گيمر عرب

الجزء الرابع

بعدما عدت مشكلة الزواج وتخلصت منها بقه عمار الي ماخذ عليه نظره مستحيل تتغير لو شما أسوي..

طول الوقت بقيت افكر بالنتائج وجنت كلش خايفه انو ماطلع المعدل البالي بسبب الضروف الي منعتني أدرس زين..

جنت كاعده وحدي وصافنه وصاحتلي امي للغده

زمردة: تعاي اتغدي يمه..

كمت واجيت شفت عمار كاعد كعدت قريبه عليه فهو گام وطلع بره..

حسيت مثل السجينه تگطع بگلبيي من گام عني ليش هيج يخوي؟

باوعت لأمي وكالت اسكتي جا شسوين اتغدي يمه..

نسدت نفسي وهم كمت ما أكلت ليش هيج عمار قاسي عليه ليش اني بشنو غلطت!

اجتني امي كالت.. يمه شعندج ماتعرفين هذا عمار طبعه هيج اني أمه مرات مايحاجيني مو انوب انتي

زمردة: ههه انتي أمه اني اخته من ابوه هم صدك ميهمه وجودي اصلا..

لا تكولين هيج فتره ويرجع مثل قبل

زمردة: ليش يمه هوه شبي كليلي لان رفضت اتزوج لهل درجه عله ع گلبه ماعدكم خبز تنطوني بس يريد يخلص مني!

لا يكول مستحي من اخوالج فشله رضيتي نوب رفضتي مالي وجه اباوعلهم!

ههه يمه تعرفين كلش زين ليش كلت اي ونوب رضيت هم گلبي عليه انتي هم كولي جذب؟

لا اعرف بس شسوي قسمه ونصيب يم رب العالمين لا بيدي ولا شي

زمردة: اخخ بسسسسسس يمه نار بگلبيي تسعر وعلي

عليمن يمه كولي يالله كلشي انتهى وكلمن راح بطريقه فكري بالنتائج مالتج ماعليج بغيرها

زمردة: اييي ايباا هسه صفه بالكم بالنتائج وين جنتو عني ههه ولله يالله

طلعت وبقيت ادردم وي نفسي ونمت وصحيت العصريه ع صوت جهال تلعب بره

رحت لغرفه مرت اخوي طبيت لكيت عمار بيهاا ردت احجي ويا شافني وطلع من الغرفه..

حيل تضايقت من تصرفاته ماله حق يعاملني هيج علمود قرار اتخذته حتى انقذ نفسيي ومستقبلي..

خليت وطلعت رحت افتر بالحديقة واتذكر شلون جان يتعارك وياي وماحس بدموعي تجريي وي المغربيه اذان الاذان واني ابجي..

ركضت لأمي شفته توها صلت وگفت كبالها وكتلها..

يمه ليش هيج عمار يعاملني اني عدو لو اخته؟ فهميني ودموعي تصب وامسحهن يرجعن يهلن وهي تصلي كملت فرض وكالت..

كافي راح تموتين واذا ما حاجاج عوفي بس كون يبقه عايش الحمدلله الا يضحك ويسولف وياج كافي عااد مالج علاقه بي

زمردة: لج يمه اني بنيه محتاجه اخ يسندني يكلي شبيج مابيج شنو هل حجي ياهو الي فهميني بعدني ممزوجه عايشه ويا ترا شلون ماله علاقه بيه؟