-: الو سيدي
-: ها رجب
-: حاوطنا بيت سلطان
-: عفيه عليكم سباع
-: شوكت نروح لجـَهم ذاك؟
-: مو هسه خل ناخذ معلومات شويه عنه ونروح
-: تحت امرك
اذا اله طرف او ربع طرف وحگ الخلقني اخليه يكره يومه
" بعد مرور 5 ساعات "
-: الو سيدي
-: نعم
-: جبنا معلومات كافيه
-: انطيني ياهن
-: عايش بقصر مليان حراس يعني بكل النواحي
-: هاي نعرفها
-: عايش ويه بنيه ماعرفنه منو هيه وهوه بس
-: بشرفكم شلون ماتعرفوها؟
-: زوجته مطلقها او هيه اصلًا مموجودة يمكن كاتلها او هيه متوفية
-: بعد؟
-: تاجر مخدرات و اسلحه يشتغل بالممنوعات
-: كبسلجي
-: مايكبسل يبيعهن
-: اها هيج الشغل
-: اي سيدي
-: تمام سده خل اشوفلي حل
كعدت دا افكر ومدا الكه طريقه علمود ادخل بيها لبيت جـَهم ومالي حل غير ادخل بغير شخصيه لبيته او كـ واحد مدير اعمال لان اذا دخلت ببيته على هيئه شخصيتي الحقيقيه حيتهرب مني
هذا هو الحل الوحيد
-: اجتمعوا بمكتبي نص ساعه ويمكم
-: تمام
" بعد مرور نص ساعة "
دخلت للمكتب ولكيتهم كلهم واكفين على شكل مربع
-: مالي غير حل واحد علمود ادخل لبيت جَـهم واكون شخص يثق بيه بعدين اغدره
-: شنو الحل سيدي؟
-: دبروا شغل مدير اعماى بأسرع وكت
-: سيدي ليش متروحله هيج لواء ركن
-: حيتهرب مني جبان اني اعرف هيج نماذج
-: هم صح
-: دبرولي بأسرع وكت اريد اليوم اروح
-: تحت امرك سيدي
-: يلا استعجلوا
" بعد مرور كـم ساعة "
-: سيدي لكينالك هيج شغله
-: عفيه سباع
-: شوكت تروحله؟
-: باجر
-: نجي وياك؟
-: مايحتاج شنو طفل اني؟
-: حشاك سيدي
" بعد مرور يوم "
اول طريق لأنتقامي من قاتل زوجتي و الي يَـتم بنتي
لبست القميص والستره والساعه وعدلت شعري وصفنت على نفسي بالمرايه
حنتقم ومااسكت على شي هذا اخذ روحي مني لازم اخذ روحه لو ما ادري شي يصير
ركبت سيارتي و وصلت قصر جـَهم
استقبلوني حراسه
-: تفضل لمنو جاي؟
-: لسـيد جـَهم
-: بصفتك شنو؟
-: مدير أعمال
-: اسمك؟
-: كلتلهم اسمي الحقيقي بدون خوف او اي شي ، إيـهاب يونس
-: انتظر دقيقه
شفته يشاور الحارس الثاني والحارس الي شاوره راح لجوه وره دقيقه رجع
-: تفضل
دخلت واني اباوع على انحاء القصر لحد ما وصلت للباب البيت الرئيسي
فتحتلي الخدامه مالته الباب
-: تفضل هناك بالصالة
رحت للصاله شفت ظهره كاعد رجل على رجل ويشرب گهوته جعلها سم الهاري
-: سلام عليكم
-: وعليكم السلام
كعدت كدامه
-: اني جَـهم باهر
-: اعرفك
-: وأنـت؟
-: مدير الأعمال إيـهاب يونس
-: تشرفت حسيتك مرتب
-: كلك ذوق
-: اني عندي نقص مدير اعمالي
-: اكدر اكون شريكك
-: شي جيد
-: خل نحجي عن الشغل وطريقته قبل كلشي
رفعت ظهري وشبكت ايدي وباوعتله
-: نظام شغلنا بـ 8 الصبح للـ 4 العصر
-: جيد ممتاز
-: شغلنا بيه اشياء يعني ممنوعات وهيج
-: حلوو ممتا
-: شكد عمرك استاذ إيـهاب
-: 42 وأنـت استاذ جـَهم
-: 38
-: اصغر مني بس عادي العمر مجرد رقم
-: تبين شباب أنـت
-: ادري
دخلت بنيه من الباب ولابسه حجاب لحد نص شعرها وبيضه بياضها مثل الثلج
باوعتلي وصعدت لغرفتها واني ماهتميت لان ما اجيت علمودها اجيت علمود الأنتقام وبس
-: بلا زحمة منو هاي البنية؟
-: بنتي
-: الله يحفظها
-: أمين هيه الي محليه البيت
-: الله يخليها
" بعد ربع ساعه "
نزلت وبعدها لابسه الحجاب لنص شعرها وأجت كعدت بصف أبوها
-: السلام عليكم
-: وعليكم السلام
-: اهلا بنتي هذا شريكي الجديد إيـهاب يونس
-: أهلًا تشرفت بيك
-: الي الشرف وأنـتِ؟
-: أيار بنت شـريكك جـَهم
جانت عاكسه ايدها واحطتها على رگبها وشايله تلفونها بأيدها
عيونها جنهن خرز خضر من كد ما بارز اللون
-: أنِي أترَخص هَسه
-: الله وياك سيد إيـهاب
التَـكملة ..........
VOCÊ ESTÁ LENDO
المجازفة رغم الحب
Açãoعِـندمٰا تحِبُ يَـجب أن تَفقِد شَـيء ثَـمِين تَـمتلِكَهُ لَـكِن كٰان شَـخص لَـيس لَدِيهُ شَـيءِ لِيَفقِدَهُ إلا إنَ إلتَقىٰ بِفتَاة غَـيرت مَـجرىٰ حَـيٰاتهُ ! .
