الفصل الثاني والعشرون
بقلم هوس ريجا
كنت قاعدة نقري في خويا محمد ولبنات متقاربين في العمر كي تزوجت انامحمد كان في عمرو غير عامين طبطب الباب قلت مينا روحي شوفي شكون واقيلا جداتك وبلاكي تحلي الباب سقسي من داخل برك راحت تجري سمعتها تعيط papaaaa نضت خرجت لقيتو هازها من هذيك الليلة سمانة ما بان خرجت لينا ورايا تجري عندو لينا زاد هزها شاف معايا هيا وجدو رواحكم نديكم تتكساو ،علاه واش كاين _عرس وليد خويا السمانة هذه ،وانا واش دخلني _كيفاه واش دخلك ماتحضريش لعرسو ،وعلاه نحضر بصفتي واش _مرتي ،الجلسة الدوزيام مابقلهاش اذا نسيت _مدام ما طلقناش يعني مزلتي مرتي لازم تحضري ،حاب تدي بناتك ادي انا مانحضرش بقا يشوف معايا اخر كلمة ،ايه اخر كلمة ولبنات مكلاه تكسيهم ضك نخيطلهم طارو فيا في زوج _ لالا راح نشرو تاع باربي خير عييت فيهم نخيطلهم خير ماحبوش ولا دا محمد معاهم وراحو بعد ساعتين رجعو محمد شرالو كلش جين ولبنات شرالهم صواري باربي فالروز يوصل لركبة تاع مينا على الظهر لاصق في فراشة كبيرة وتاع لينا معاها البرونوس تاعها وصندال في زوج روز ومعاهم تاج وعصا سحرية .
كي قلت لماما قاتلي لازم تحضري كيفاه ماتحضريش في عرس وليد سلفك وووو علبالي بها حابة ترجعني عندهم عيات فيا قتلها مانروحش نهار العرس جا صباح دا النات وقال ليما العشية انا نجي نديكم جات يما عندي والبنات ماحبوش يرحو كعاد عندهم بيام جات عندي بقات تلعبلي في راسي باه نروح وانا ماحبيتش كيفاه منا فالطلاق و منا نروح لعرسهم وفلخر قنعتني سشورت شعري سرحتو كي كان مكشرد يوصل غير لنص لظهري وكي سرحتو جا طوييييل وكعاد قصيتو مرة ديڨاريدي طوال هكذاك ديڨاردي لميتو ببروش مكيجت سامبل قلت نوصل لهيه ونماكيي لبست جبة عراسي ديت معايا تبديلة ليا وكسوة تاع لبنات ل3 لبست عبايتي وقعدت نستنا انا ويما طبطب الباب راحت يما فتحت سمعتو يقولها راكم واجدين _ايه واجدين _تسومة جاية _ايه جاية سمعتها تعيطلي تسومة هيا هزيت الكابة وخرجت جبد روحو على الباب خرجت يما ومحمد جا عندي نحالي الكابة جيتي ،ماشي على وجهك على وجه سلفي _كيفكيف كي انا كي سلفك ،لا كل واحد معروف بوجهو _فمك مشرك تسومة ،واش راح دير _والو قتلك القط ساكت حبا للفارة ماشي خوفا منها ،علاه من وقتاش القط والفار يحبو بعضاهم ياك من يوم يومهم عديان _من شي 5سنين هيا امشي خرجت وهو ورايا غلق الباب جيت نحل الباب ملور _لاه رايحة تركبي من ثم وتحشري روحك ارواحي اركبي من قدام ،مانجيش _هيا امشي بركاي ما تعاندي رحت حليت الباب ركبت وجا ركب
وصلنا لدار هبطنا طلعنا الفوق لقيت العروس مزال ما جابوهاش قبل ما يجيبوها لبست البنات كسوتهم واهبطو عند باباهم شوية رجعو يبكو عندي واشبيكم قالولي papa ماحبش يدينا لكورتاج ،وانا واش نديرلكم ماحبش ماحبش _روحي اهدري معاه باه يدينا ،كشغول انا راح يسمعلي مدام قال ماتروحوش يعني ماتروحوش _لالا عيطيلو اهدري معاه هزيت تليفون عيطتلو ريبوندا عليا وي _علاه ماكش حاب تدي لبنات معاك راهم يبكو ،ماعندي وين نديهم هاز معايا صحابي ،وكيفاه نديرلهم انا راهم يبكو _احكميهم واش ديريلهم كوبيت شفت معاهم ماحبش طاحولي ثم