" بَعد مرور كم يوم "
-دكيت الهورن كدام باب الجامعة ونزلت وتكيت على مقدمه السيارة
شفتها وهيه جايه متكشخه ولابسه شال اسود وكالعاده لنص شعرها وساعتها وعيونها
-: هلوو
-: أهلًا
-: شلونك
-: الحمدلله وأنـتِ
-: الحمدلله بخير ، دوم عيوني
-: تدوم ايامج
ركبنا السيارة
-: عادي اطلب منك طلب؟
-: عيوني؟
-: تكدر توديني للمگبرة؟
-: اي ليش لا بس شتسوين هناك
-: أريد ازور بيبيتي
-: تمام
توجهنا للمگبرة و هيه نزلت واحس عيونها حتنفجر من هلكد ماحمره
-: ها يمه شلونج صحتج حالج يا بعدي يا دنيتي كلها اشتاگيتلج اشتاگيت لعطرج الي يفوح مابقتلي ذكرى منج غير عطرج الي محافظه عليه يا دنيتي
حاولت الزم دموعي واني داباوع على الكبر وعلى أيـار
شهكت وباوعتلي وهيه دتكول امشي نرجع بغصه ....... لزمت ايدها وصعدتها بالسياره اني هم صعدت وانطيتها كلينكس علمود تمسح دموعها
كلت بگلبي ، اذا هي تبجي على بيبيتها اني حكسر گلبها بسبب ابوها النذل
اخذت الكلينكس ومسحت دموعها
-: شكرًا
-: ليش الشكر عويناتي أنـتِ
رجعتها لبيت واني رحت للبيت أتطمن على أرم
-: أجه باباا
-: باااببااا
-: عيون ابوج
-: وينك صارلي هواي أنتظرك
-: عندي شغل قوي اسف حبيبتي
-: عادي بابا بس خفت وحدي
-: البيت كله محمي بالشرطه عمو رجب يجي عليج و حيدر يجيج
-: بس اني اريدك
-: ادري يا گلبي بس شسوي
صعدت للغرفة سبحت بالماي البارد وفاتح عيوني
شلون حتجرأ واكسر بنيه مثل الملاك وأذيها بسبب ابوها
طلعت وغيرت ملابسي وذبيت روحي على الچرباية
" بعد مرور 5 ساعات "
-: أنـت شلون تتجرأ تسوي هيج ببنتي ، كتلوا بنته
-: أرم ، كلشي ولا بنتي
-: دمرت حياة بنتي كسرت جناحاتها وتكلي كلشي ولا بنتي؟
-: اذبحني بس عوف أرم
-: كتلوها
-: لااا أررمممم
فزيت مفزوع من الحلم وروحي لايبه نزلت أتطمن على أرم لكيتها كاعده تباوع بالتلفزيون
-: حبيبة ابوها
-: أحبك
-: اعشقج يروح ابوج أنـتِ
كمت من يم أرم ودكيت على رجب
-:رجب
-: أهلًا سيدي
-: شددوا الحمايه على بيتي حاس بشي
-: تحت أمرك
' أيـَار '
-: الو غيد هلو
-: أهلًا حبيبتي شلونج
-: الحمدلله وأنـتِ
-: الحمدلله
-: اليوم رحت اني و إيـهاب للمگبرة
-: سترك يا ربي ليش؟
-: لا بس رحت لگبر بيبيتي
-: اها
-: مادري بصفه احس بالأمان
-: حقج
-: والله
-: متشوفيه فخم وكاريزما اكيد تحسين بالأمان غير أنـتِ جنج بابا سنفور يمه
-: خلف الله عليج يلا نتشاوف اني وياج بعد كم يوم گلبي
-: تمام عمري
' إيـهاب '
سديته من رجب و وره كم دقيقه دكـت عليه أيـار
-: ناسينا ما تتذكرنا صدك جذب باشا
-: لا والله بس مشغول
-: علينا
-: مشغول اشغال الحياة عيوني أنـتِ
-: شلونك هسه؟
-: الحمدلله وأنـتِ
-: بخير الحمدلله كالعادة
-: دوم
-: تدوم أيامك ....... إيـهاب
-: عيوني
-: عرفني عنك اكثر ، غطيت نفسي بالبطانيه و تچيت ايدي على الچربايه وحطيتها على راسي
-: ماعندي شي ولا عندي اسرار
-: شلون
-: حياتي هيج
-: متزوج سابقًا؟
-: لا
-: عمرك 42 و ما متزوج ؟
-: أي
-: ماقصرت عفية
-: افاجئج اني مفاجئاتي ما تخلص
-: أحب المفاجئات
-: لعبتي
-: ساعه بـ12 شوكت تنام؟
-: ما انام لان قبل شوي كعدت
-: اها
-: عندج دوام باجر؟
-: لا اخذت اجازه
-: حتنامين؟
-: اي
-: تصبحين على الخير يا عيون أيـهاب
-: و أنـتَ بخير
سديته من عندها ورحت انسدحت على الچـرباية دا اخطط شسوي و شنو الخطة الجايه
و الحلم مدا يروح من بالي حاولت بـ كل الطرق وكلشي مافاد عـلك فد علكه بذاكرتي
اندك باب الغرفه
-: بابا
-: تعالي بنتي
-: نتابع فلم؟
-: والله تعبان اني باجر نتابع تمام؟
-: تمام
غفيت غفيه مال اهل الكهف محسيت بكل شي حتى الدوام فاتني
باوعت على أنحاء الغرفه واني فاتح تك عين والثانيه متنفتح بسبب النوم ، فركت عيني الي متنفتح وكمت
شفت الساعه ب 6 ونص الصبح
كمت سبحت وبدلت تريكت وكعدت بالأستقبال انتظر تصير ب 8 ونص علمود اروح للمكتب ومناك اروح لبيت جـَهم اشوف شمسوي
YOU ARE READING
المجازفة رغم الحب
Actionعِـندمٰا تحِبُ يَـجب أن تَفقِد شَـيء ثَـمِين تَـمتلِكَهُ لَـكِن كٰان شَـخص لَـيس لَدِيهُ شَـيءِ لِيَفقِدَهُ إلا إنَ إلتَقىٰ بِفتَاة غَـيرت مَـجرىٰ حَـيٰاتهُ ! .
