The President Secret

Chapter 12

Sharika Sharika 💃🏼💃🏼💃🏼💃🏼💃🏼

_________________

♡ The President Secret ♡
Chapter-12

Author pov,

Harry chu a chair ah chuan a melh ngai melh run* chung hian a thu reng a, a thusawi zozai kha a ngaihtuah let a, engtin nge sawitur kha a hriat a inhre bik lo, a ngaihtuah chian chuan a zak ve deuh, "Zakthei lo min ti viau ngem le?" amah chuan ati bul* a.

A phone chu a ri nawn tlut* a, a en chuan Nathan message alo ni, an chak viau mahse a rawn thawn vela en chu atih vangin an nghak deuh a, en a tum deuh uk* lai chuan Adam-a chu alo kal a, hmanhmawh hmel zet hian "Inhnuai lam ah server chiang lo a awm a, I buai loh chuan zuk en lawk ila" tiin a rawn sawm a, tih lai em* alo nei lo bawk nen Harry chuan a zui thla a.

An thlen chuan marketing team ho chu an lo ri laih* hlom a, Harry tak phei chuan an department ah chuan hmelhriat pakhat mah ala nei lo, server an han check chuan an rin aiin an rei zek a, darkar chanve lai chu an awm hman, server pakhat mai nilo in an floor server chanve ngawt a chu alo chian loh vang ani.

An let chhoh leh hnu chuan Harry chuan Nathan message chu a hrechhuak thut a, "Shit" ti sap chuan a en nghal a, message panga lai alo awm hman chu niin. 'Naktuk ah meeting pawimawh vangin ka zin dawn a, a tuk leh ah chuan ka lo haw hman tawh ang' tih hi a awm hmasa ber a, minute 3 hnuah 'I buai ami?' tih a awm leh a, 'I buai loh hunah min lo chhang rawh' tih in a zui a, minute 20 vel hnuah chuan 'Nikhat chhung ka zin dawn' 'Ka buai dawn a, biak reng tur pawh ka awm lo ang' 'Tun ah tak hi chuan ka hma' tih chu a pathum in a indawt thla a, message a chhiar chuan Harry chu nui suk a, upa zawk mahse eng emo tak hian duhawm na riau hi a nei thin.

'Ni khat chauh anih chu' 'Bathroom a i  awm lai talin min rawn biak ka phut ania' tih chu ava thawn let a, 'Ka hman lo maithei' tih chhanna a dawn chuan Harry chu a nui chhuak leh hak a, 'Inhnuai ah server chiang lo a awm a, darkar chanve dawn kan zuk khawih a' tih leh 'Ka lo inngaih pawimawh ve tehlul nen, I hun tlem te pawh min pe thei dawn lo tihna mi?' tih chu ava thawn a.

Minute em pawh ral hma chuan 'Ka lo bia ang che, hun remchang apiang ah' tih chu a dawng a, chhan loh tawp ai ah tiin 'Kk' tih chu ava thawn a, a rin loh lutuk in 'Kk?' tih chu a dawng let ta heu mai, "Kk tih awmzia a hrethiam lo tihna mi a?" tiin Harry chuan amah in a inzawt a, 'Kk awmzia I hre lo mi?' tih chuan a chhang vat a.

'Kk chuan awmzia a nei mi, eng word mah ani hleinem' tih a dawn chuan Harry chu a ka deuh ho a

'Kk chu 'okay okay' tihna🤦🏼' tiin ava thawn a, 'Tinge okay okay I rawn tih mai loh' Nathan an a rawn tih leh phei chuan Harry bei hi a dawng ngawih*.

'Tunlai slang anih hi!!!'     'lol hi a awmzia I hrelo tih sawi miah suh' tiin ava chhang a, 'lol chu lol tihna nimai lom🤦🏼' tih hi inla hre zet in Nathan chuan a rawn thawn let ve khanglang a, Harry emoji hman ang chiah a rawn la hmang zui, 'Ani hlol lo 'laugh out loud' tihna daih asin' tiin a thawn a, 'Lmao awmzia pawh kan sawi lo* nge 'laughing my ass off' tihna' tiin a thawn chhunzawm a.

'A hma in ka u in message ah lol tih hi a rawn thawn a, lo tih tumin l a belh palh emo ka lo tia' Nathan chuan a rawn ti a, 'A thusawi leh lo tih chu a inrem reng* ami?' tiin Harry chuan a zawt a, 'Inrem nang, chuvang chuan a mol ka lo tia' tih a dawn lehcphei chuan Harry chuan Nathan chu outdated hi ati ngawih*.

An department dictetor Pu Jonney lo vai a hmuh chuan Harry chuan lo au dingin "Lol awmzia I hria em?" ti chuan a zawt deuh thawr a, an inngam hrim a, chuvanga zawt ngam chu ni "Laugh out loud nimai lom" Pu Jonney chuan alo ti sam et a, Harry an a biak chhunzawm tak loh ah chuan a kalsan a, "Director pawh ani aiin a upa daih zawk sia, lol awmzia te chu a hre tho sia, engtin nge a hriat loh theih le, a sial ve ngawt mai ka bialpa hi chu" amah te chuan ati chuan ati mawlh* a.

