The President Secret

Chapter 11

Ka pass e ka pass e

____________

♡ The President Secret♡
Chapter-11

Author pov,

"Ka bialpa ni rawh" Harry chuan en silo chuan ati chhuak hak a, thawk pawh ala tha thei lawk lo. Nathan chuan en in a ngawi reng a, a mit erawh Harry hmui atang chuan a la san eih lo thung.

"I bialpa ka lo ni" Harry chuan ati tha leh a, Nathan chu a nui suk a mahse ala chhang chuang lo thung, "Eng vangin mo?" tia a zawh chuan Harry chu rang deuhin a hawi chho a, "Ka duh che vangin" serious deuh chuan ati a, a serious ve ber tum ani ang.

"Ka duh ve ngawt che mi?" tiin Nathan chu a tawlh hnung deuh a, in kuangkuah chuan Harry chu a melh a, Harry chuan "Duh e" ti chuan a en a, "Umm min duh" ti sap chuan alu a bu a, amah a in hrilh te pawh a ang zawk.

"Ngaihzawng ka nei ngai lo" atih chuan mak tih hmel deuh in Harry chuan a en a, a awih hmel loh em* lehnghal, a tan chuan awih chu a har alom, a hausa in a hlawhtling em* a, a hmeltha in a pian a dik em* bawk a, hmeichhe hip thei chi ber ani, ani pawn ngaihzawng a nei ve nual tawh a, engtin nge Nathan tehlul hian ngaihzawng a neih ngai loh ang, atan chuan thil awihawm ani mawlh lo alom.

"Aih tih dawn vang kherin dawt sawi kher suh" rilru na angreng tak chuan Harry chuan ati a, chutiang a chhuanlam a siam kher chu a duh lo, a bialpa nih a duh loh chuan duh lo ti mai rawh se, hmeichhia ani loa rilru nat hlauh vanga chhuanlam siam vel kha a ngaihdan ani lo.

"Dawt ka sawi lo, higher ah khan pakhat chu ka nei ve tawh, a bak chu ngaihzawng ka nei ngai lo" atih chuan rang zet hian "Amah chu I theihnghilh thei lo mi?" Harry chuan ati vat a, "Aih, chutiang lam ani lo, ngaihzawng neih ka thiam lo" a chal chu tuai a thaw hak chung hian ati a, "Ka ngaihsak thiam lo a, date ka neih pui peih lo a, bak ah mi ka buaipui thiam lo, ngaihzawng neih chu ka tan chuan hun khawhral na ang chiah ani mai" ati a.

"Amah chu I duh tawh miah lo mo?" Harry chuan ati deih a, Nathan thusawi dang zawng* chu a beng ah a lut miah lo ani ngei ang.

"Aih" atih chuan Harry chuan "Nih chuan tinge ka bialpa nih I duh loh?" tiin a zawt deuh thawr a, ngaihzawng tura mipa a sawm vawikhat na ania, chutah mipa dang tumah Nathan a en ang zawngin a en ve ngai lo a, ngaihzawng a a sawm tawh te tuman an la hnar lo bawk a, chutia mipa a sawm vawikhat naa hnar nih nghal chu a duh miah lo, Nathan in a aw hma chu beidawng a tum lo hrim*, a lo vei ve hman em bawk a.

Nathan chu a tawlh hma leh hrut a, Harry si chet ah chuan va dingin "I beisei ang kha ka ni dawn lo, I ngaihzawng dan-" a sawi lai chuan Harry chuan "Engtin nge ka beisei chu I hriat?" a rawn ti thawt* a, Nathan chuan a kut chuan Harry hmui chu ava hup a, "I ngaihzawng dang te angin chhuahpui che in open takin ka nihpui thei dawn lo che, ka hna vangin I tan hun ka neih theih loh chang a awm fo dawn, bakah" a thaw hak a, Harry chuan a thusawi tur chu uluk deuhin alo ngaithla reng a, "Ka ngaihzawng inih chuan ka ngaihzawng mai bak ah ka thuruk inih a ngai dawn asin" ati sap a.

Harry chuan Nathan darah chuan vuanin a lam ah a kuai in a hmuiah chuan a fawp a, Nathan chuan a kawng ah lo vuan ve leh in a kiss let vat a, Harry chhanna chu a chiang viau in a hria, Nathan chuan atan a thuruk nih pawh a inhuam tih a hre thei.

An inlak hran hnu chuan a hmui chu liak huh zeuhin "President Secret, nawm phian dawn chu" ati zeuh a, Nathan chu alo nui suk a.

"I theih I inring chiah mo?" challenge tak chuan a zawt a, Harry chu a hma ai zawngin ava hnaih a, "Thei e, ilo thlir dawn nia" ati ve zat bawk a, a duk ang tawka a hmaih hnuah Nathan chuan Harry chu chawi lawpin dawhkan ah chuan a nghat a, Harry pawh chu au thelh ani.

Nathan chu Harry ke pahnih karah chuan dingin a kiss leh nghal a, Harry pawh chuan ngaihtuah nei lo chuan lo chhang ve leh nghal a, a kut chu chu Nathan dar ah chuan a suih a, Nathan in a kawng ah ala vuan reng bawk a, mahse thil hrechhuak thut ni awm tak chuan Harry chu ila hrang thut a, dawhkan atang chuan a chhuk vat a, Nathan in zawhna mitmeng taka alo en chuan "Ka bot a ang lutuk alom, ka duh re* lo" alo ti vat a.

