حطيت ايدي على خصرها وهيه باوعت بنص عيني واني عيني تلمع لان مدا اتحمل عينها الخضر مدا اكدر اباوعلهن واباوع على جمالها واني حكسره وحكسر كلشي بيها
-: ابتسمت وباوعتله ، ليش متوتر
-: اني ههههههههه كدامي كل هل جمال واتوتر افا
-: فلاشات التلفون والكاميرات عموا عيني
-: لا مابيها شي بالعكس خل يصورون
اجت المصوره الي أيـار طلبتها
-: اسحبها لجهتك خلي جسمك يلزك بجسمها وحاوط خصرها بأيدك وست أيـار حاوطي ايدج على ركبته وحطي كصتج على كصته
سوينا الي كالتلنا عليه المصوره
-: هسه الصوره الثانيه استاذ إيـهاب اوكف كدامي وخلي ست أيـار كدامك دايره ظهرها
علمود تباوعلي ، وأنـتَ حاوط خصرها من وره نزل روحك شويه فرق الطول بيكم عجيب
تصورنا وكملنا
راحت أيـار تغير فستانها علمود تلبس فستان ثاني
كملت واجت واني شويه وافك حلكي من الجمال الي شايفه كدامي
لبست فستان احمر قصير وضيك من يم الخصر بحيث خصرها مبين ذاك هوه و فتحه الركبه مبينه
رجعت المصوره
-: هسه تكصون الكيكة وبعدين تاكلون بنفس الچطل
-: ثنينا عضه وحده بنفس الثانيه؟
-: اي مو هوه زوجج هسه؟
-: اي؟
-: لعد عادي يا ست أيـار ليش مستحيه
-: شاورتها وكلتلها ، بين كل هل عالم ماكدر
-: هيه هيج الصوره
وكفت أيـار بصفي و لزمت السجينه وهيه حطت ايدها على ايدي وكصينا الكيكة
اجوي كرايبها كصولنا قطعه و حطوها بچطل واحد
-: هسه بنفس الوكت حتاكلوها
-: حتسويها
-: المصوره كالت معليه
لزمت الجطل وبنفس اللحظة اثنيننا تقربنا من الچطل دا اشتم نَفسها و عطرها تقربت واني تقربت لحد ما طرف شفتي وصل للكيكه وهيه كذلك حسيت بشفايف أيـار دتطخ شفايفي عضينا الكيكة بنفس الثانيه ودخلت شفتي بشفتها مادري شلون لحد ما خلص نص الچطل
-: ماهرين عفيه الصوره طلعت زينه بس لازم تعيدوها مره ثانيه بلا زحمه ست عادي تكصيلهم بعد؟
كصولنا بعد وهيه صفنت ببطن عيني
-: تكلي هل مره هم تكدر تسويها؟
-: كلام المصوره معليه
عدنا نفس الحوار الي صار لحد ما كملنا اكل الكيك
-: مبدعين اول مره عرسان ما يشلعون گلبي بالصور اهنيكم
-: ها شفتي أيـارو شلون طلع زوجج مبدع
-: شفايفك كيك ، جبت كلينكس ومسحت شفته ، هيج احسن
ركصنا وكملنا وطكينا صور لحد ما راح الكل لبيته وبقينا بس اني وأيـار بالأستقبال
دخل جـَهم
-: اهلًا بالعرسان
-: هلا بابا
-: هلا بجـَهم
-: شلونكم اليوم
-: الحمدلله ، اني اترخص تعبت راسي حينفجر من الهلاهل ، اشتر ل أيـار عود اتواصل وياج ،
-: دير بالك على نفسك روحي
طلعت ورحت للبيت كعدت بالأستقبال واني افكر
غفيت بالأستقبال
" بعد مرور يوم ونص "
طلعت علمود اشتري اشياء للزفه قاط وساعات ونظارات واحذيه
-: الو حبيبتي
-: عيوني
-: بقى نص يوم يا دنيتي
-: ادري گلبي
-: نص يوم ونجتمع سوه ، أيـاري اشوفج بالزفه بعد عندي اشياء لازم احضرها
-: تمام يا عيون أيـار
" بعد مرور كم ساعه "
بقى على العرس كم ساعه
جهزت نفسي ولبست وتعطرت وطلعنا اني والرياجيل والنسوان متوجهين للفندق لان الفندق بيه قاعه مال اعراس واحنى حاجزين جناح ملكي
وصلنا للفندق وأيـار بعدها بالسويت ديجهزون بيها واني كعدت بالكافتريا شربت گهوة وانتظرت لحد ما بقى 10 دقايق على الزفة
نزلت أيـار واستقبلتها والناس منتظره بالقاعه والكل متحمس
دخلنه أيد بأيد والكل صفگ والأغاني كعدنا على كوشة العرسان واني اباوع عليها وهيه تباوع عليه واثنيننا مبتسمين
كمنا ركصنا وصورونا و صور رومانسيه وضحك و منفرده وجماعيه ويه الكل
وكصينا الكيك
KAMU SEDANG MEMBACA
المجازفة رغم الحب
Aksiعِـندمٰا تحِبُ يَـجب أن تَفقِد شَـيء ثَـمِين تَـمتلِكَهُ لَـكِن كٰان شَـخص لَـيس لَدِيهُ شَـيءِ لِيَفقِدَهُ إلا إنَ إلتَقىٰ بِفتَاة غَـيرت مَـجرىٰ حَـيٰاتهُ ! .
