အခန်း - ၀ ။
အနောက်မှာ ရှိနေတဲ့ ကျောက်စရစ်ခဲတွေ
ကို ဖြုန်းတီးဖို့အတွက် ထိုင်ချလိုက်ပြီး ကျွန်မ
ရဲ့ အင်္ကျီလက်တွေကို ပင့်သိမ်းလိုက်တယ် ။
နေဝင်သွားပြီပဲ ။ ချန်းကျား တောင်ရဲ့
နေဝင်ချိန်က ပြည်နယ် ( ၆ ) ခုမှာ
အလှဆုံးအချိန်ပဲ ။ ဒီ ကြက်သွေးရောင်
နေဝင်ဆည်းဆာချိန်က ကျွန်မ ဘဝ မှာ
နောက်ဆုံးအနေနဲ့ မြင်တွေ့ ရတဲ့ မြင်ကွင်း
ပါလားလို့ တွေးလိုက်မိတယ် ။ ခဏကြာ
ရင် နန်ကျီ က ကျွန်မ ကို လာခေါ်တော့
မယ် ၊ ဒီလက ယင်ဓါတ်ပြည့်ဝတဲ့ လဖြစ်
တာကြောင့် ကျွန်မတို့တွေ ချန်းကျား
တောင်ထိပ်ကို သွားကြမှာဖြစ်တယ် ။နန်ကျီ က ကျွန်မ နက်နက်ရှိုင်းရှိုင်းချစ်
ရတဲ့ လူတစ်ယောက်ပါ ။ တစ်ချိန်တုန်း
က နတ်ဘုရား တစ်ပါးဖြစ်ခဲ့ပြီး အခုချိန်မှာ
တော့ နတ်ဆိုး တစ်ပါးပေါ့ ။ နှစ် ၁၀၀၀၀
လောက် အိပ်မောကျသွားခဲ့ပြီး ကျွန်မ က
သူ့ ကို နှိုးပေးတဲ့ လူဖြစ်လာခဲ့တယ် ။ ကျွန်မ
က ချန်းကျား ဂိုဏ်းရဲ့ မျိုးဆက် ၃၉၇ ဆက်
မြောက် တပည့်တစ်ယောက်ပါ ၊ ကျွန်မ
တာဝန်က နတ်ဆိုးတွေကို သုတ်သင်ဖယ်ရှား
ဖို့ဖြစ်ပေမဲ့ .... သူ့ကို နှိုးပေးခဲ့ပြီးနောက်မှာ
တော့ သူ့ ကို ကျွန်မ ချစ်မိ သွားခဲ့တယ် ။သူက အနက်ရောင် ဝတ်ရတာ သဘောကျတယ် ၊
သူ့ ရဲ့ အေးစက်တဲ့ လက်ချောင်းတွေက
ကျွန်မ ရဲ့ မျက်လုံးတွေကို ထိတွေ့ရတာလည်း
သဘောကျတယ် ။ သူ ကျွန်မ လက်ကို
ဆွဲပြီး သူ့ အနောက်မှာ မတ်တပ်ရပ်ပြီး
ကာကွယ်ပေးတဲ့အချိန် ကျွန်မ ကို ညင်ညင်
သာသာလေး ပြုံးပြရတာကိုလည်း သဘောကျ
တယ် ။ဒါတွေအားလုံးက ဘာကြောင့်လဲဆိုတော့
ကျွန်မ က သူ ချစ်တဲ့ အမျိုးသမီး နဲ့ ရုပ်ချင်း
တူညီနေတာကြောင့်လေ ။ဒီနေ့ညက လပြည့်ညပဲ ။ ယင်ဓါတ်
က လကို လွှမ်းခြုံနေလိမ့်မယ် ၊ ဒါက
ဝိဉာဥ်ကို ပြန်ခေါ်ယူဖို့အတွက်တော့ အကောင်းဆုံး
အချိန်ပေါ့ ။တစ်ချိန်တုန်းကတော့ ချန်းကျား တောင်ပေါ်
မှာ ကျွန်မ ဆရာ ၊ စီနီယာ အစ်ကို/ အစ်မ
တွေ နဲ့ ဂျူနီယာလေးတွေရှိခဲ့တယ် ။ အခုချိန်
မှာတော့ ကျွန်မ က သူတို့တွေရဲ့ ခန္ဓါကိုယ်
ကို ဖြတ်နင်းလျှောက်သွားရပြီး ကျွန်မ လက်မှာ
လည်း သွေးတွေ နဲ့ ပေကျံနေပြီ ။ တစ်လှမ်းပြီး
တစ်လှမ်း ကျွန်မ တောင်ထိပ်စီကို တက်လာ
ခဲ့တယ် ။ မကြာခင်မှာပဲ ကျွန်မလည်း သူတို့
အနောက်ကို လိုက်သွားရတော့မယ်လေ ၊
ကျွန်မ ချစ်ရတဲ့လူ က မကြာခင်အချိန်လေး
မှာပဲ ကျွန်မ သွေးတွေကို ထုတ်ပစ် ၊ ဝိဉာဥ်
ကို ဖြတ်တောက်ပြီး ဒီခန္ဓါကိုယ်ကနေ ကျွန်မ
ကို နှင်ထုတ်တော့မှာပဲ ။
YOU ARE READING
မင်းအတွက် ရှင်သန်မယ် || မြန်မာဘာသာပြန် ||
RomanceTitle name : မင်းအတွက် ရှင်သန်မယ် { unicode x zawgyi } Web name : Living up to you Author(s) : 西西东东 English Translator : Rosyfantasy Translator : @ Abil --Gil Genre : Fantasy , Josei ,Martial Arts , Romance ,Tragedy, Xianxia Status in COO : 4...