The President Secret

Chapter 2

In duhzawng te anih hmel em?

_______________

♡ The President Secret ♡
Chapter-2

Harry pov,

Ka haw chuan ka laptop ka hawng nghal a, ka en chian hnu chuan "Nathan Lalmuanawma" tih alo lang kuau a, ka en zel chuan company a din hian kum 17 vel erh awrh chauh ala ni, kan in rual vel tihna nih chu, a pui ka ti ngei mai. Ka en zel a, Google hian a fak uar mah* niin ka hria, a lan dan chuan kim loh na leh tlin lohna a nei velo ni awm tak ani.

Chaw kan ei lai chuan ka chhungten chanchin min zawt char* a, keipon pangai deuhin ka chhang mahse coffee accident erawh kha chu ka sawi lo thung. Kan department group siam ah chuan min lo add a, ka sawi tawh ang khan ni khatna chiah mah nise kawm an nuam in an nelawm hmel lutuk ringawt.

Tawng ve lem lo chuan ka chhiar ve zel a, computer nerd hlang an ni ka ti mai, an humor lah chuan tha phian lehnghal, ka rin aiin nuam ka ti hma. Cathy call ka dawn chuan ka chhang vat a, vawin chanchin te ka hrilh zawh chuan, "Chutiang a thlen loh ten Harry Lalrinpuia ini nang" nui vak* chung chuan min ti a, vawin lam kan hun hman te kan inhrilh hnu chuan in mangtha in kan dah ve thei ta hram a.

______________

Ka hna ka zawm tangin kar hnih lai a liam ve tawh a, kan department ami te phei chu kawm loh ka neih awm pawh ka hre tawh lo. Floor a kan inthen avang hian midang hi chu hriat an har deuh va, mahse designing lam atangin thian tha deuh ka nei ve tawh a, ani pawh an department ah a naupang bera kan inkawm thei phian bawk. 12:30 anih chuan in ei puar turin coffee dawr lam ah ka kal a,Nunpuia pawh alo awm der tawh, ka duh ka lam zawh chuan a bulah thu turin ka phei a.

"I mu tha lo ni mo?" a hmel en pah chuan ka ti nghal a, "Dar 3 ah pawh ka la mu lo, concept hi ka design tur ni sia, ka draw dik thei lo" ham deuh bai* chung chuan ati a, "Drawing ah hi chuan ka beidawng thak a" ka tih rual chuan ka thil chah alo thleng a.

Nunpuia nen chuan office lam kan pan leh a, kal pah chuan ka lassi lei chu ka in melh* a, "Ivan hmanhmawh lo tak, 1:15 ah meeting in nei mo ka tia?" atih chuan ka ding nghal dat a, kan meeting tur ka lo theihnghilh chu niin, "Naaa" tih pahin rang deuhin ka tlan nghal vat a, "Fimkhur rawh I thil ken kha" tia Rinpuia rawn au lang* chu ka hre ruai* bawk.

Lift alo khah mai bakah nghak tu an tam vangin step lam ah rang deuhin ka tlan chho a, a hahthlak em* lehnghal. Floor 5 na ka thlen chuan ka hah em vangin kawngka ngheng deuh chuan ka ding a, lassi te chu kan in leh thin, chutah ka inrin loh laiin kawngka chu an lo pawt hawng thuta "Awii" ka ti deuh hluai a, chiang takin ka thil in lai chu kawngka hawngtu kawrban lehlam ah a bua tih ka hre thei.

"Awii, tihpalh lutuk aw" tiin alam chu ka hawi a, a kawrban chu ka nuai nghal nawk* bawk, a hmel ka en chuan ka chechhia inti lutuk tih ngaihna hre tawh bawk silo chuan a hriat phak loh turin ka naa vak a, a hmel pawh en ngam ta lo chuan ka romol in ka kawrban chu ka dep ka dep ta ngawt a.

Coat suit chu a pawl duk, a dum lam rawng kai lek* hi a ni a, en reng* pawh chuan a man a tlawm lo tih hriat, a vawikhat na mai nilo in a vawi hnihna ni tawh bawksi, min ban tawh ngei dawn nihhi tia ka inngaihtuah lai chuan, "A fai phah lo ang" a rawn ti ngut a, "Mo?" ka tih chuan a kawrban ka hruk chu laksan pah hian, "A vawihnihna" ati leh sap a, ka chhan hma hauh chuan "A tawpna nih tawh ka beisei" tiin a coat suit chu phelhin a kal nghal nal* a, ka dang der mai.

Author pov,

Meeting room ah chuan Nathan chu suit dum nalh em* nen a rawn lut a,a boruak pek chhuah ringawt pawh chu pui tak ani. Midang chuan ding in chibai an lo buk a, a thut hnu ah chuan midang pawh chu an thu ve leh a. Midang chuan an hrelo maithei mahse Harry chuan Nathan in a coat suit a thlak tih hmuh chuan a inthiam lo ve em* ringawt, a rilru in office ah hian thawngnaw engzat chiah nge a dah le? tih vel mai* te chu a ngaihtuah a.