حب بيناتهم واهلهه واهلو ماقبلو بس جان خوالي مستضعفين بزمن صدام وبابا ضابط بحزب البعث واخذهه منهم غصبن عنهم لان هدد خوالي يسجنهم
واهله رفضو واتبرو منه وهوعافهم وسكنه بقضاء الحويجه بعيد عنهم همه ساكنين بلقره
وماملتقيه بيهم حته مناسباتهم مانروح لأن يكرهون امي اني البنت الجبيره عمر14؟ ! سنه خلفوني بعد عقم دام عشر سنوات وسموني امنيه لان جانت امنيتهم يخلفون جانو مدلليني كلش خصوصا ابوي جان حيل يحبني ويمي اربع اخوان ازغر مني وامي حامل
نرجع للزمن 10/6 2014
كعدت من النوم عله صوت اناشيد اسلاميه لكيت امي ماكو طلعت اشوف شكو من الباب وجان اشوف رتل كلش طويل
مال سيارات سود وبيهه رجاجيل لابسين زي هندي صاعدين بلبدي ومشغلين ابو بكر يابغدادي تفاجأت من هلمنضر ودخلت جوه لكيت ماما تدك وتلطم كلتلهه ماما شكو شصاير وجان تكلي ولج يمه دخلو داعش واحتلو الموصل وصلاح الدين والحويجه وراح يصلون لكركوك
وبغداد ويذبحون ابوج جان يوم نزول ابوي وخابرته تبجي كالتله لاتجي راح يذبحونك

قرر بابه مايجي ويطلعنه لمن تهدء الاوضاع وكامو يخطبون بلجامع كل من جان منتسب بلقوات الامنيه يجي يعلن التوبه ويسلمه اسلاحه

يعني يطهرون ذنوبهم لان جانو منتسبين همه جان هيج فكرهم انو كل منتسب كافر

بعد يومين جانت الاوضاع طبيعيه وكعدنه الصبح نتريك وسمعنه صوت الطيارات وفجأه صار صوت صفير وضغط عله اذان وصار تراب ورمل ودخان وكلشي مانشوف كمت اصيح ماما وتهمس بلحايط واسمع امي تصيحني وعرفنه ضاربين بيت جيرانه الورانه جانت الطيارات تقصف اي مكان موبس مقرات داعش عايفينهم وعلناس الابرياء

بقينه كاعدين جوه علدرج علما يخف القصف لان مابطلو من الضحى للعصر مابطلت قصف واحنه عله كعدتنه جوه الدرج ونرجف من الخوف
لحد ماصار المغرب وصار هدوء
سميره. بنتي كومي نضف البيت من التراب ونسوي عشه اخوانج جاعو كمنه نضفنه اني وامي وكلما يصير صوت كمت افز من الخوف

نضفنه وكعدنه نتعشه جان عشانه كبه وزلاطه
كملنه العشه
وكمت اغسل المواعين
وسمعت الباب ندك راحت امي تشوف منو بلباب وشفت رياجيل ثنين لابسين اسود وزي هندي يحجون ويه امي واسمع صوت امي تبجي وتتوسل حاولت اسمع بس ماكدرت
َراحو واجت امي تبجي
امنيه. شكو ماما شيردون هذول وليش تبجين
سميره. يريدون بيتنه يكعدون بي عله كولتهم هاي عقارات الدولة الاسلاميه هاذه بيت كافر عله ابوج ولازم باجر تطلعون من البيت شكد توسلت وبجيت بس مافاد يكولون هذه البيت غنائم لنه وتطلعون وماتشيلون كلشي صار مصادر لنه

كعدنه ثاني يوم الصبح عله صوت الباب يندك وراحت امي تفتح ودخلو رياجيل كلهم مسوينه لحيه طويله وشعر طويل واحد منهم وياهم ابن جيرانه وعلاقتنه كلش قويه احنه وياهم وجان يكول يلا اطلعو
انتو كفار وهاذه البيت صار النه
امي اعترضت وجهو السلاح عله اخواني كاالو اذا حجيتي هسه افرغ السلاح براسهم
واخواني كامو يبجون متخرعين من الخوف

وطلعنه بطرك ملابسنه ومستمساكتنه حارت امي وين تروح حته عمامي مايريدونه
جه جارنه اخذنه يمهم وكال تره ماكدر ابقيكم يمي بس اليوم لان اخاف اني عندي بنات بقينه يوم كامل يمهم وثاني يوم ودانه للعمامنه للقريه انصدمت لمن وصلنه يمهم
َوتفإجات لمن شفنه معلكين الرايه السوده فوك بيتهم وصلنه وطلعت بيبي
هلا بلشيعيه اشوفج اليوم لافيه خوما اكو شي حجتلهه امي السالفه وكالت ميخالف ابقو يمنه اليوم وباجر الكو بيت ونصدمت لمن عرفت عمامي كلهم ويه داعش