The President Secret

Chapter 8

Hiii,,,,

________________

♡ The President Secret♡
Chapter-8

Author pov,

Zing dar 7 velah chuan Harry chu harh a, zan a mut that loh vangin a mit chu a kham em* lehnghal, a khum te chu a siam nghal sawk* a, inla pa ve viau e tilo chuan a tlai via te anih loh chuan a khum siam kher* hi chu a theihnghilh ngai meuh lo, a siam loh apiangin a nu leh a u Mercy ten an hauh hrep thin vang ani pakhat bawk.

Bathroom te hmanga a in tihfai zawh chuan a khuma thuin a phone chu a lek kang a, zan khua deuh thaw in a inngaihtuah tawh a, a tihtur chu tih ngei a tum ani.

Cathy chu call in chawhnu ban ah inhmuh pui ah a sawm a, Cathy pawh chuan hnial lem lo in alo pawm ve mai a, inbiak chhunzawm tawh lem lo chuan an dah nghal ve* a, Harry chuan sawitur a bangbo ta lutuk te chu mak ati, nidang ah chuan a lo berah minute 15 vel tal an inbe ngei* thin kha nia.

Zan lama Nathan message ala chhan loh a hmuh chuan a lut a 'I thi ta mi?' tih te mai chu alo awm a, Harry chuan message chu a en vang* a, "Engthil nge mo ka chung ah hian I tih le?" ati sap a, chhan loh a tum ngial nain 'Nizan chu kan thi lawk anih kha' 'I inkhawm dawn em?' tih chuan ava chhang a, phone en chhunzawm tawh lo chuan a room chu chhuahsan ngal a.

Chawhma inkhawm ban anih chuan an lo tum tawh angin Cathy chu ava hruai a, an lo kal fo thin na park angreng ve deuh ah chuan kalin pipu insuih an chuan a hrang ve* chuan an thu a, nidang aiin mi an tlem viau lehnghal.

"Nimin kha ka tihpalh aw, nimin chauh nilo engkim vang khan" Harry chuan lei lam en ngur* chung chuan ati a, "A pawilo, keipawh kha ka lo ti lutuk a, sawi loh tur* te ka lo sawi a" tiin tha deuhin Cathy pawh chuan alo chhang a.

"Khatianga min ti tur khan dikna zawng* I nei vek Cathy ka thiam loh vek ani" Harry an atih chuan eng emo takin Cathy chhungril chu ana veng* a.

"Cathy ihmo--" Harry an a rawn tih chuan Cathy chuan, "Tawp tawh mai ang" a rawn tichhuak a, Harry chuan mak ti takin ava en a, a tih tum tho ni mahse chutianga Cathy zawkin a rawn ti chu mak ati ani. "Engkim hian tawp hun a nei a, keini pawh kan hun ani ve tawh in ka hria" Cathy chuan a rawn ti a, a sawi zawng chuan a chhungah hnawhtu awm ang mai hian a tawp up* nimai hian a inhria.

A haw tlai deuh vang chuan khawm pawh a inkhawm ta lo a, a khumah chuan thuin computer lam zirna lehkhabu chu a chhiar vel mai* a, a phone message tone a rawn rik chuan a en nghal a, Nathan tih a hmuh chuan a hawng vat a, 'I inkhawm em?' tih hi a rawn zawt a, Harry chuan nui sap hian "Amah ang vek turah hian min ngai a" tiin chhang ta lo chuan ava call ta zawk a.

Call chu alo chang reng niawm fahran hian a call vel chuan Nathan chuan alo chhang nghal a, "Tinge I inkhawm loa?" anti rual ve* a, Harry chuan nui hak hian "Kei te chu chawhma leh chawhnu ka inkhawm aw. Nangmah kha tinge nilenga I  inkhawm loa" ati nghal zat a, Nathan chuan, "Ka buai a" tih chauh chuan alo chhang a, Harry chuan chek tlak hian, "Biak hian chhang dry viau thin suh aw" alo ti deih thung a.

"Naktuk ah bungrua thleng thar ho factory ah ka va check dawn a, min kalpui dawn nia" Nathan chuan ati a, a hrilh ani mah zawk.

Harry lah chuan lo 'aw' ta mai lo chuan "Ka hrelo le, naktuk hi chu ka schedule a full khawp mai a, appointment I rawn siam har bawksia" ati kual vel leh te* a, "A chang hi chuan tunge ka nih hi I theihnghilh thin in ka hria" Nathan chuan Harry thilsawi vang chuan a rawn ti a, Harry a biak tawh hi chuan amah ngei pawh hian a nihna te hi a theihnghilh vek thin, working robot ni loin mihring pangai ani ve tak* thin.