مدا اكدر الزم نفسي احس حنفجر على الكل رفعت اصبعي على صگر ورجب
-: سمعوا دبرولي 50 مرة لبسها مرتب وذوق وسبورتيه علمود عقد القران
-: تحت امرك سيدي
رحت لغرفتي نزعت قميصي وشمرت روحي على الچرباية
" بعد مرور يوم ونص "
-: الو حبيبي
-: عيون حبيبج
-: بقى نص يوم على عقدنا
-: داحسبهن بالثواني مو بس بالدقايق ، جهزتوا اغراض العقد؟
-: اي كلهن كملوا بس فستاني باجر الصبح يوصل
-: باجر ازين شواربي؟
-: لا بقيهاا وحتى شعرك بقيه
-: من عيوني
-: هسه شنو ممنوع الحجي امشي نام
-: ما امشي اريد ابقى احجي وياج
-: ممنوع ممنوع يلا للنوم
-: أيـاار
-: ممنوع
-: يلا تمام حنام
-: تصبح على الخير يعيون أيـار
-: وأنـتِ بخير ، صوتج يرد الروح شو بعد كليلي
-: امشي نام
-: الصوت يرد الروح
سدته بوجهي واني جنت مبتسم بالأتصال اول ماسدته رجع وجهي كئيب ما طايگ الحياة
نمت وكعدت الصبح سبحت ولبست تيشيرت ابيض ورحت للحلاق
-: السلام عليكم
-: وعليكم السلام سيد إيـهاب
-: اليوم اريدك تعدلني باش
-: من عيوني سيدي
-: اليوم عقد القران مالتي يعني حتزوج
-: بنتك تدري؟
-: لا بعدين اكللها
-: تمام سيدي ، تريد اخفف شعرك لو اخفف لحيتك لو كالعاده بس شوارب ولحيه ازينها لان أنـتَ لواء ركن
-: اي بس شيل اللحيه لان بدت تطلع
-: تمام سيدي
كملت زيان وعدلي شعري انطيته فلوسه وطلعت متوجه لمحل الملابس اشتري قاط وحذاء وساعه ونظارة
اشتريت وكملت ورجعت للبيت علمود احضر نفسي دكيت على صگر و رجب علمود يجهزولي 97 رجال وسيارات فخمه
جهزوا وكملوا وصارت ب 3 الظهر طلعنا متوجهين لأبو الورد وراها للصايغ نشتري طقمين ألماس و خواتم زواج وخطوبة
طلعنا وتوجهنا لبيت جـَهم
" بعد مرور كم دقيقه "
وصلنا لبيتهم نزلوا النسوان ودخلوا للأستقبال الي سووا بيه مراسيم عقد القران واحنى الرياجيل بالأستقبال الثاني
وصل الشيخ الي جبته وكعد بنص الرياجيل
بين ما الهلاهل الي تنسمع والاغاني الي مشغليها واصله لراس الشارع ميدرون هاي الفرحه حتتحول لجحيم
كملوا عقد القران دكوا عليه علمود ادخل ويه الشيخ ورجب وصگر وجـَهم
دخلنا وما اشوف الا الجكليت يتطشر علينا والهلاهل الي وصلت لطبلة اذني و أيـار ممين من وجهها شي بس ايدها حاطته على القران وبين اصابعها حيل ورجلها حاطيها بمادري شنو
كعدوني بصف أيـار واسمع الي تكول خطيبها حلو ويجنن منين لاكيته واكبر منها بس مبين بكدها و اسمع ذيج الي جانت رايدتها لأبنها
كعد الشيخ كبالنا وكال
-:السيد المؤمن التقي إيهاب يونس بهاء هل تقبل الزواج بالسيدة المؤمنة التقية أيـار جَهم على المهر المعلوم؟ ان قبلت فقل نعم
-: نعم
الهلاهل ماتخلص من كلت نعم
-: السيدة المؤمنة التقية أيـار جـَهم هل تقبلين الزواج بالسيد المؤمن التقي إيـهاب يونس بهاء على المهر المعلوم؟ فأن قبلتِ قولي نعم أنـتَ وكيلي
-: نعم أنـتَ وكيلي
هاي مرية من كرايبهم جانت واكفه يمي اول ماكالت أيـار نعم هلهلت هلهوله فجرت طبلة اذني
-: اعلنكما زوج وزوجه مبارك لكم
بدت الهلاهل وطش الچكليت من جديد والفرح بعيون الكل
طلع الشيخ ورجب وصگر وجـَهم
بقيت اني كاعد يم أيـار
نزعوا أيـار حجاب عقد القران و اني شويه وانصدم من جمالها بشعرها بس تذكرت اني تزوجتها علمود انتقم
جان فستان العقد طويل وابيض وحلو
كاموا خلونا نركص ونركص چوبي والفرح بـعيون أيـار بعدين شغلوا اغنيه رومانسيه والكل بعد نفسه وخلونا وحدنا نركص
حطت ايدها على جتفي واني ايدي على خصرها
YOU ARE READING
المجازفة رغم الحب
Actionعِـندمٰا تحِبُ يَـجب أن تَفقِد شَـيء ثَـمِين تَـمتلِكَهُ لَـكِن كٰان شَـخص لَـيس لَدِيهُ شَـيءِ لِيَفقِدَهُ إلا إنَ إلتَقىٰ بِفتَاة غَـيرت مَـجرىٰ حَـيٰاتهُ ! .
