#اسد_الانبار
الكاتبه ليار علي
تصويت+ متابعه الحساب
ــــــــــــــــــــــــــــــــــــــــــــــــــــــــــــــــــــــــــــــــــ
"
ضليت انضف وفرحانه ولحد ثاني يوم اني انضف وكعدت من لصبح وسُرى وياي.. سويتلهم ريوك
وطلعت لحلال للكاع وربطتهن ورجعت اكمل شغلي.. صبيتلهم الريوك وكعدوا يتريكون..
ورا مده ندك الباب كمت ركض وشالي طاير وراي فتحتت لباب وجانوا اهلي طالعين شفت بوجهي
سلمان.. اخ يا خويه شكد مشتاقتلك شمرت روحي بحضنه وحضنته حيل وهوا فرني بلحوش واني اضحك وابجي مشتاقتله حيل
سلمان: زهرتيييي مشتاقلج يبعد اخوج وكلبه
زهراء: مسحت دموعي اني اكثرر ولله شتاقيتلك حيلل خويهه.. رجع حضني حيل وباسني براسي
بتعدت واشوف حامد واكف مصغر عيونه ويباوع مبتسم وابوي يخزر بيه ومعاجبه وامي هم.. بس سُرى ورقيه وفاطمه مبتسمات..
راح سلم على ابوي وحامد وعلى امي وخواتي.. ودخلوا للديوان اني رحت ركض جبتله دولكه مي بارد وكلاص ورحت وديتهن اله وعيوني تلمع بوجوده..
حسيت رجعتلي لقوه من شفت سلمان.. هوا يسولف مندمج نطيته لمي وباوعلي مبتسم باوعت على حامد لمبتسم...
وطلعت مبتسمه وطبيت سبحت ومشطت شعري ولبست حجابي وطلعت بلمطبخ افتر اريده يطلع اشبع
منه ابوي ميخليني ادخل للديوان واكعد يمهم بس امي وخواتي وهاي سالفه منتهين منها من زمان ميقبل.. عازلني من دون خواتي..
شوي وطلع سلمان اجه للمطبخ شافني واشرلي اجي لحضنه رحت حضنته بقوه وهوا يبوس براسي وحاضني
سلمان: هسه لروح ردتلي
زهراء: بتسمت بعد روحي.. بتعدت لان تعبان.. احضرلك ملابسك تطب تسبح..
سلمان: هسه اني احضر لتعبين نفسج زهره
زهراء: لاا اني احضرلك هسه ثواني.. رحت ركض فتحت لجنط مالته وطلعت تراكسود اله وملابس لداخليه ورحت للحمام علكتهن اله وفتحت لمي
بلطاسه.. ورحت صحتله باسني براسي ودخل اني رحت بلمطبخ شوي واطبخ لغده.. لان بعد وكت.. سمعت لباب يندك كمت جاي افتح لباب وطلع ابوي
وحامد اني رجعت ليورا وفتحوا لباب طلعوا بيت ابو يامان بتسمت شفت ابنهم يامان شكد حلو وضخم ووسيم حيل وسيم معاني تركيا مو عراقي... باوعت
لتاج لدخلت ونضاراتها على شعرها هيا وامها وبياضهن ناصع وتاج ناعمه تجي بنعومتي بس ولدهم كلهم ضخمين.. شافتني تاج واجت ركض حضنتني نصدمت وبنفس لوقت فرحت حضنتها حيل
تاج: اشتاقيتلج زهره
زهراء: بعد كلبي اني هم مشتاقتلج.. باوستني وراحت باوست اميي وخواتي واجت امها بهار سلمت علينه وسرمد سلم علينه هوا ويامان من بعيد بس يامان يحجي مكسر..
YOU ARE READING
اسد الانبار " الضحايا "
Romanceاسود شرسه وفتيات اقوياء ماذا سوف يحصل لهم بمرور الزمن وهل يلتقي اسد الأنبار بفتاة احلامه وهل تلتقي البنت التركيه بفتى احلامها. !!!