Nathan chuan "Ini reng alom" alo ti sam et a, "Teuhlo ka bot duh teuh lo, ka mumang ah pawh chutiang te chu ka la ngaihtuah chhin ngai lo" alo ti hlar a, Nathan chuan "A buaithlak dawn anih chu ka bot dawn lo, ngaihtuah pawh ngaihtuah suh" ati hmak mai bawksi.

"Ka bot awmlo e, ka bot nachhan tur pakhat tal sawi rawh?" Harry chuan a zawt a, "Ka upa zawk a, ka sang zawk bawka--" ati ta piap* a, Harry an sawitur a hriat tak em avang chuan a hmui chu a hupsak vat a, "A hun lo ah hian sawitur hre viau zel suh" ati hlak a.

"Keiman in ka bialpa turin ka sawm zawk che vangin top ni tur chuan ka qualify der" ati ve tlat a, a kut chu Nathan hmui atang chuan a lathla a, "A buaithlak dawn hle mai, minute 5 em pawh kan la ni loa, nihna kan inchuh nghal der ania" beidawn hmel zet in Nathan chuan ati a. "Buaithlak anih hi, mipa ka la nihpui chhin ngai re* hleinem, bot nih nghal te chu ka duh lo hrim*" ati leh hmurh* a, "Ka nih chu beisei duh, khawlvel a i duh zawng* deuh thaw hi I sawi phawt chuan ita ani nghal ang, mahse hei kher hi chu ka tih sak theihloh che awmchhun ani" ati ve leh bawksi, an lian dun si, chutia titau ki a an tawng deuh hmuk* te chu an duhawm letling deih mai.

"Ka bot dawn lo hrim*, chutiang te chuan ka plan a bam vek dawn asin" tiin Harry chuan a ke a per at a, a kut pahnih chu humin a sir ve* ah chuan a thlak thla a, thinrim em* e tilo chuan a hma mi chuan duhawm te ati em* khawp a, a rilru chuan 'Tianga duhawm ni si hian engtin nge top I tum zawk' ati ve niah* a.

"Kan rem thei ngang dawn lo anih chu" Nathan chuan ati ta khurh a, a hming ringawt pawn bot nih chu a hreh hian an hreh dun ngang mai, an tu ve* mah tuai an ni miau loa, mipa ka ni inti ve* kha an ni a, chuvang reng chuan an mahnia induh na lo piang pawh hi thil mak ve tak chu a tling ani.

"Chu minute 5 pawh nih hma em in min then I tum tih na mi?" tum deuh bar chuan ati a, a rin loh deuh in Nathan lah chuan "Nih mai loh ten, kan bot duh lo ve* bawksia nih hi" ati deih a, Harry chuan Nathan in 'aih' atih te a ring ve nia, a chhanna beisei loh deuh ani a dawn.

"Aih kan inthen dawn lo, ni 1 em pawh kan la nih loh hi, bak ah keima bultan ania ka duh hunah chauh kan inthen ang, bot leh top chu awm hrih lo mai rawh se, kan nih duh lo ve* reng anih chuan kumkhua in chumi hmanna stage chu kan thleng lo anga ni mai" lungawi vak lo chuan ati a, ni 1 em pawh an la ni lo a, inthen nghal te chu a duh teuh lo mai, "Tihian middle school naupang inzui in kan inzui ve det* hrih phawt mai dawn nia" thutak deuh chuan ati chhuak a, Nathan insum zo lo pawh a nui chhuak hak* a, Harry sawidan berkher chu a lawm em ani.

"Naupang rilru tha lo reuh lutuk mai, eng vak nge I plan chu ni a? Kan ni ve chiah a, rilru mak deuh* ilo put hmanhmawh a" Harry chal kuk deuh fawk chuan ati a, a kuah chhunzawm nghal a, Harry chuan bah nawk hian "Ch- Chutiang engmah ka ngaihtuah lo e awww. Ka duat chak che lom" ati a, Nathan a awihlo tih chiang reng hian "Nia" ngeiawm zet chuan ati a, "Min duat chu I chak viau a mo?" tiin a zawt leh kher a, Harry lo lai sa deuh bawk nen ani ang lo deuhin a hawi zak* a, "Ninawm, nangmah zawk anih kha rilru dik lo te chu" tiin a kuah na tang chuan a tal chhuak a, "Hna thawk rawh, engnge khatia I awm der* a, company neitu lai ve si, thatchhe reuh lutuk" ti chuan a chhuahsan nghal a.

_______________________________________

Ka inthlahrung tawp a tawi lutuk mah mah a, vawin ah nileng in pass kan lawm kein kan vai sia ka chau thlot a, ziah khawl sa ka nei ngai bawk silo nen a thui thei thlot lo, mahse Wednesday zan ah rawn dah leh nghal ang🙏🏼🙏🏼🙏🏼🙏🏼🙏🏼
Min hrethiam teh u ka chau ve em
ani 🥲