لو البُعد يجي على قد الاشواق كان شوقي تعدى بعدك وجابّك.

البارت ٤٧

| قصر ال هامي ،غرفة فلك|
فلك وقفت بعد ما خلصت بكي ولفت على المرايه: لازم اشوفه لازم يعرف اني ببقى معاه ولفت اخذت عبايتها وطلعت من الغرفه تتسحب وطلعت من الباب الخلفي
:على وين؟؟
شهقت ولفت:مطلق خوفتني بروح
مطلق كان يدخن ورمى الدخان ودعسه:وين رايحه تتسحبين؟؟
فلك توترت عارفه اذا قالت بيمنعها:بروح لصديقتي باخذ منها شي وارجع
مطلق رفع حاجبه:صدق وراك طالعه تتسحبين طيب؟؟
فلك تلعثمت:ااااءءء عشان ابوي وجدي معصبين مابيهم يدرون
مطلق عرف انها تكذب:فلك وين رايحه؟؟
فلك تجمعت دموعها:بروح اشوفه وشدت على خاتمها
مطلق ناظر يدها وتنهد:طيب بوديك عشاني بس وعدتك اني بوديك بليل
فلك هزت راسها:شكرا مشت معاه لسيارته وركبت جنبه
مطلق حرك للمستشفى الي فيه مطر وبعد ١٥ دقيقة وصلو ونزلو مع بعض لانه مكان احد موجود مع مطر لانه قال مطلق انه بيجلس عنده
دخلت غرفة مطر وشهقت من منظره وبكت: مطر انا جيت وخاتمك للحين بيدي ومراح يطلع منها حتى لو طلبت يلا اصحى عشان تكلم ابوي ومسكت يده
مطلق ناظرها:انا برا اذا خلصتي قولي لي
فلك مالفت عليه وهزت راسها وهي تناظر مطر وتدمع عيونها وطلع مطلق
فلك شدت على يد مطر:مطر قالو انك بغيبوبة وماصدقتهم قلت مستحيل يخليني مستحيل مطر يخلي فلك بس الحين صدقت يوم شفتك خليتني نفس ما هيام خلت البدر وبتسافر وشد على يدها وناظرت يدهم مطر تسمعني وشد على يدها زياده وضحكة بين دموعها يعني ماخليتني ماتركتني الحالي يلا اصحى مطر ودق الباب ودخل مطلق لفت عليه بفرح مطلق مطر يسمعني شد على يدي شف ورفعت يدهم
مطلق ابتسم وهز راسه:ايه ادري الصبح سوا كذا بعد
فلك دخل الامل حياتها انه ممكن مطر يرجع لصحته:الحمدالله
مطلق ناظر ساعته:فلك لازم نمشي الحين اتصل على تركي يقول بيجي هو وغيث عشان ارتاح انا
فلك لفت عليه بحزن:بس توني جلست معاه الله يخليك مطلق قل لهم انك بتجلس معاه اليوم وبكره هم يجون ابي اجلس معاه زياده الله يخليك
مطلق تنهد:فلك لازم نرجع اخاف يسالون عنك البنات ومايلاقونك وتصير مصيبة خلينا نرجع مدامك شفتيه واي وقت تبين تشوفينه بجيبك له اتفقنا؟؟
فلك تنهدت:وعد؟؟؟
مطلق هز رأسه :وعد بس نرجع الحين يلا قبل مايجون
|مكان جديد ، الامارات |
دخلت الشقه وتناظرها مبهوره فيها:لو هيام معاي الحين كان حبت المكان وتنهدت بحزن وحقد كله من عايلة ال هامي لازم اطلعها من عندهم لازم اشوف خطه وتنهدت ودخلت تصلي العشاء
|بسياره بدر |
هيام ناظرت صقر:ترا قلت بجلس بالرياض بس مراح ارجع القصر
صقر ابتسم:والله مو انا الي اسوق وانتي قلتي بتنفذين طلبي وقلت طلبي انا
هيام ناظرت بدر:انت الي تسوق ودني الفندق
بدر رفع راسه للمرايه:هيام انتي قلتي بتنفذين طلب صقر وطلبه تجلسين وترجعين القصر صح؟؟
هيام هزت راسها:ايه بس هو طلب طلبين وانا قلت واحد بس
صقر هز راسه بسرعة:لا لا لا قلتي لي عشر طلبات وانا اخترت اثنين باقي ثمان طلبات يعني مديونه وماتنفذ
هيام ضحكة ودق جوالها وتوترت وقفلته
بدر شاف تغيرها:مين؟؟
هيام هزت راسها بلا:محد وابتسمت
بدر رفع حاجبه:هيام عطيني جوالك
هيام هزت راسها بلا:لا ليش؟؟
بدر رجع يده وسحب جوالها بسرعة
هيام :هي خير جوالي رجعه
بدر فتح سجل المكالمات وكانت مكالمات كثيره من p,n ورفع حاجبه وبحده:ليش يتصل عليك؟؟
صقر لف راسه له:مين؟؟
بدر عصب:الزفت مديرها ولف عليها ليش داق عليها المغرب وليش يدق الحين اخر اليل؟؟
هيام توترت:المغرب دق علي يقول بتنتهي اجازتي ولازم ارجع والحين مدري مارديت
بدر اكلته الغيره ودق على الرقم يستنى يرد
الامير ناصر ابتسم:هيام دقيت اقو وسكت من سمع صوت بدر الي معصب:ماتستحي انت تتصل اخر اليل ماتعرف انها متزوجة ومايحق لك تتصل بذا الوقت؟؟
الامير ناصر عقد حواجبه:مين انت وليش ترد على جوال هيام
هيام سحبت الجوال من بدر:بتصل عليك بعدين وقفلت ولفت على بدر الي معصب صاحي انت تكلم مديري كذا لو طردني الحين؟؟
بدر خلاص عصب مره:خليه يطردك احسن نفتك منه وليش يطردك بكره نروح وتقدمين استقالتك ونفتك منه
هيام بصوت عالي:مو على كيفك تجبرني استقيل واترك وظيفتي اذا رجعت انت وظيفتك افكر استقيل بس الحين لاتفكر ورفعت جوالها وسحبه منها بقوه وتعورت
بدر ناظرها:اذا رجعت بتتركين وظيفتك؟؟
هيام لفت عليه:بدر عطني جوالي
بدر:اسالك انا اذا رجعت وظيفتي بتتركين وظيفتك؟؟؟
هيام ودموع بعينها:بدر عطني جوالي
صقر شاف وضعهم ماش:بدر تتكلمون بالبيت احسن خلنا نرجع ورجع الجوال
بدر ناظره لا تدخل ورجع ناظر هيام هيام جاوبيني اذا رجعت بتتركين وظيفتك؟؟
هيام ناظرت عيونه:لا لانه ماندري متى نترك بعض ومابي اعيش بدون وظيفه بعد
بدر تنهد من فكرة انفصالهم:لاتفكرين كذا مراح ننفصل وراح ارجع لوظيفتي بس تتركين وظيفتك وتتوظفين باي مكان غير مكان ذا الي اسمه ناصر
هيام ابتسمت بسخرية:مراح ننفصل؟؟ ترا انا ما احب على راسي احد عشان كذا خلنا ننفصل الحين مدامنا على البر عشان تقدر تاخذ الي تبيها ولف صقر على بدر وعقد حواجبه كانه يقول مين وهز راسه بدر
بدر:يابنت الناس لاتقولين كلام ماتعرفينه وتجهيلنه
هيام ابتسمت بسخرية ومديت يدها للكيس كان نفس مكانه ماتغير:وهذا وش؟؟
بدر شافها رافعه الكيس وتوتر:هذا حق صقر ولف على صقر وابتسم له
صقر هز راسه:ايه ايه حقي اشوا لقيتيه كنت ادوره
هيام ابتسمت له:اما ماكنت ادري ولفت على بدر الي بينت الراحه بوجهه شايفني بزر وطلعت العلبه وفتحتها وطلعت الخاتم الرجالي مكتوب بنت تركي وانت قلت انك تحب بنت عمك تركي الحين صار حق صقر؟؟
بدر غمض عيونه وتذكر انه نقش عليه
صقر مصدوم ولف على بدر :خلنا نروح البيت وتتفاهمون هناك احسن وش رايكم؟؟
هيام هزت راسها بلا:ودني الفندق
بدر تعدل بجلسته ورفع عينه للمرايه:لازم نتفاهم اول
هيام هزت راسها:تمام نتفاهم بالفندق
بدر حرك السياره وصار صمت كل ماحاول صقر يكسره مايلاقي رد على كسره وسكت معاهم لين ماوصلو الفندق ونزلت هيام وبدر وعطى المفتاح صقر عشان يرجع
صقر:وانت كيف بترجع؟؟
بدر تنهد:ماني راجع الا هي معاي
صقر ربت على كتف بدر وابتسم وركب وحرك
جناح هيام دخلت ودخل وراها بدر
هيام دخلت الغرفه تغير لبسها وبدر جلس بصاله يستناها
طلعت هيام:وش نتفاهم عليه؟؟؟
بدر ناظرها كانت لابسه قميص نوم طويل وعاري الكتف عشان الجبيره وجلست مقابله على الكرسي ومسح وجهه وتنهد:
|قصر ال هامي ،غرفة سيرين |
كانت تنفخ المناكير وتتمايل وترقص بوناسه ولفت على الي دخل الغرفه بدون مايطق الباب:خير خير ونصدمت ماتستحي انت؟؟؟
مناف مايشوف قدامه من الغيره:شافك شافك وجاي يتكلم قدامي عنك يقول ابيها وبكلم ابوي
سيرين واقفه قدامه للحين بدون شي يغطيها كانت لابسه بجامه ستان طويله لونها احمر:وش تقول وش تخربط انت؟؟؟
مناف معصب مره:تركي شافك بالحديقة
سيرين ابتسمت:اووكك ايه شفته بس مانتبهت انه شافني كنت حاطه السماعة ومانتبهت له
مناف رفع اصبعه:والله يا سيرين لو شفتك او لمحتك بالحديقه الخلفية بدون شي يغطيك ادفتك وادفن جنبك الي طاحت عيونه عليك والله يا سيرين
سيرين خافت بس بينت القوه وابتسمت:الي طاحت عيونه علي بيكلم ابوه وهو بس طاحت والي يحبني من سنين للحين مافكر يارب تركي يكلم ابوه والله اول مايقول لي ابوي تركي خطبك بقول له موافقة
مناف سحبها له وو

تفاعلو حبايبي