طُغيان الـ حمود

Part 2

حقيقة !
لاتوجد تجربة لافائدة منها
حتى تلك الصغيرة
كلها كانت من اجل شيءٍ
لم تنتبه له الآن !

__---
2010
كعدت على صوت هادئ وحلوه عرفته اخوي محمد وهوه يكول
محمد : رقاوي حبيبتي يالله بوية هم يالله على مدرستج راح نتأخر
رقية : عود ليش تردوني اداوم ياله ما احب المدرسة
هيه كوه خليني ابطل حباااب

محمد : رقيتي المدرسة تفيدج بهواي شغلات
منها العلم والادب والدين ومن تتخرجين الشهادة راح تنقذج من احنه مو يمج
وبعدين انتي مو تحبين الفلوس؟
من تكملين دراسة راح تتوضفين ويصير عندج فلوس هواي
رقية : عود صدك يصير عندي فلوس من اكبر؟
محمد : اي يالله هسه تكومين؟
رقية : ماطول اكو فلوس امششييي
محمد : هاك استلم بكد الدوده  وتدور فلوس
جهاد رفع راسه علينه وكال
جهاد : يابه شني من بشر انتم ماتخلون الواحد ينطمر تف لاهله
ما اشوفلك الا ومحمد دفر جهاد وصله للحايط والاخ ضل يصرخ
مثل النسوان
محمد : وسم نصي صوتك لا ابوي يكعد وشني من صوت عليك
يكولك كـ.. استغفرالله
جهاد : كملها كملها هيه خربانه خربانه
رقية : ميدووو شنو يعني كـ؟؟
جهاد : تعاي بنيتي انه اكلج شني هاي الكلمة
محمد : جهاد تسكت لا اكول لابوي على سوالفك !!!؟
جهاد : رحمه لطليان يعقوب شمسوي وعلي مامسوي شيي
محمد : والتدخين ؟ ومن تشرد من المدرسة حتى تشوف تبارك؟
جهاد : عود من تحب تعرف هذن بيش يفيدن
محمد : دكوم روح للشغل لا ارفسك وعلي
جهاد : والله يا الله امداكم
رقية : امداني انييي جهوديي تكول علي امدانيي؟؟
وطكيتها بجيه ركضوا علي ثنينهم يسكتون واني معنده ابجي واصرخ
ودخل جواد ومهدي على صريخي
جهاد  : والزهره مو عليج على محمد وامير
جواد : شكو شبيها حبيبتي تبجي منو وياها
رقية : جوجي كال امداج وعضاني من ايدييي وطكاني راشدي حيلل
صفنوا علي محمد وجهاد وطكوها ضحكه قويه
جهاد : من هسه صارت حيه صفرا من تكبر شتسوي
جواد : اشو تعالي الي
تقربت منه ورفع ايده حيل عبالي راح يطكني ودنكت راسي
ثانيه ! ثانيتين ! ماحسيت بشي رفعت راسي واشوفهم يباوعون مصدومين
جواد : شبيج !؟
رقية : عبالي راح تطكني نفس ماما زينب
محمد : شوكت ضربتج ؟
رقية : كل يوم كل ماتروحون للشغل هيه تكمشني من شعري وتوديني للمطبخ حتى انظف واذا ما نظفت تضربني حيل
جهاد : وعلي لو ماجانت امك ياجواد جان هسه هيه مهجوله بالشوارع
جواد : يصير خير إن شاء الله
محمد : نشوف تاليها وين ويه مرت ابونا وانتي يالله تعاي ابدل الج

بدل الي محمد واخذني للسيارة حتى يوصلني للمدرسة
بما انو المسافة طويله خليني اعرفكم على عائلتي
جدو اسمه مزهر تزوج بيبي زواج تقليدي مثل ماكال بابا
خلفوا 6 ولد و 4 بنات
1- هزاع عمي الجبير عمره 76 مرته اسمها قاسميه عنده 5 ولد و2 بنات
( جاسم- حازم - حكيم - كاظم - عامر - فاطمة - زينب )
2- منشد عمره 71 مرته اسمها عليه وعنده 3 بنات وثنين ولد
(مهدي -خلف -مشاعل - رهف - سارة)
3- عماتي كريمة وجاسمية وتماذز وزينه
بقية اعمامي ما اعرفهم نهائياً وابويه مايقبل يحجي عنهم بسبب مشاكل قديمة
4- ابوي سامي متزوج 2 امي الله يرحمها وزينب عمره 50
عنده 9 ولد و 3 بنات
من مرت ابوي 5 ولد وبنتين
1- حسين عمره حالياً 30
2- جواد عمره حالياً 29
3- ساري عمره 27
4- مهدي عمره 27 تؤام ساري
5- سجاد عمره 25
والبنات
رغد عمرها حالياً 14
وزهراء جان عمرها 15
ومن امي 4 ولد واني