ضماد |عراقية

part 5

ضِماد...

امَـل:- هبطـت الچرباية من جهته وگعد گبالي، ساند بأيد عليها والثانية على فخذه
ضميت شفتي بشكل مستـقيم

دايـخه ،وروحي طالعـه سالفة احمد ما تطلع من راسي

:- احمد عـايش؟

انطاني نظرات مظلمه، همهم بمعنى اي ، واسترسـل بالكلام

:- اجه رجال چبير اخـذه المُستشفى، امـل اني مو غبي
تحجين؟ ما احب اجرحج بكلامي ،ما دامـني متحرمج لحد هسه احچي
اگدر اعرف كلشي بطريـقتي ترا

باوعت عليه ودعگت ايدي بفخذي ، مراح افشل ومراح اخـلي علي يوگف بوجهه سعادتـي.

:- سمعتت شنو گـال اخوية؟

:- اي يگـول يقتلج؟ شمسوية

:- شنو قصـدك بشمسوية؟؟؟

عبدالله:- الله يعلم؟ واني هم اريد ادري سولفـي
ليش شارده من بيـتچ واضح اخوج يخاف عليـچ

من گال هيجي باوعتـله بحقد

:- مووو لان حياتك وردية وعايش كل عمرك بالخيرر عبالك الناااس كلها حياتها وردية

من گلت هيجي طيف ابتسامه سُخرية نمت على شفته
گام من مُكانـه وصار مقابل الي وجرني من فكي بقوه وبقه يباوع عَـلية بحده

:- تحچين؟ لو اني اعرف اخلي هاي الشـفه الحلوه تحچي بطـريقتي
واطلع منج المَعلومات

:- ما عندي شي احچي وواضح كلشي صار گدامك ،لو چنت شاردة شلون راح اعيش ويه امي؟؟

:- وضحي اكثر؟

:- خطبني احمد ، اهلي ما وافقوا ورحت ويه امي وتزوجته وانفصلت.

:- وين چنتوا عايشين؟

واكف كدامي اني گاعده وهو واگف بطرف الچرباية. مايل بجذعه حتى يصير بطولي ولازم وفكي.

:- اكراد مٌسلمين،اجينه من سليمانيه.

:-بَس ؟ ماكو اضافة؟؟

:- هذا الشي الوحيد الي عندي ، مامحتاجه اكذب بشي ولو شاردة ما اعيش ويه امي.

ترك فكي من ايده ، بَس بقه واگف يباوعلي وهو خال ايده بجيبوبه
عيوني بعيونه
نَفسي يصعد وينزل، وخر الشعر من عيوني نظراته صارت اكثر حده
خلا ايده على شفتي ،لويت حاجبي بمكر اعرف تفكيره ، دفعت ايده من شفتي ودرت وجهي منه

:-مُمكن تطلع؟اريد ارتاح.

:- اي ارتاحي , ارتاحي.

طلع وسد الباب ... تمددت افكر بالي صار وشلون طلعني عبدالله ونسيت حتى ما گلت اله شكرًا .. دزيت رساله لأحمد ونمت

مَرت ايام استعاديت عافيتي، عبدالله گال الهم اندعمت وما ضاف شي ثاني..

گاعده بالصاله اوس بحضني يوم جمعة، سَمر مثل العاده يم اهلها ،نسيت شكلها حتى هو شلون بعده يحبها؟