يبكو فضحوني لي جي تقولي واشبيهم علواه يبكو واش يحوسو عييت عييت فيهم ماحبوش هزيت تليفون عيطتلو ماحبش يريبوندي درت عندهم روحو عيطولو قولولو قاتلك ماما ضك جي راحو هبطو يجرو شوية ارجعو عندي هيا قالك ارواحي درت الخمار وهبطت لقيتو واقف فالدروج واشبيك انتي وبناتك فضحتوني وسط الناس و وشنووز هذه قاتلك ماما ضك ضك تجي عندي خدام عندك انا حتى تأمريني ،علاه _ها ضك يقولو غير يخاف من مرتو ضحكت ملا راحت الهيبة _وراسك غير زربعوها ضحكت قولي علاه ماكش حاب تديهم معاك والله فضحوني وسط نسا شاف معاهم واش راح ديرو كي تروحو _نروحو ندورو ونشطحو _رقاصات انتما حتى تشطحو حكملو يديه وكل وحدة تبوس في يد بابا حبيبي ادينا معاك بقاو يحاولو فيه حتى قبل هيا روحو عند جدو يطلعكم فالطوموبيل حتي نجي عطالهم المفتاح وراحو هبطو دار عندي غمزلي واش رايك تعطيني بوسة ع الشوارب نديك حتى انتي ،حاسبني حمارة حتى نصدقك انت تديني للكورتاج؟؟ _ايه كون تعطيني بوسة غير نديك ،جامي تصرا _يابنتي راني نقولك نديك واشبيك ،بركا ماتكلح فيا _والله كيما نهدر معاك بقيت نشوف معاه واش صاري لدنيا حتى يديني مولود للكورتاج شفت معاه مولود صح ولا تتمسخر _صح ،كلمة رجال _رجال ونص بستو على خدو شاف معايا تتمسخري بيا انتي خوك انا ،علاه _قتلك بوسة على الشوارب بقيت نشوف معاه 5سنين جامي بادرت انا وبستو غير اذا كان راقد نبوسو مي باه نبادر وهو معايا جامي غمض عينيك ضحك بصحك ،والله _علاه حتى نغمض ،نحشم _كيفاه تحشمي وحنا بيناتنا توام ،الفضل يرجع ليك بقا يشوف معايا ،هيا غمض قبل مايهبط كاش واحد ويشوفنا غمض عينيه بستو خطفتها خطيف شاف معايا هذه بوسة ولا لسعة ،هذا ماعندي _ملا ماتروحيش ،علبالي بك تكذب _وشنو هذه نكذب ،هاك قوتلي نديك ممبعد درت في رايك _روحي البسي واهبطي ،صحححححح _ايه صح روحي اجري ،وصحابك كيفاه ديرلهم _باينة نحاوزهم واش راح نديرلهم ،غريبة موالف ديما تفضلهم عليا _جامي سكت هيا روحي جيت طالعة درت عندو _وشنوو قدمت عندو بستو على خدو بوسة طويلة وطلعت سمعتو ورايا _ناس عندها شوارب وناس عندها عسل ضحكت ، طلعت لبست عبايتي خبرت يما وجيت خارجة تلاقيت بإيمان واش وين رايحة ،للكورتاج علاه _للكورتاج مع من ،مع مولود مع من راح نروح _سبحان الله من رجال هذ الزمان يكونو في حال يرجعو في حال ،واش قصدك مافهمتش _بيناتنا برك الراجل لي كان يحاوز فيك ديما من الدار ومايطيقش شوفتك واش صرا حتى عاد يجري من وراك ماشي زعما سحور شفت معاها من الفوق للتحت السفيه يقرا ما فيه وهبطت التحت لقيتو يستنا فيا ركبني فالطوموبيل لعروس كانت تسكن غير ثم رحنا جبناها ضربنا دورة طريق كومبلي وهو مشعل اغنية عشقك قلبي تاع نصرو ومينا ولينا يا papaa ديرلنا اغنية تاع رقص نرقصو _بلعو علينا وشنو ترقصو هذه روحو اقراو القران وصليو كيما ماماكم الغنا ماشي مليح انا راني نسمعها خاطر راني مدمر ديجا غير ترجع يماك نسجلكم في مدرسة قرآنية تبقاو هكذا تفسدولي ضحكت هو يسمع فالغنا ويحوسهم يقراو قرآن المليح فيه انو هو مستعرف بالغلط ويغلط ومايوريش الغلط يحتاج غير واحد بالو طويل ويوريلو ويبقا عڨابو حتى يقنعو انا ماقدرتش طاقتي نفذت معاه
