:گلها تتفارك وتنسَى
شمعنىٰ اني؟
وذيچ الايام العظيَمة
شلون ناسيها بثواني
ليش ما صرت مثلك
ورحت حَبيت ثاني
ليش باقي لهسَة إتاني ..
رجعتلكم بارت جديد
امنيه
كعدت عله ضوه قوي بعيوني فتحت عيوني بلكوه كدرت افتحهن
لكيت اخواني يم راسي مسويلي كوم مال جر زغار حته يسوولي ضل من الشمس
جانت الدنيه ضهر والشمس قويه
شفت بس حسين ومحمد وسجاد
امنيه:
عجل ماما وين
حسين. :خلصنه مي وراحت عله هذيج القريه حته تجيبلنه هيه وعمر وكالت ابقو يم اختكم
ومن الصبح راحت ومارجعت
باوعت علكاع بقعه مال دم يابس عليهه من رجلي
قررت اروح ادور لماما ماضل بيه حيل افقد احد حرب اثر عليه كلش
كمت مختل توازني نزفت هواي ولا اكل ولا شرب
شفت قريه تبعد عنه تقريبا كيلو متر
وخرت وصله العبايا من رجلي لان جانت يابسهمم الدم باوعت عله جرحي كلش غميج
وملتهب
هسه موكتك كمت اسحل بروحي واني واخواني كايدين بعضنه
بلطريق شفت راعي
جان صاعد علزمال سارح بغنم كمت اصيح علي من بعيدد
اجه يمنه
امنيه :فدوه اذا يمك مي بس انطيني والله راح اموت من العطش
الراعي ونتي شجابج هنا
امنيه؛ :رحنه ندور حطب اني واخواني وتيهنه الطريق
انطانه مي خطيه شربنه بطل المي كله جان مي بارد
واني صارلي يوم كامب بلصحراء بدوم مي
شربنه اني واخواني
شعور بلراحه احس رجعلي الحيل احس المي نزل عله كلبي برغم ماشبعت حيل خليت لخواني بس خف العطش شويه
شعور العطش يموت
توسلنه بيه حته يوصلنه القريه الراحت عليهه امي بس رفض كال اخاف
تشكرت منه اني واخواني علمي
ورحنه نكما طريقنه
وصلنه القريه قبل الغروب
وكلما نروح عل بيت نسأل عله امي يطردونه ويكولون ماشفناهه
كل مانوصل يم احد نتوسل بيهم حته ينطونه بس مي مايقبلون يكولون نخاف من الداعش يتهمنه نطلع عوائل
STAI LEGGENDO
الطريق نحو الموت (تلال حمرين)
Mistero / Thrillerقصه تتحدث عن فتاه تصارع للنجاه من حرب داعش هيه وعائلتهه رحله الجوع والعطش والخوف لنرافقها في تلك الرحله الاليمه
