گيمر عرب

الجزء السابع

" صار عندي جاسوس يراقبني "

رجعت واني افـكر لـيش هالكـد كاسـر مهتم بيه وخايف عليه ...؟

الي حيرني أكثر هوه يحب وحده ويريدها وحسيت من كلامة عنها هواي متعلق بيها والصراحة قررت الم چوالاتي وانسحب ههه..

جانت امتحانات نصف السنة واكو ماده كلش مافاهمته حاولت افهم ماكدرت اباوع للطلاب شلون درجات وعقلهم يستوعب لعد عقلي شبي محجر ؟

اجتني رهف هاا ؟ قريتي

زمردة: ماريد اجذب عليج لا والله ماقريت فتحت الكتاب كتله شلونك مارد عليه عرفت روحي مافهمت ..

ضحكت خرررب تحشش فوكاها..

شرحيلي انتي؟

اني ادور واحد يفهمني

زمردة: عزاا جا شلون؟

رهف: ماعرف راح اشوف الطلاب واجي

زمردة: دخلت لكروب العام وطلبت مساعده بخصوص المادة اجتني رسالة خاصة..

كاسر: اني افهمچ كلشي

زمردة: ماريد اتعبك اليوتيوب موجود

كاسر: زمردة راح اشرحلچ فيديوهات وادزهن وانتي ركزي وياي وماكو شي صعب

زمردة: مشكور بس زحمه صارت

كاسر: لتحجين هيچ اي شي تحتاجين كولي

زمردة: استغربت اهتمامه المفاجئ ؟..
الف سؤال يدور بعقلاتي تيهته ورحت افكر هذا صدك يحجي؟؟

كمزتني رسالته: وين رحتي زمردة؟

موجوده اخاف حبيبتك ماتقبل تحجي وياي ماريد أصير طرف ثالث بينكم

كاسر : ضحك وكال : معليها لتخافين

زمردة: منين اخاف ماريد اسوي مشاكل قصدي اخاف تغار عليك

كاسر : هههههه لا هيه ماتعرف أحبها وماعرف اذا تحبني أو لا بس اني اموت عليها عيونها گتلني زمردة

زمردة: شبيهن عيونها

كاسر: حلوات يگتلن..

زمرده : الله يديمكم يارب

كاسر: امين كليلي شوكت تردين اشرحلچ المواد؟

زمردة : براحتك وقت فراغك...

كاسر: موجود بكل وقت تحتاجيني..

احجي ويا واحس بتأنيب الضمير احس روحي خاينه وحده خبيثه اصحي زمزم الولد مرتبط شكوو تحجين وياا؟؟

قررت ما احجي ويا ولا اكله يفهمني وحذفت المحادثه لازم ابتعد قبل لا يكبر الموضوع أكثر..

دشيت ع كروب القسم وشفتهم يحجون بقيت اباوع كاسر جان يحجي وي الطلاب واني سكته مثل المراقب..مانتهبت الا هوه كال: