لو البُعد يجي على قد الاشواق كان شوقي تعدى بعدك وجابّك.

البارت الثامن

العيال يوم وصلت سيارة بدر ونزل عندهم
مطلق : اوف تاخرت وينك بغينا نرجع ندورك
بدر لف عليهم بعصبيه: ماتسمع ماتسمع اقولها ارفعي طرحتك انتي بالرياض تطنشني كاني ما اكلمها
تركي ابتسم بغباء: يمكن ما تفهم عربي انت شفت شكلها وجها وشعرها مايقول عنها عربيه ابد
بدر تنرفز ليش شافوها: انا اقول اسكت بس
صقر : صدق يمكن ماتعرف عربي او يمكن عربيتها على قدها يعني الي تمشي الحال
رفع راسه غيث: اوه اوه وين ذي رايحه يوه رايحه لدكه والله قويه
طارت عيون العيال فيها انها مشت من وراهم ولا كانها تشوفهم
كان بيروح بدر بس مسكه صقر: اصبر اصبر بتروح تزيدها خلنا نشوف ردت فعله اذا فيها شي مشينا اذا لا مرتاح خلينه
مناف رفع راسه لسياره الي للحين البنات فيها: وش فيهم مانزلو ذول البنت راحت وهم للحين يسولفون
هز راسه مطلق وهو يشوف تعبير الجد هزاع: لا واضح انها عاجبته مانزل عينه عنها وعكازه بتجاهه يعني الوضع اوك للحين وصد يوم البنات نزلو يتراكضون بنجه الدكة
صقر لف علهم مابغيتو تنزلون
| البرازيل ، ببيت ام هيام |
كانت تصلي وتدعي ودموعها بعيونها : يارب يارب ساعدها ولا تخليها وحيده خلها بين ناس يحبونها ويحترمونها ولا نتزل دمعتها يارب ادري هيام قويه يارب احم قلبها من كل اذا ومكروه يارب لاتدخل الحزن قلبها خلصت صلاة وشافت الساعه اكيد انها وصلت ونامت اعرفها ماتنام بطياره
| الرياض ، مزرعة ال هامي |
راح صقر يوم ناده الجد: سم؟؟
الجد هزاع ابتسم : رح جب شنطة هيام من سيارة بدر
صقر راح وهو يحك جبهته
هيام بستغراب: ليش ي جدو
رفع راسه الجد هزاع من الاحساس الغريب الي داهمه
استوعبت هيام من الي قالته: اعتذر قصدي استاذ هزاع
الجد هزاع هز راسه: لا وش استاذ ذي بتقعدين معانا يومين لين ماتضبطين وضعك وانا اكلم المدير حقت
هيام برفض: لا الله يخليك مابي اخرب عليكم طلعتكم عادي اطلب اوبر واروح خلاص نجد لاتطلبين انا اطلب من عندي
الجده جهير ببتسامه مريحه : يمه هيام اجلسي ارتاحي جايه من طريق طويل ارتاحي وبكره نشوف وش تسوين بس الحين ارتاحي روحي مع البنات وارتاحي
هيام: ي جده والله بتعبكم معاي لا انتم ترتاحون ولا انا وما اقدر اغيب عن اول يوم
الجد هزاع: خلاص لقينا حل بكره الصبح واحد من العيال يوديك كذا ماتغيبين و كذا نكون مرتاحين
هيام مصره تروح اليوم: بتعب العيال الله يخليكم ولفت على نجد انتي قولي شي
نجد ساكته لانها عارفه مراح يرضون كلهم
صقر جاب الشنطه وبدون قصد مسكت يده هيام عشانها شنطتها تحت انظار الجميع بنات وعيال وكبار
صقر بعد يده بسرعه
هيام بربكة اول مره كذا يصير فيها : اسفه اسفه مو قصدي ولفت على الجد هزاع ياجدي خلني اروح احس اني ثقيله عليكم وما احب كذا
عند العيال
غيث: اوف والله صادها اخوي
لف بدر على غيث وسكت غيث من الخوف
مطر ابتسم : شكل صقر بيسبق بدر
تقدم بدر ولحقوه العيال
الجد هزاع لف على العيال: هلا هلا خلصتو الاغراض كان نمتو على ذا تخير
مطر مسوي يتالم: والله ي جدي اغراض كثيره جايبين البيت كله ماقصرتو انتم
وتركي وغيث نفسه ويهزون روسهم بتاييد
الجد هزاع لف على البنات : ادخلو ادخلو وخذو هيام معاكم
هيام جت بتتكلم وسحبوها البنات
دخلو الغرفه وفصخو نقاباتهم وعباياتهم
هيام بضيق: اوف والله بتعبكم معاي ورفعت راسها على البنات وانتهرت بجمالهم وتمتمت : ما شاء الله
لمار تقدمت وقعدت جمبها: انتي ماتعرفين جدي لازم الضيف يقعد عنده ثلاث ايام وهذا هو ضيف وانتي قلتي له ي جدي خلاص منتي طالعه من المزرعة ابد
هيام بضيق اكثر: ياربيه
نجد ضربت لمار بخفه: لاتسمعين منها انتي ارتاحي جايه من سفر وتعبانه ومانمتي ارتاحي الحين وبكره نروح انا وانتي وصقر لشركتك وتداومين واذا خلصتي نوديك اي فندق تبينه بس الحين مشيها لنا وارتاحي
هيام فصخت عبيتها وطرحتها كانت جميله جدا بعيون البنات وكلهم يذكرون الله
وجد همست للمار : ما شاء الله هذا وهي تعبانه من السفر ولابسه عادي وشلون بتكون اذا كشخت كانت لابسه بنطلون اسود رياضي وبدي ابيض كان مبين لون جسمها الاسمر الجميل وشعرها كيرلي كثيف وطويل يوصل لنهاية ظهرها
دارين لفت عليهم وهي تسمعهم: مافيها شي زود محترقه من الشمس وشعرها خشن لو تمشطه ابرك لها
لفت عليها لمار وهي عاضه على اسنانها: لو سمعتك ي دارين وتضايقة قسم بالله لا امسح بوجهك الغرفه احترمي نفسك احسن لك وخلينا نتهنى بيوم بدون نكدك
هيام سمعت وش قالت دارين بس طنشت عشان هذا الكلام تسمعه بالبرازيل
وجد ناظرت هيام وابتسمت
هيام بتعب معد تقدر تتحمل زياده تبي تنوم: نجد حبيبي ابي مكان انام فيه تعبانه خلاص
نجد ناظرت الغرفه وشلون شنطهم واغراضهم كلها بالغرفه مايمديهم ينامون كذا
نجد راحت للمار وهمست: هيام تعبانه خليها تنام بغرفتك وانتي تعالي نامي عندي بس ارتب المكان وهي مسكينة لها بطياره اكثر من ٢٠ ساعه وغير كذا الطريق حق المزرعة والحين هذي السالفه تلقينها منهكه
لمار هزت راسها: هاو مايحتاج تبررين خلاص بدلها على غرفتي ترتاح
لمار وقفت: هيام تعالي معاي ي عيوني
هيام وقفت مع لمار ومشو مع بعض دق جوال لمار ولفت ترد وقالت لهيام اخر غرفه على اليميني
راحت هيام ودخلت الغرفه كانت هاديه مافيها اثاث كثير ومريحه ماكان فيها صور او خرابيط كان سرير وكنب وتلفزيون وحمام بس
رفعت شنطتها تطلع بجامة لها ودخلت اخذت شور وطلعت ماكان فيها حيل حتى تنشف شعرها ونسدحة على طول ونامت
بدر دخل البيت يبي يتروش ويرتاح من التفكير فيها ومسكت يد صقر
دخل الغرفه واستغرب المكيف شغال: يمكن لمار قالت لهم يشغلونه احسن
دخل الحمام ولقى الارض رطبه تروش وطلع من الحمام يلبس لاف المنشفة على خصره وعاري الصدر
رفع راسه للمرايه وشاف شي على سريره لف لسريره وقرب منه رفع انظاره للمخده والشعر الي عليها وواضح انه رطب ما تجفف تحركت هيام وهي نايمه وبان وجها ورقبتها صد بدر على طول وطلع من الغرفه بوجهه لمار كانت بعبيتها عشان تروح المطبخ
لمار شافته طالع مخروش: وش فيك وش صار ليش طالع كذا ؟؟
بدر للحين مو مصدق: ادخلي ادخلي اتوقع عشان ماجينا من زمان انسكنت غرفنا بسم لله
لمار برعب: بتخليني ادخل تخيل دخلو فيني وش يطلعهم
دخل صقر البيت وشافهم وشاف شكل بدر: وش فيه ليش طالع كذا ؟؟
تكلمت لمار بخوف: يقول انه غرفته انسكنت بسم لله
صقر ناظرهم: صاحين انتم ولا وش فيكم بعد ادخل
بدر تذكر مسكت اليد ووقف قدام الباب : مافيه شي بس ابي امقلبها بس انت جيب وخربت
صقر نظره بشك
لمار ضربت بدر: خوفتني ي كلب
بدر ناظرها: بنت!!
لمار استوعبت : اسفه بس خوفتني ماراح اسامحك ومشت وخلتهم
صقر لف على بدر الي للحين واقف بالمنشفه: وانت ماودك تروح تلبس شي تغطي نفسك فيه
بدر هز راسه وفتح الباب.....❤️‍🔥❤️‍🔥

(النجمة جميليني ⭐️)