:هلي دورت البيوت وملكيت ريحتكم
ونخطفت راحتي من ماكو ريحتكم
هلي قبل لاترحون دلوني أعلى ريحتكم
حتة احتفظ بيهة وابقة اشمنهة
امنيه
صدمني كرار بكلامه شنو يخطبني
فرحت وبنفس الوكت ضجت
اني صح احبه بس اكو شي بداخلي يرفضه
عندي تناقض موطبيعي
مرات اكول اني عايش وحدي مرتاحه هيج
ماريد اتقيد بأحد
وارجع اكول لنفسي اني عايشه وحدي برعب
بنيه مراهقه عايشه وحدهه المجتمع مايرحم
صح لحد الان محد تعرضلي
وعايش حياه طبيعيه بس الى مته ابقه هيج
بدون سند حته ابوي تبره مني
والمخيم بس تحرر المناطق راح ترجع العوائل ويفلشونه
دزيتله رساله وكتبتله افكر
كبل شافهه وكتبلي الوكت كله الج
فكريّ زين وذا كلبج مايحبني او اكو شي بدخلج مايريدني ارفضيني
لاتتعاطفين وتوكف بعينج مساعدتي الج ترة اني ماسويت غير واجبي والسويته وياج اسوي ويه الكل
فكريّ زين
واخر شي دزلي تصبحين عله خير
تفاعلت حب ويه رسالته ورحت توضيت وصليت
اجه عله بالي اشرب جاي
جان الجو بارد واني مجايني نوم لان انام بلنهار
تقريبا الساعه جانت بل3 الفجر
شغلت اغاني حزينه وتذكرت كلشي صار تذكرت الجبل فقدان اخوانيي
وامي
وابوي
والاقوه صدمه ابوي صدمني كلش قوي
مجاي استوعب انو هاذه ابوي تبرة مني وعافني وحدي
شعور الخذلان صعب كلش صعب
شكد حاولت اتخطه بس ماكدرت
اشتاكيتله
اتصلت علي بعده منطيني
حضر سويت حساب ولكيته حسابه وراسلته
وكلته اني ولمن عرفني انطاني حضر واني جاي اكتب
اختنكت كلش احس شي ثكيل عله صدري
اريد اتنفس ماكو نفس
اخر شي كعدت بلكاع
باوعت كدامي جان بطل مال نفط يم باب الخيمه
اجت ابالي فكره انو اني لازم انهي حياتي
عله شنو عايشه ابوي وتبره مني
YOU ARE READING
الطريق نحو الموت (تلال حمرين)
Mystery / Thrillerقصه تتحدث عن فتاه تصارع للنجاه من حرب داعش هيه وعائلتهه رحله الجوع والعطش والخوف لنرافقها في تلك الرحله الاليمه
