لو البُعد يجي على قد الاشواق كان شوقي تعدى بعدك وجابّك.

البارت السادس عشر

| بالمستشفى |
وجد بحزن ناظرت هيام: ياربيه وش صار فيها ليش قاعده تسوي كذا؟؟
شيرين: يمكن الي دخل قال شي لها ولا لانها كانت خايفه على امها اكثر من نفسها
سيرين هزت راسها: شكله لانه شفتي وشلون شالت الابره ولا كانها تعور
فلك لفت على هيام:اكيد ماكانت مستوعبه يارب انت الشافي المعافي اشفها يالله
البنات امين
أبو صقر وقف: يلا ي بنات مشينا خلوها ترتاح وقفو البنات مع ابو صقر وطلعو وقابلو نجد وصقر وبدر عند الباب
ابو صقر:يلا ي بدر مشينا
بدر: روحو انتم انا بجلس عندها
لمار : بدر انت من امس هنا رح ارتاح مانمت زين شف وجهك
هز راسه ابو صقر بايه: معها حق اختك يلا يلا يابوي امش واصلا مهي صاحيه الحين عطوها مهدي ونامت وحتى اذا صحت المستشفى مليان ناس تساعدها
بدر غمض عيونه
صقر لف على ابوه: يبه تعال شوي واخذه على جنب
ابو صقر: وش فيك يابوك؟؟
صقر تنهد: يبه الرجال الي دخل عندها هددها واحنا خايفين يرجع لها ومايكون معاها احد
ابو صقر بخوف: كيف يعني هددها ليش يهددها من هو؟؟
صقر : ماندري يوم جينا نكلمها الا هم عطوها المهدي وماقدونا نتكلم معاها
ابو صقر: طيب خلاص برسل العيال يناوبون عنكم انتم تعبانين وانتم ارجعو
صقر هز راسه: تمام
ابو صقر اتصل على تركي يجون المستشفى
تركي لف على العيال: ابوي يقول نروح المستشفى الحين
مطر: لاحول ولاقوة الا بالله وش صاير بعد؟؟
غيث : انا بديت اصدق عمتي بدور يوم قالت انه هل بنت بتجيب مصيبة لنا
تركي لف عليه: عيب ي ولد
غيث سكت
مطلق: قالك طيب ليش يبينا؟؟
تركي هز راسه بلا: لا والله قال جب العيال كلهم للمستشفى وسكر بوجهي
مطلق تنهد: يلا ماردنا نعرف
ربع ساعه ووصلو المستشفى
ابو صقر استغرب كيف وصلو بسرعه: خير ي تركي لايكون طاير؟؟
تركي بخوف هز راسه بلا: لا والله كنا طالعين بنجيب شي واحنا راجعين دقيت علي يعني كنتم بطريقنا
ابو صقر براحه: ايه زين ابيكم تجلسون هنا بدال بدر وصقر عشان يرتاحون بعدين تبدلون معاهم بكره اهم شي لاتخلون احد يدخل غير اذا عرفتو اسمه ووراكم بطاقته غير كذا لاحد يدخل لها
مطلق عقد حواجبه: ليش وش صاير؟؟
ابو صقر قال لهم عن الي دخل على انه دكتور
غيث صفق يده ببعض: والله قلت لكم انه ماوراها الا المصايب
ابو صقر بعصبية: ولد وش ذا الكلام عيب عليك البنت طالعه من العمليات وانت تقول ذا الكلام
غيث بخوف: يبه والله معليش بس كنت افكر بصوت عالي
ابو صقر: حتى التفكير كذا لا تفكر
مطر: ابشر خلاص انتم روحو ارتاحو احنا موجودين لا تخاف ولا تشيل هم
ابو صقر حط يده على كتف مطر: كفو هذا العشم فيكم يلا مع السلامة ومشى وطلعو البنات وصقر وبدر
لفت فلك ومسكت يد سيرين: صقر عادي نروح معاك؟؟
سيرين لفت عليها
صقر هز راسه: يلا ركب صقر وبدر السياره
فلك لفت عليها: معاي كلام معاك بس اصبري نوصل
سيرين بخوف هزت راسها وركبو السياره
سيارة مناف شاف البنات ركبو بس ناقصين: وين الباقي؟؟
ابو صقر: سيرين وفلك راحو مع صقر
مناف تضايق : تمام وحرك السيارة وشيرين تناظر المرايه شافت تعبيره وشلون تغير ونزلت راسها ولمار بعد شافته ولفت على شيرين لي نزلت راسها
| البرازيل ، بيت ام هيام |
ام هيام قربت من الباب: من هناك؟؟؟
ونزلت راسها لظرف دخل من تحت الباب واخذته وفتحته وانصدمت كانت تذاكر سفر وشيك راحت تشوف التاريخ
أم هيام: يووه نسيت تاريخ روحتنا ياربيه والله حبيت البرازيل ورجعت تشوف المكان الي بيروحون له كان المملكة العربية السعودية وجلست تناظر التذاكر بصدمة
