طُغيان الـ حمود

Part 4

امس بالليل طيفك مر بالعيون
وڪعدت وياك ساعه وعاتبيتك فجأه راح طفيك وفزت الروඋ وكلبت الليل ڪله ومالڪيتك🤍. .

------

استقبلتنه قاسمية تصرخ
قاسمية : ولج يمااااا راح رجلي وابني بسبت العبور الي محد كدر عليها
يماااا راح يموتوهم ياعلي احضر واخذ روح الگ....... مالتهم طالعه على امها ام الزلم

محمد عصب لدرجة حسيته راح ينفجر .. وفعلاً انفجر عليها
بالغلط والفشار ماخله شي ماكاله راد يضربها بس منعته اني وماما زينب

اخذه امير وطلعوا بعد ما امنوني عند بيبي وماما زينب

التفتت زينب على قاسمية وكالت
زينب : عيب عليج مره شكبرج وشكدج تطعنين بشرف وحده ميته
صح جانت شريجتي بس احبها واعتزها ولا مره شفت شي مو حلو منها
ماكو تطبب من مويم واما رقية محد اله حق عليها غير ابوها واخوتها واني
ما اسمح لاحد يمد ايده على رقية مهما كان رقية بنتي واني اربيها

لاول مره يعجبني كلامها
اخذتني للمطبخ وحطت الي اكل
كملت وكلت الها اريد اسبح لان اني من طبعي ما احب شخص
يلمسني غير ابوي واخواني ما اتقبل اي شخص مهما كان

مرت الايام وعمي طاح على بابا وصالحة واجه اعتذر مني بس
ماحسيته يقصدها من كل كلبه

دخلنه بـ2014 وياليت مادخلنه
السنه الي دمرتني
السنه الي مات بيها حبيب روحي وطفولتي
علي... علي مو بس صديقي علي حب طفولتي رغم صغر سنه راح
شهيد علي ابن عمي وروحي وكلشي بالنسبه الي 

في يوم 12 حزيران/يونيو 2014م

اسوأ يوم وسنه بحياتي راحوا بهاي السنه 1700 شاب
شباب بعمر الورد راحوا ضحيه مجزرة سبايكر الي نضمها داعش وبعض
عشائر تكريت
كم ام فقدت ابنها بهذا اليوم؟
كم بنت و ولد تيتموا بهذا اليوم؟
كم زوجة فقدت زوجها وابو بيتها بهذا اليوم؟
كم حبيبه فقدت حبيبها مثلي بهذا اليوم؟

كعدت الصبح ونزلت جوه وياريتني مانزلت
شفت عمي مهند( عمي الي جنه قاطعين علاقتنه بيه وهوه نفسه ابو علي)
يدك على راسه ويصرخ وابوي حالته مو اقل منه رحت لماما زينب وسئالتها
شجاب عمو هنا وشنو صاير
اتمنيت فقدت السمع قبل ما اسمع السبب

زينب : اخخ يايمه راح غاليج راح الي جنتي تتمنينه زوجج علي استشهد رقية راح من ايدج علي

ما استوعبت و ضحكت
رقية : شجاي تكولين انتي علي كال الي رايح لصلاح الدين حتى يجيب
خالته واهلها شنو استشهد وهوه اصلاً ماملتحق شبيج

زينب : مو هذا الكاتلنه طلع رايح ملتحق بدون ماندري ولج ماراح لبيت
خالته راح لتكريت التحق واجت منينه وراح منج

ماحسيت بغير سواد احتل عيوني مشيت خطوتين لعمي وبعد ماحسيت بشي
..

جواد
جنت بالشغل قريب عن بيت عمي مهند
وسمعت صريخ عالي جاي من بيتهم
عفت كل شي بيدي وركضت الهم
لكيت البنات يمشعن بشعرهن ويبجن وعمي مغمى عليه
ركضت شلته و وديته للمستشفى واجت وياي مرام بنته الحبيرة
سئلتها وانهد حيلي من الجواب ..