گيمر عرب

الجزء الثاني

حسيت ابوي راح يخلصني من هالموضوع واني بهيج وقت ضيق لكن الموضوع مانتهى وضل مثل الحلم كل يوم يزيد..

ابتعدت عن أهلي وقطعت تواصلي بأختي حتى متشغلني عن دراستي..

امي: زمردة اختج هم خابرتج؟

زمردة: ها لا مدري اني مافاتحه جهازي..

وراها يومين تقربيا جنت كاعده بغرفتي أدرس وماحسيت الا ابوي طب عليه وكالي نطيني جهازج بساعع..

خفت وسلمته جهازي... شبيك بويه شكوو

اشش ولاكلمه..

زمردة: باوعت لأمي شفتها ضايجه وعيونها مليانه حزن..

زمردة: شكو يمه ليش اخذ جهازي ابوي؟

امي: عساها بذمت اختج كلها من وراهاا خلت الوادم تجي وتخطب وطلعت سالفه مدري منين..

زمردة: خير ان شاء الله اني مو كتلكم مو راضيه شكووو بعد؟؟

اختي طلعت مخابره ابوي وترست راسه عليه حتى اوافق بهل زواج بهل فتره اني كلش نهاريت تيهت دراستي من ورا المشاكل والحجي..

گمت بس ابجي ونايمه وحتى ضعفت لي يشوفني ميعرفني من كد التعب..

عمار: شبيج عليمن تبجين ؟

زمردة: ابوي اخذ جهازي متكلي شسويت عليمن مو جاي ادرس ليش هيج ها؟

عمار: معليج هسه انا احجي ويا لتبجين خوشش هوه هسه معصب وبس..

زمردة: ضليت اشهگ يم عمار وهوه راح لابوي حجه ويا بس ماقبل وحلف ميرجعه الي وجان كلش معصب..

تخبلت اني هنا شسوي شلون ادرس وافتهم بديت اقره بالحفظيات علما يهدى ابوي ويرجعلي جهازي..

نمت وصحيت ثاني يوم اختي الصغيره عدنا بقت كم يوم وضلت تحجي وتنصحني ليش ارفض بس اسلوبها بالكلام يختلف وكلش فاهمه رفضي عكس اختي الجبيره...

_بهل فتره اختي كامت تلح ع امي حتى أوافق على الزواج وامي صارت ضدي وتلومني وحتى تشكك بيه كامت من ورا أختي..

الغصه بگلبي محد يعرفها غير رب العالمين هوه الوحيد الي يشوفني شكد تأذيت..

_شوفي جهازج ودراستج تردينهن؟

زمردة: اي اريد طبعاً

_بشرط توافقين وتدللين..

زمردة: اني هنا تخبلت حسيت روحي طلعت هاي شبيها تساومني ع حياتي مو طبيعية ابدأ..

_هاا شكلتي الوادم باجر يجون وتكولين اي مثل الورد تمام... ؟

زمردة: مجان عندي حل غير أوافق ومن استلم جهازي واكمل امتحانات ارفض وشيصير خل يصير...

زمردة: خوش موافقه... حجيتها وماعرف شنو ضامتلي الأيام وشراح يصير...

ثاني يوم اجن خالتي ام عمر وحماتها وطبن للبيتت واني لبست وتعدلت واجيت كعدت وياهن سلمت وكالت خالتي..