ضِماد....
عَبدالله:- وگـفت على حيلي اباوع لمهند بعدم فهم
:- شنو؟
:- انهزمت، غرفتها فارغة وعقيل هم .. كل غراضهم ماكو.
من گد ما حسيت روحي شاطت دفرت الميز الكزاز بكل قوتي برجلي...
:: كلللللب
باوع اخوها ووگف وحچه
:- هايهيه ثنينه هسه نَفس الهدف؟ غسل العار، اذا لگيتهت قبلك راح ابصمها
واني اجيبها بأيدي الك.
ضرب على كـتفي وراح، گعدت ادخن ايدي على راسي
گعد يمي عمر ومُهـند.
عُمر:- اذا هي زوجتك وتحبـك شلون تنهزم وياه عبدالله لازم تسولف النه
مو اطفال احنه؟؟؟...
مهند:- ليش شردت ويه عَقيل؟ تحبه
هزيت راسي بالنفي ، صار لازم يعرفون كلـشي
وگفت
:- دقيقة واجـي.
اومأولي، رحـت للغرفة،جبت الملف وكلشي بالقضية
رجعت انطيته الهم
بقوا يـقرون بصـمت، دقايق وحچه عمر
:- عقيل يعرف بهاي السالفة؟
:-لا
:- لعد اني اخابرة وافهمـه هسه اكيد يرجعها
ما يهون عليه يساعد مجرررمة
يمكن الها ايد بقتل نهال
عبدالله:- هزيت راسي بالنفي
چو... اني اجيبهم بأيدي
مهند:: مراح تسوي لعقيل شي؟
:- لا شلون؟ اخوي ناهب مرتي
شاددد ستيل براسييي! اجيبهم وارجعهم للبيت ولا كأنما صاير شيييي
عمر:- زين هسه امنت بالله وين نلگاهم
عبدالله:- المُستشفى ، اكيد متعوف اختـها
رحت اركض للسويج شفتهم صافنين
:- يلا تجون او لا؟؟؟
:- لعيونك خوية.
ركبت بالسيارة ، عمر يمي ومهند وره، حركت السيارة
نظل مهند قفل الباب ورجـع
عمر:- زين عقيل ما يدري اربعينيه نهال عگب باجر شلون يشرد؟
شنگول للناس
:- اخوك بايعها
مهند:- العب، وقيـس اليوم يجي
عُمر:: خلونا لا نحجي شي، قيس مكروه كلشي ويعارك
خلوها هيجي تصفـى.
عبدالله:- خافوا على اخوكم مني.
بقوا ساكتين، چنت هادئ خارجيًا عكس الداخل
اريد الزم سچينه وامزق احشائهم سوية
الاف الأفكار تجي براسـي.... يمكن جاي يسون شي سوية ؟
تسويها معقولة
عقيل يحبها.... هاي الأفكار شلتنـي، زين شنو گالت اله وشردها!
بدون وعي مني ضاغط على الستيرن بكل قوتي ، احسه تفلش جوه ايدي
ايدي ترجف من العصبية
:- سـلاح يمك بالچكمچه اخذه خلي بجيبك
أنت تقرأ
ضماد |عراقية
Romanceتـوكل مهمه قتل رائد في الجيش العراقي لامل فتاة غريبة ذات ماضي مجهول،هل ستتمكن من تحقيق المهمه؟ وما هي اهدافها الشخصية؟
