انا المرأة التي قالت "لا للمرة الأولى فتغير العالم! الى الحب الصادق الى الموت الحاتم الى العذاب الدائم ! بسم الله الرحمٰن الرحيم {وفي السماء رزقكم وماتوعدون} ( الذريات:22) صدق الله العلي العظيم ( بقلم بطلتنا )
---------
2004
جواد الساعة بـ3 الفجر الكل موجود بالمستشفى علمود يشوفون الاميرة الوحيدة بين 9 اولاد اميرة اخوتها المدللة الي راح تنور ضلمة بيتنه
دقايق وسمعنه صراخ طفلتنة المدللة تعلن على اشراق وصولها للحياة طلعت الدكتورة من الغرفة والطفلة بين ايديها بس وجهها مايتفسر! انطفت فرحتنه من نطقت بهاي الكلمات الي دمرتنا ويتمت اختنا وهيه صغيرة !.
الدكتورة : البقية بحياتكم توفت الام اثر سكته قلبية 7 كلمات اشبة بالسجاجين بقلوبنه صح هيه زوجة ابوي بس احبها واعزها مثل امي اشوف اخواني اتبهذل حالهم ومايعرفون شنو يسوون صراخ النسوان والطفلة! بكاء اولادها الي تركتهم وراها ! وتشمت عمامي بينه! الي خلوا اخواني يشيطون غضب وحقد اكثر واكثر! ما اتحملت كل الي جاي يصير اسكت منو واعوف منو تاهت علي اشوف ابوي اغمى عليه محمد شايل الطفلة يبوس بيها ويبجي ! ردت اخذها منه بس ماقبل ضل حاضنها
طلعوا جثه مرت ابوي ( مريم ) ركضوا عليها علي وجهاد يعاتبونها ويبجون يعاتبونها لانها تركت طفلة ماصاير عمرها يوم يعاتبونها لانها تركت 5 ايتام يعاتبونها لان راحت وهيه عمرها ماتجاوز الـ29 اخذوها اخوانها حتى يدفنونها وراحوا كلهم وياهم حتى يدفنون وردة ابوي وعشقه الاول بقينه بس اني ومحمد بسبب الطفلة مانكدر ناخذها ولا نكدر نبقيها ابحدها محمد كل شوي يصفن بوجهها ويبجي مرت 4 ساعات على هذا الحال ما اتحملت الوضع اكثر
جواد : محمد كافي بجي امك اعتبار شهيدة وراحت المكان احسن من الي احنه بيه بهواي خويه اتحمل حتى تسند اختك مو جنت تكول من تجي مدللتنه ما اخليها تشوف يوم مو حلو بحياتها ؟ اعرف الموضوع صعب والراحت امك بس هذا حكم ربك قابل راح تعترض عليه؟
صفن بوجي شويه ورجع باوع للطفلة دنك باس راسها وهمس بهدوء محمد : وعد مني واني ابن سامي ماراح اخليها تحتاج سند واني موجود ماراح احسسها هيه بدون ام ماراح اعوفها للموت