گيمر عرب

الجزء الأول

- الحمدلله على كل حال-

الكاتبه ريحانه

جنوبية

الساعه 2 ضهر  هدوء وبس صوت الحمام واهلي نايمين طالبه سادس تجاهد في سبيل توصل حلمها وتصير محامية

اني زمردة ععمري 20 حلمي اصير محامية شاطره وهواي بنفسي احقق هالحلم من جنت صغيره..

زمردة : يمه تدرين شنو اتمنى؟

امي: شنو؟

زمردة : اريد اصير محامية يمه

امي: خير ان شاء الله ماعدنه بنات تفتر وي الزلم..

زمردة : شنو هل حجي يمه شغل هذا عادي ماثقين بيه؟

امي: لا بس اهلج مايقبلون ابوج واخوج انتي هسه منو يكول دخلين جامعه؟

زمردة : ليش هيج تحجين يمه كسرتي خاطري هواي بنات صارن محاماة والدليل بنت عمتي شحلاتها

امي: لا دوخيني مالي خلك هذاك ابوج وروحي ولله مايقبل وذا عرف اخوج يبطلج من الصبح..

زمردة : لعد المن خليتوني ادرس هاا اتعب وبعدين كلشي ماحصل ليش هيج..

اهووو بعد شسكتهاا راسي راح ينفجر..

زمردة : غَصه بگلبيي حسيت خليت وگمت اكمل دراسه يلا الله كريم ان شاء الله يقبلون ومتصير مشكله..

تقريبا كملت التاريخ وبديت بالجغرافيه بوقتها الكهرباء جانت ماكو والحر وتمرضت بس ما استسلمت..

جان بوقتها رمضان وكلش تعبت رغم كلشي اصريت أكمل مشواري..

عمار: زمرد إذن لو لا؟

زمردة : بعده ع كيفكم صار يوم صايمين بقت ع هاي الدقيقة

عمار: عطشان حيل

زمردة : ع الجكاره جا عليمن.. يلا يلا اذن بسم الله

عمار: يلا تعاي خل اقره دعاء الإفطار

كعدنه ع سفره كلنه وفطرنه بعدما عمار قره الدعاء..

كملت ورحت أدرس حسيت بنشاط للدراسة لأن الصوم يتعب هواي واني سادس..

جنت اقره حتى بنهار واني صايمه واحس بلاعيمي خشبه صايره من العطش...

خلص رمضان واجانه العيد ورحت لبيت اختي بقيت يمها كم يوم هناك تعرفت ع بنات وصارن صديقات..

غيرت جو الدراسه شوي ونست روحي مليت من البيت..

اجاني زوج اختي وكالي...

زمردة اريد اخذج لخوالج هم تعرفينهم؟

زمردة : يحححح استحي ماروح والله

ليش ولج والله اني وياج غير خوالج؟

اختي كمزت وكالت.. اي والله روحي تعرفي عليهم..