ضِماد....
امَل:- ايـديَ ترجف مثل السَقيع ، ابَاوع مرمي بالگـاع
بدون ما يتحرك ، ركضت بِسرعة اخذت الجنطة وطلعت اركض بيدي السِلاح
مدا اكدر ابجي
خايفة ، شسويت اني! شسويت!
امشي بمركز الشُرطة ، كلها شافتني نزلت وياه ف محد حجه
لحد ما وگـفني صوت سجاد
:- عفوا الرائد عبدالله وين؟
التفت عليه احَاول اوخر التوتر وابتسمت
:- گالي انتظري بالسيارة يريد يبقة شوي يفكر
:- تمام.
نظراته غَريبة، عافني وراح ركضت بَره بسرعة للسيارة مالته
فتحت الباب الحمدلله السويج بَعده.
حركت السِيارة ، اعرف اسوق احمد علمني هواية
اباوع على الرسالة والعنـوان
ما ادري شراح يصير وره مـا انطي الفلوس
ما ادري اذا راح انسجن
انعدم
ما ادري اذا عبدالله مات، بس ليش مجاي احس بشي
ليش مضايجه ولا الي غرض؟
ليش كأنما جنت اعرف نهاية مُهمتي؟
وصلت للعنوان، نزلت بهدوء ... الجنطه بأيدي
دگيت الباب طلع الي هَالمره هو ابتسامه جانبية على شفته
:: شرفتي
دخلت وراه، يمشي كدامي عيوني على الگاع دوار مو طبيعي
وراسي يوجعني
فتحلي باب ، بقيت صافنة بصدمة؟ تبارك
بَس مبيها شي! ابد
:- ب بس؟
:- لاا اني رجل قانوني هل من المُمكن اخلي اختج تتأذه؟ لعبة وانطلت عليج
درت عيوني عليه، الدموع بدت تتسابق
بَس ، بَس اني قتلت روح علمودها
مد ايده وحجه
:- المَلف
لزمت الجنطه بقوه وباوعت عليه هزيت راسي بالنفي
ابتسم بجانبية وطلع مسدس من جيبة وخلا براس تبارك الي جانت مربوطه حتى حلگها مربوط
:- الملف
خلصتي كل المُهمات، الشرف... السرقة... القتل..
انته موضوعج وياي
سِحـبه من ايدي بقوه ، دفع تبارك عليه وره ما فك كلشي
للحظه كرهت كلشي
سطرتها راشدي بكل قوتي وهمست بقهر
:- ليش طلعتي؟
بقت تباوعلي وتبجي
:- و والله ما عبالي يصير هيجي والله
:: ما عبالج؟ ... تدرين اختج شسووووت؟ تدررررين شسويت
علمودددج لجججج قتلت عبدالله
خلت ايدها على شفتها بصدمه وتباوعلي برعب
:: مات؟؟
دفعتها مني ورحت امشي بخطوات مترنـحه، اسمع الحجي وراية وهي تركض تريد تلزمني وادفعها
رفعت تلفوني من شفت تحويل رسالة من البنگ
لزمه وشمرته بالگاع صَار قطع صغيرة.
أنت تقرأ
ضماد |عراقية
Romanceتـوكل مهمه قتل رائد في الجيش العراقي لامل فتاة غريبة ذات ماضي مجهول،هل ستتمكن من تحقيق المهمه؟ وما هي اهدافها الشخصية؟