ام هيام : يارب ليش ياتركي تبي ترجعنا عندهم ليش؟
وشافت انها تذكره وحده والرحلة بعد 5 شهور وتنهدت عشان هيام اصلا بالرياض
| المزرعة |
وصلو وجلسو بالدكة مع الموجودين
الجد هزاع: وشلونها البنت ان شاء الله زينه؟؟
ابو صقر: الحمدالله زينه خليت عندها العيال عشان يرتاحون صقر وبدر شوي
الجد هزاع هز راسه: ايه اشوا
الجده جهير لفت على ام بدر: الهنوف يامي
ام بدر: سمي خالتي؟؟
الجدة جهير: كلمتي ام البنت من امس تتصل علمتيها؟؟
ام بدر: لا والله ي خاله ماعلمتها اتصلت الصبح بس ماقوه قلبي اقولها
بدور :ايه احسن لا تعلمونها بكره تعرف من احنا وترفع علينا قضية تبي فلوس تعويض
ام صقر بعصبيه: وش ذا الكلام ي بدور احترمي نفسك شوي قبل ما تنطقين بشي فكري بس فكري يمكن تجرح الكلمة الي قدامك موب كل الناس يبون فلوسك ترا البنت عايشه ومو محتاجه فلوسك يام فلوس انتي ووقفت تمشي وقام معاها ابو صقر
البنات كاتمين ضحكتهم
بدور لفت عيونها على ابوها: يبه يرضيك هاوشتني قدامكم لا وولدك لحقها ؟؟
الجد هزاع: ايه يرضيني تعبت اقولك تراها بترد عليك لاتحسبين انها طيبه وبتسكت دايم بس انتي ماتسمعين خلك اخذتي جزاتك تستاهلين
بدور قامت ووقفت معاها دارين وراحو الغرفه حقت بدور
بدور بعصبيه: انا ترد علي بنت الفقر ذي
دارين تهدي امها: ي ماما اهدي شوي اهدي مو زين العصبية عليك بعدين ضغطك يرتفع
بدور جلست: بس ابي اعرف من مقوي شوكتها كذا والله لاكسرها لها بس اعرف
دارين تلعب بظافرها: انا اعرف
بدور لفت عليها: وش تعرفين؟؟
دراين : الي مقوي شوكتها سمعت مره كانت تسولف مع زوجات خوالي وقالت انه هيام هي الي علمتها ما تضعف عند احد ومن ماكان
بدور هزت راسها بتفكير : اهااا يعني هيام هل فصعونه هي الي مخليتها كذا ان ما كسرت روسهم ما اكون بنت هزاع ال هامي
عند البنات اول مادخلو الغرفه تسدحو ضحك
لمار لفت على نجد وفلك: امكم كوييينننن خلاص صارت المفضلة عندي
وجد تضحك: ايه والله ماتوقعت فرح ترد عليها بس والله عجبتني
فلك بغرور: عشان تعرفون بس من هي ام فلك وضحكت
سيرين: اشوا ردت عليها خالتي فرح ولا كان رديت عليها وتهاوشنا والله كل ما يكبر الانسان المفروض يعقل يتزن الا هي تنهبل فلوسنا وفلوسنا كانه ماعند احد فلوس الا هي يع يع صايره كريهه
نجد هزت راسها: ايه والله ماقدر اتحملها صايره غثيثه
انسدحت شيرين بهدوء
لمار لفت عليها: شوشو فيك شي؟؟
هزت راسها بلا شيرين وغمضت
فلك ناظرت شيرين ورجعت تناظر سيرين: سيرين تعالي بقولك شي نسيته
سيرين بخوف قامت وطلعو يمشون
فلك تنهدت: مابي احكم عليك واقولك غلط ولا صح الي شفته لين ما اسمع منك مابيك تكذبين ي سيرين انتي
بنت عمي واختي الصغيرة عشان كذا ابي اسمع منك
سيرين جلست على بلوك على الارض وجلست معاها فلك: يوم طلعت من الغرفه كنت بروح الحمام والله بس كان مناف عند الباب وانا كنت ببكي قام اخذني برا عشان اشم هواء والله مابيننا شي وقلت له انها صحت تدور امها وامها دقت بليل تسال عنها كانها حاسه والله مدري وشلون كنت بحظنه بس والله بعدته وقلت له لايقرب ثاني مره ولا مراح يحصل خير
فلك ارتاحت شوي: طيب قالك شي؟؟
هزت راسها بلا: لا من بعد مابعدته معد شفته مشيت وخليته ورجعه ورجعت معاك مع صقر وبدر حتى بالدكة ماشفته
فلك وقفت وبتمشي: برجع بترجعين؟؟
سيرين: لا بروح اهاوش مناع ليش طيح الضيفة مشت عنها فلك وضحكت
سيرين راحت للاسطبلات ووقفت عند مناع الي هاج ورجعت وصدم ظهرها بصدر احد..

تفاعلو ❤️‍🔥❤️‍🔥🥲