ضِماد.....
امَـل:- وگفت كدام الروضه ، بانت على ملامحي اثار الصَدمه!...توحـد؟
مركز وروضة الامل لرعاية اطفال طيف التوحـد!
نبض گلبي بوجع من اسم المركز ومـن المُكان
ليش ما گال الي الطفل عنده طيف توحد!
عصرني گلبي ورجعني لذكريات قديمة حاولت انهيها بدمـاغي... اخذت نفس وهزيت راسي بالنفي
امل ذيج مـاتت ،انتهت من 18 سنه.
خليت ايدي على مقبظ الباب وفتحته ودخلت، وكفت وانـي اباوع على الأطفال والمدربات يلعبون
ونص يرسـمون
هدوء مو طبيعي، الأطفال يلعبون بدون صوت
عبالك داخله قاعة كل الي بـيها كلهم خرسان، قبل لا ادخل للمكتب مال مدير، لفت انتباهـي طفل وحيـد
شعره اشكر بشكل قوي وعيونه ازرق فاتح، وحتى رموشـه لونهم اصفر فاتح!... چان اكثر واحد باين عليه طيف التوحـد
عازل نفسه ويرسم بهدوء، تجاهلت احساسـي ودخلت للمكتب ، قابلتتي امراه بمنتصف العُمـر...ابتسمت الي
:- انتي امـل؟
:- اي اني، شلون عرفتي؟
:- ما نقبل جدد، بس انتي من طرف الأستاذ ،اهـلا بـيچ.
:- شكرا
گعدت كدام مكتبها على كرسي جلـد، بقت تفهمني على المركز وشروط تعاملي ويه الأطفال ، كلهم عدهم طيف التوحد بس بنسب متفاوته
الي خلاني اتعجب هو مدحها الهم، عباقره
هذا حسب كلامها مو اغبياء.
:- اي فـ اريدج تعـاملينهم بحذر، لان اغلبهم ابناء مسؤليين وضباط واهلهم خالينهم هنا لضيق الـوقت.
اومأت الها ، وگفت من اجت البنيه ... رحت وياها
رجعت عيوني للطـفل الي گاعد وحده يرسـم ،عرفتني على الأطفال
:- ذاك الطفل شبي؟
:- او، هذا انوس عبدالله ، طيف التوحد عنده عالي ،مع يتقبل احد حتى اهله تعامله كلش صعب فـ نعوفه على راحته.
من سـمعت الاسم ركزت، ابنه! ولا يشبهه بذرة وحده ، لعبت شوي ويه الأطفال ورحـت عليه
يمه مُدربة ثانية تحاول تحجي وياه وتضحك
:- اووي يلا حبيبي، يلا وقت الاكل ؟ ما جوعان؟
ولا رد عليها ولا بـحرف، تقززت اسلوبها مبتذل! طفل ليش هل استماله بالتعامل!
:- لتعاملينه هيـچي.
:- شنو؟
:- لتعاملينه كأنه مريض!
:- بس هو مريض
:- لا مُو مريض.
تقربـت عليه وگعدت على الگاع مثله ،ضميت رجلي لصدري وبقيت ابـاوع وياه على رسـمه
الرسمه لطيفة، اعتقد عائلته بس هيجي هواية؟
خمس ولد وتلث بنات وحده مبينه جبيره
أنت تقرأ
ضماد |عراقية
Romanceتـوكل مهمه قتل رائد في الجيش العراقي لامل فتاة غريبة ذات ماضي مجهول،هل ستتمكن من تحقيق المهمه؟ وما هي اهدافها الشخصية؟
