لو البُعد يجي على قد الاشواق كان شوقي تعدى بعدك وجابّك.

البارت الاول

الساعة 6:45 صباحًا | البرازيل
:الو هيام تعالي المكتب بسريه تامه ولحد يدري عن شي
هيام: صباح النور لك أيضاً تمام وقفلت
هيام قامت تلبس وتطلع للمكتب وتشوف حوالينها اذا احد يراقبها ولا اخذت قهوه وتشوف حوليها مرت عشر دقايق وزفرت براحه ومشت بطريقها وصلت المكتب وراحت للعميد
هيام تدق التحية:سيدي
العميد ابتسم:استريحي وتفضلي اقعدي
هيام نزلت يدها وجلست:سيدي قالو انك تبيني وبسرية ان شاء الله مافيه شي؟؟
العميد هز راسه:مافيه شي خطر بس عندك مهمه
هيام بستغراب:مهمة!!
العميد:ايه وكلك الامير ناصر بمهمة ولازم تنفذينها
هيام هزت راسها: الامير ناصر!! حاضر بس وش المهمه؟؟
العميد مد ملف:هذي المهمه هنا تلاقين كل شي
هيام شافت الملف مختوم بالاحمر وبلعت ريقها وقفت تدق تحية للعميد:سيدي
العميد ابتسم لانها ماتجادل بالمهمات ودايم تنفذ وقف لها العميد ورد التحية لها: لا اله الا الله
هيام ابتسمت: محمد رسول الله مع السلامه وطلعت من مكتب العميد وتتلفت تشوف فيه احد يراقبها ولا

الساعة ١:٠٠ الظهر | الرياض
الجد هزاع معصب: وينكم فيه الغداء وين ياحرمه؟؟
الجده جهير تدخل ومعاها عكازها: اصبر اصبر وشفيك توهم العيال ماجو تعزمهم بعدين تعصب اذكر الله
الجد هزاع معصب: انا قلت لهم الغداء ١٢ ونص الحين كم بعد شوي بنصلي العصر وينهم فيه بس خلهم يجون انا اوريك فيهم
الجده جهير: لاحول ولاقوة الا بالله ياهزاع اذكر الله الغايب عذره معاه اذكر الله
مرت ربع ساعه وتدخلو العيال كلهم والاحفاد كلهم يسلمون على بعض ويسولفون
الجد هزاع لف عليهم: انا وش قلت لكم الغداء ينزل ١٢ ونص والحين الساعه كم علموني
بدر وصقر تقدمو يحبون راسه: العذر وسموحه ي جد بس والله الطريق زحمة شوفنا جيناك بملابس الدوام بعد ماقدرنا نبدل
الجد هزاع خفت عصبيته شوي وهز راسه: زين زين يلا الغداء
الجده جهير ابتسمت: توك تقول انا اوريك فيهم كذا توريني طلعت خفيف ياهزاع
ضحكو البنات والعيال
الجد هزاع ناظرهم: بس انت وياها بس فالحين تكركرون قومو قومو احسن لكم
تجمعه العايلة على السفره وياكلون البنات بجهه والعيال بجهه عشان ياخذون البنات راحتهم بالاكل
لمار لفت على شيرين الي قاعده جمبها وهمست: قلتي لجدي انك داخله طب؟؟
شيرين شرقت بالاكل ولفت على لمار: اسكتي فضحتينا لا ماقلت له لو يدري قص رجولي عشان ما اطب المستشفى
الجد هزاع انتبه عليهم: وش عندك يا شيرين ويا لمار شاكونا
لمار طارت عيونها هي وشيرين وابتسمو: لا ابد جدو بس نسولف عن الجامعة وكذا ماعندنا شي
الجد هزاع هز راسه: شيرين ما شاء الله بتصيرين معلمه ايه هذي الوظيفة الزينة بدال شغل المختلط وقلة الحياء ولف على سيرين الي تاكل وهي نايمه: سيرين وانتي وش دخلتي اكيد شي زين
سيرين فيها النوم بعد الدوام: دخلت تمريض
الجد هزاع عقد حواجبه: وش هو؟؟؟
شيرين دقت سيرين عشان تستوعب: تقصد يا جدو كانت تبي تمريض بس دخلت لغه عربية حتى هي تبي تصير معلمة
الجد هزاع صدقهم ولف راسه يناظر ولده سيف الي يناظر بناته ومتضايق
| البرازيل |
دخلت البيت تخبي الملف ولفت تطلع من الغرفه
هيام تركض للمطبخ: ماما الحلوة وش تسوين بالمطبخ قلت اليوم بجيب من برا
ميرال تبوس خد هيام: عارفه ي ماما قاعده اسوي شاهي تعرفين من كنت بسعوديه وانا اول ما اصحى اشرب شاهي
هيام ابتسمت بحزن:ماما ليش مانروح السعودية نشوف اهل بابا ونتعرف عليهم واشوف وطني الي انا جايه منه
ميرال لفت بخوف:.........❤️‍🔥❤️‍🔥

(تفاعلو بنجمة ⭐️حبايب قلبي باول بارت وعطوني رايكم الحقيقي🩷🩷)