اسد الانبار " الضحايا "

حـلـقـة الـ 18

#اسد_الانبار
الكاتبه ليار علي
تصويت + متابعه للحساب

بارت تعويض
ـــــــــــــــــــــــــــــــــــــــــــــــــــــــــــــــ

"
كعدت الساعه ب6:00ص ورحت غسلت وشغلت لچاي على لنار ولبست شيله وعباتي وطلعت لحلال للكاع ربطتهن ورجعت للبيت حضرت صينيه لريوك شفت

حامد طلع صبح عليه من بعيد مبتسم واني رديت عليه ورجعت احضر سويت طماطه وبيض وگيمرات وحطيت صينيه بلكاع لان جبيره..

نتضرتهم يكعدون شوي وطلع ابوي وكعدت امي وخواتي ودخل ابوي يصلي وامي هم.. اجه حامد شال صينيه وداها بلديوان واجتمعوا كلهم اني سويتلي لفه

لمعتاده وكعدت اكل كملتها وغسلت اديه وحلكي وضليت انتضرهم يكملون ، باوعت بلباب مال لمطبخ لان مرايه بي عدلت روحي صفنت بوجهي هزيت راسي وخرت شبيه تخبلت..

صاح عليه ابوي رحت ركض
سالم: تعاي شيلي صينيه

حامد: لا حجي انه اشيلها

سالم: اكعد ابني هيا تشيلهاا... خزرني بمعنى تعاي شيليها

-تقدمت اشيلها وخرني حامد

حامد: حجي مامقبوله منك انه اشيلها

- شالها وداها للمطبخ ابوي عض اصبعه

سالم: واكفه تتمضحكك كيفتتت لان شالهاا كدامي غسليهن وروحيي للكاععع بساعج

زهراء: حاضر... عفته ورحت للمطبخ شفت حامد عايف لصينيه بلكاع عزلتها ورتبتها اجت سُرى الي حجت بصوت ناصي

سُرى: زهره عندي موضوع وياج بس لا تحجين حبابه

زهراء: كولي شنو لموضوع حبيبتي

سُرى: محمود كالي نلتقي بلبستان

زهراء: فتحت عيني بصدمه شنووو

سُرى: شبيج زهراء اني ماصدكت يحجي وياي هسه انتِ شبيج

زهراء: باوعتلها خازرتها وحجييت بخفه كلمه كلمه.. يضحك عليج يا حماره

سُرى: شنوو يضحك عليهه ابن عمييي هذاا

زهراء: درت وجهي اغسل بالماعين لاكلوا بيهن.. بكيفج روحي وين مايكلج تالي مرجعج الي تبجين وساعديني واني اقسم يمين ماساعدج اذا مسمعين كلمتي

سُرى: دمعت.. شبيج زهراء خوفتيني غير حبيته

زهراء: وشنو يعني واذا حبيتي تستخفين.. صيري ثكيله لان لخفيفه مامريوده بس وكت لحاجه وتنذب

سُرى: وهسه شسوي خاف يزعل

زهراء: طبه سبعتالاف مرض.. بس يجي اني احاجي

سُرى: هزت راسها.. بس لتكولين سُرى كالتلي

زهراء: خـوش يلا روحي خلكمل.. راحت واني كملت لغسل ونشفت اديه ولبست عباتي وخذيت لمنجل وطلعت ابوي صاح