#اسد_الانبار
الكاتبه ليار علي
تصويت + متابعه الحساب
ـــــــــــــــــــــــــــــــــــــــــــــــــــــــــــــــــــــــــــــــــ
ليوم راح يرحون بيت سرمد وحامد ضليت ابجي بوحدي بلغرفه لان ماشوفهم بعد عدهم شغل دخلت عليه تاج مبدله ومحضره حضنتني واني بادلتها لحضن بقوه..
تاج: صيري قويه زهره
زهراء: احاول.. طلعت وراها وسلمت عليهم وحامد شفته يشرب جكاره ومدنك راسه لابس بنطرون وقميص اسود كلش حلو.. رفع راسه واجت عينه
بعيني واني عيوني مدمعه رفع ايده ومسح عينه فهمت انو امسح دموعي.. درت وجهي وكلبي يريد يطلع من مكانه.. رجعت حضنتني تاج.. وسرمد طلع
شغل سيارته ويامان ويا وبهار خذت جنطهم اصعدها خذاهن سلمان منها وداهن للسياره خواتي وامي يحجن وي بهار بس سُرى صافنه ضلت عيني على
حامد لكاعد يلبس بحذاته رفع راسه وباوعلي اجه تقدم يريد يطلع وهمس
حامد: لتبجين.. ارجع إن شاءلله
زهراء: بتسمتله وباوعت بوجهه هوا غمزلي وراح يم سياره اجتي تاج
تاج: اروحلكم فدوه
زهراء: بستها حيل.. ديربالج على نفسج تاجي
تاج: إن شاءلله وانتِ هم يروحي
زهراء: هزيت راسي وطلعوا همه باوعت لسيارتهم شفت حامد عينه عليه... دنكت راسي ودخلت جوا وراحوا لبيت هدوء وسنطه حصرتني لبجيه يوميا همه يمي وحامد يفتر علينه دخل سلمان وحط ايده على كتفي
سلمان: شبي لحلو ضايج
زهراء: تعودت عليهم..
سلمان: هسه اني مو بعينج
زهراء: انتَ لكل بلكل.. حضني يضحك وطلعت للكاع واجه وياي كعد يمي.. شوكت تخطب مرح
سلمان: ابوي تاخر حيلل بس خلي اكمل لعندي واخذ عميي وابوي ونروح لبغداد
زهراء: الله يتمم على خير يعمري
سلمان: زهرتي..
زهراء: سولفلي على مواقفك ورا مارحنه انتَ ومرح
سلمان: تنهد تدللين..
بيوم لنطتني لورقه وكالتلي كل متشتاقلي شوف لرساله واني بلعطله فتحتها لان شتاقيتلها لكيت كاتبتلي بخطها لحلو..
" حبيبي سلمان اني اكثر مشتاقتلك احبك هواي هوايييي.. عينك عينك ديربالك تباوع على بنات انوب تحب وحده واني شسوي بعمري بدونك.. سلمانيي احبك "
حضنت لورقه لكلبي مرحي اني هم احبج بوكتها اني كتبتلها كلام غزل علمود كل مشوفه تحسني يمها..
YOU ARE READING
اسد الانبار " الضحايا "
Romanceاسود شرسه وفتيات اقوياء ماذا سوف يحصل لهم بمرور الزمن وهل يلتقي اسد الأنبار بفتاة احلامه وهل تلتقي البنت التركيه بفتى احلامها. !!!
