الطريق نحو الموت (تلال حمرين)

بارت ال3

كعدت عله صوت ونين لكيت امي تطلك
امنيه. ماما شبيج ليش تبجين
سميره. بطني توجعني راح اولد اخذي
واحد من اخوانج وروحي صيحي القابله حته تولدني اخذت اخوي الجبير محمد
بيتهه بعيد وبدايه شته والجو بارد
ورحنه دكينه الباب وطلعت النه
هاا يمه شكو شتريدين كلتلهه ماما جاي تطلك

لبست عباتهه وطلعت ويانه وصلنه البيت وكالت حضريلي سجن ومي دافي رحت حته اعلك نار واحمي مي بس جان الحطب رطب لان العصر جانت تمطر

اكو نفط شويه بلبطل رشيته علحطب واعلكت نار وحميت مي وبين ما احمي سمعت صوت طفل شلت المي وركض
وصلت ولكيت امي هسه توهه جايبه
امنيه. هاماما بشري
القابله امج جابت ولد ردت الزمه بس اخاف
كملت القابله بل3ونص بليل
وراحت جابت حليب ودهن حر من بيتهه
وكالت لمي اشربي حليب حته ايصير بيج حيل

وهاي الفتره كلهه مانعرف عن ابوي شي مره وحده خابرناه مجانت اكو شبكه نروح نخابره من منطقه كلش بعيده

كعدت الصبح كنست البيت وامي كالت سبحي اخوج خفت اول مره لان كلش زغير

صفنت علي شنو ذنبك جيت بلحرب والضلم
سبحته وكمطته حته كماط مايمنه بشال لفيته ولفيته بطانيه جان الجو بارد حيل وبيتنه لاباب ولاشباك يموت من البرد كمت سويت ريوك ريوكنه عباره عن حليب بدون شكر
والغده جريش حنطه بدون زيت ولابصل والعشه بيتنجان شوي جان الحم موغالي بس احنه مايمنه فلوس وكلهه تنفر منه يخافون يختلطون بينه

مرت اربعه اشهر واحنه مابقه يمنه كلشي
حته حنطه مابقت بس نشرب حليب من جوارينه يوميه يجيبولنه دولكه كل من اله كلاص اني واخَواني َ وامي بلنهار كلو
كبر اخوي وصار عمره ٦اشهر بس ضعيف من الجوع

جانو الناس يعبرون من الجبل واكو ناس يعبرون واكو يلزمونهم الدواعش واكو يموتون من العطش
هنا قررت لازم نطلع وكمت احجي ويه امي واقنعهه حته نطلع
سميره. يمه انتي تريدين تضيعينه اني بيه مرض قلب ماكدر امشي مسافات طويلة

واخونج زغار منَو يشلهم هوه بس مشي منا للجبل 8 ساعات عل اقل حته نوصل ومن نوصل الجبل لازم نتسلق الجبل واحنه نسوان لايمج اخ جبير لايمه عوفي هاذه الَموضوع

أمنيه. عجل يعجبج اخواني يموتون من الجوع ويتطوطحوم حته مشي مايكدرون يمشوم من الجوع
نتحمل هلشده يومين ونعيش حياتنه هناك ماما تقبلينهه ابوي حته مايعرف عنده ولد محرومين منه ماما فدوه خلينه نطلع ونرتاح

الله يسهللنه ان شاء الله لان مليت من حياتنه هاي

سميره. محد يموت من الجوع الله ماينسه عبده ان شاء الله راح يجي الجيش ونتحرر ويخلصونه من هلضلم

امنيه ماما صار شكد تكولين راح نتحرر وماكو شي هنا اني حطيت براسي الطلعه حته لونتعب احسن من العيشه بهلذله
يمنه ابونه هناك ينتضرنه
بس الي معجبني ابويه ما يسأل علينه كل مره صديقه من القريه هم اهله طالعين ويروح يخابرهم ويخابره ويدزلنه سلام وياه بس صار شهرين كلما اساله خابرت ابوي

يكلي ماخابرت احد
كمت ادور معلومات عن جبل حمرين لمن احد يطلع اروح اسال اهله ويسولفون شلون طلع
اني جان عندي موبايل دوز مخليتهه بلتعلاكه وجان بي خط واجت رساله من الشركه انصدمت لمن عرفت رجعت الشبكه ورأسا اتصلت عله ابوي وجان يطلع الجهاز مغلق
بقيت يومين ادك ويطلع مغلق

وهنا القريه كلهه صار يمهه شبكه ومجان يمنه غير رقم ابوي وخالتي ودكينه عله خالتي وكاالت اني اكول لرجلي يروح يدور لابوكم
ودزتلنه رصيد وكمت اجمع معلومات عن جبل حمرين علكوكل
حته نطلع

جبل حمرين
موقع جبل حمرين
تعتبر تلال حمرين واحدة من السلاسل الجبلية الموجودة في العراق، وهي تمتد بين المحافظة العراقي الديالي والتي تقع إلى الجهة الشرقية من بغداد العاصمة على بعد ستين كيلو متراً تقريباً منها، إلى مدينة كركوك والتي تقع إلى شمال بغداد على بعد مئتين وستين كيلو متراً تقريباً والتي تعتبر من المدن العراقية الغنية بالنفط.

وصار يمي معلومات كامله عن الجبال سمعت هواي ناس يحجون عن ناس ماتت من العطش بلجبل بس ماهتميت للموضوع
وبقيت يومين اقنع بامي حته نطلع
بس جانت رافضه الموضوع