جينا روحنا غير وصلت لدار عاودت غسلت ومكيجت لبست جاموست ڨري وذرعيها تيلو وعندها سانتورا تحت الصدر وطالو نوار وبوشات نوار طلقت شعري ورحت قعدت مع ماما شوية جات مرت سلفي اهبطي راجلك يعيط عليك قلت جابو ربي نضت خرجت شفتو واقف فالدروج لتحت ومڨود لبنات هز راسو لقاني واقفة جيت هابطة بعقلي نتمايل ونروح ونجي وصدري يطلع ويهبط ضربت شعري بيدي رجعتو ورا ظهري هازة شنايفي وصلت عندو وقفت قدامو عقد حواجبو شكوون انتي ضحكت مدموزال ابتسام هز حاجبو مادموزال من الفوق ولا التحت ضربتو لذراعو عيب عليك غمزلي لاه كذبت ،عادي ضك الدنيا تطورت نرجع عمري مامدموزال نورمال_انتي اغلقي وانا نفتح عادي ضحكت والله ماتحشم بقا يشوف معايا _ صدقيني والله ماعرفتك واش درتي لعمرك هكذا سرحتي شعرك دوري دوري نشوف كي جا درت عطيتو بظهري بقا يمس فيه الله يبارك واخيرا تحقق حلمي درت عندو مليحة بقا يشوف معايا ومع وجهي ولبستي وشعري الهدرة بحرتلو ممبعد تنحنح جيتي عادي كون خلتيه مكشرد خير ،علابيها لي تشوفني تخطبني لوليدها_شكون هذه لي خطباتك لي راح يديك يندب بك كون نعرفو نقولو خطيك ،يا علاه توقف في مكتوبي راني في باب الطلاق ماتفسدش عليا قرصني من خدي فارة مكتوبك معايا والله ما تكوني ل غيري وبقا حاكملي خدي بكل غيرة وليت نعيط اطلقني واشبيك ضربت يدو جبدها بقيت نمسح في خدي شفت معاه انت لاه جاي انسان غيار _نمووت ,علاه عيطتلي _عسي بناتك لاه تخليهم يخرجو انا نلتى مع الغاشي ولا معاهم ،قالولي رانا نروحو عند papa _ماتزيدش تخليهم يخرجو راني حاوزتهم لداخل ماتغفليش عليهم الليل بدا يطيح والغاشي بزاف نخاف ننساهم ونعفل عليهم حكمتهم من يدهم وجيت طالعة اسمعي درت عندو _نصارحك ،وشنو _جيتي تقتلي ضحكت وطلعت هذه الكلمة فرفرتني وفرحتني وزاهتني وطلعتلي مورالي بعد ما كان فالزيروا
بعد ما تعشينا نضت نحوس على يما مالقيتهاش حوست حوست مكانش رحت سقسبت عجوزتي ماشفتيش يما _اوو يماك راحت قبيل ،كيفاه روحت مع من روحت _عيطت لمولود قاتلو رواح ديني نروح راح الحال لبنات وحدهم ،كيفاه تروح وتخليني _قالت بلي ماكيش مروحة راح تبقاي ،كيفاه نبقا شكون قالها راح نبقى هزيت تليفون عيطتلها ماحبتش تهز عليا علبالي دارتها بالعاني هي كون تصيب نرجع لداري اليوم قبل غدوا كون صلحتلها راهي ربطتني ورجعتني عيطتلو هو ريبوندا عليا وينك انت _راني فالطريق وصلت يماك وجيت ،كيفاه توصلها بلا بيا لاه ماعيطتليش _هي قالت ماكيش راجعة راح تبقاي ،وين نبقا وييين ضك تجي تديني _شوفور تاعك انا حتى نبقى طالع هابط مانيش قاعد وعيان نستنى فالعرس يخلص برك ونجي نرقد ،وصلني لدار وارجع ارقد على روحك _مانيش خدام عليك تسومة هيا راني مشغول وكوبا عليا عاودتلو كوبا عليا بقيت نعيط ليما حتى ريبوندات عليا انتي كيفاه تخليني هنا وتروحي بلا بيا _وانا علاه راجلك كي عيطتلو قتلو رواح وصلنا راح الحال والدار وحدها قالي ماتجبيش معاك تسومة خليها ،وانتي كيفاه ديري عليه وتخليني وحدي علاه ماخبرتنيش _وانا علاه اهدري مع راجلك ديجا وين جاية مخلية دارك وراجلك وجيتي هنا لاه نفس الهدرة تتعاود وهو نحكمو نقطعو بصح والله ما نبقى