Nathan pov,

Ka phone chu en in ka thutna ah chuan ka thu ran a, Harry nena kan inbiakna chu ka chhiar a, he nau hian mi hmusit chiang alom.

Ka secretary chu lo lutin naktuk ka schedule leh flight hun zawng* te chu chipchiar tak hian a rawn sawi a, ka rilru ah chuan engmah chu a lut eih lo thung, a zawha chhuah mai a tum chuan lo ko dingin kk awmzia chu ka zawt a, mak tih hmel zet hian min melh a "I hrelo mi?" tia ka zawh chuan harh chhuak zawk ni awm tak hian "Hria e, okay okay tihna ni mai" alo ti vat a, kha kha chu ala awl em a, a hre fuh ve mai* aniang, lol leh lmao tih awmzia ka zawh leh phei chuan min en phawk tawh ngang mai, mahse chu* tunah tak chuan enga tan mah ka ti hran lo, a chhanna sawi vat tura ka tih chuan chhanna dik thlap mi rawn pe a, a chhuak nghal a, engtin nge a hriat chu ka hriat ve loh theih zawk, Hruaia phei chu kei aiin a thla in a upa zawk lehnghal.

Office ban thleng pawh chuan Harry nen kan la inbe leh miah loa, tunlai slang ka hriat loh vangin min chhaih dawn tih ka hriat vang ani pakhat a.

Chaw ei kham vel awm chuan ka phone chu a rawn ri ta ral* a, ka en hma hauhin tunge ka hrethei, ka en chuan ka rin ang ngeiin Harry alo ni a, 1 to 10 ka chhiar zawh chuan ka chhang nghal a, engmah a sawi hma hauh chuan "Putar" a rawn ti a, ala nui hak* zui, he nau hi chuan mi hmusit chiang alom, a sawi chu hrelo der in ka tawng duh miah lo a, ka lawm vak lo, tun mah mahni ngaihzawng ten putar ti se an  lawm hawrh bik miah lo ang.

"Nathan" vawi thum vel a tih tak hnu chuan "Imm" chu ka ti ve hram a, "I dah mo ka ti hman alom" a thaw huai ri chu phone atang pawn ka hre thei alom le, "Naktuk dar engzat ah nge in chhuah dawn" thutak ve deuh zawk chuan a rawn ti a, "Zing dar 7 vel" ka tih chuan "Naaa, office I rawn lang phawt dawn lo nimo?" ati chuai raih, a awki vang chuan chhan pawh awm loin ka nui leh ringawt tawh.

"Lang lo ang, a tuk kan rawn haw ni ah pawh office chu ka rawn kal hman kher lo ang" chu ka ti leh a, a hma ai nasa zawk mah chuan a rawn "naaaa" leh a, a hma aiin a thluk pawh a rei zawk "Em* a!" atih hluk chuan ka khi leh vur* tawh a, tuna ka thil hrilh kha chu dawt ania, engang pawn buai dawn mah ila, ka haw ni ah chuan a hmel hmu tur ringawt pawn office chu ka rap dawn hrim*.

"Insiam te i ngai em, ka tibuai che em?" ati ve ngei a, mahse ka chhan hma hauh chuan "Tibuai che mah ila, ka dah dawn miah lo nia, naktuk ah ka be thei dawn silo che a, dar 10 hma chu phone hi dah ka tum lo" ati a, "Tinge dar 10 hma?" tiin ka lo zawt let a, "Zing flight te ni sia I mut vat a ngai alom" ati ve ngei a, amah ang lo reuh  khawp mai.

Kan inbe char* a, ani ka biak hian engtin nge hun hi a kal chak em* thin hi ka hrelo, mahse reilo te emo ka tih pawh hian darkar tamtak alo kal hman tawh thin. "Dar 10 a ri a, ka dah tawh mai ang aw" a rawn ti a, "I mut a chhuak tawh mi?" tia ka zawh chuan "Aih, mahse nangmah kha mu rawh mut tam I mamawh" alo ti a, mut ai chuan zankhua in a tawng ngaihthlak ka duh zawk.

Kan inbiak hun ka en chuan darkar 3 lai kan lo inbe hman a, inbia ti ila a tawng a ka lo ngaithla ani mah zawk, mahse tunah tak chuan chu* khawvela nuam ka tih ber ani, a tawng ngaihthlak hi.

Author pov,

Zing dar 8 vel ah Harry chu harh a, engdang ti lo chuan a lu bula a phone chu a ban nghal vat a, dar 7 Rik hma daih tawh in Nathan chuan 'Kan thlawkchhuak dawn chiah' tih hi alo thawn tawh a, "Ava ho tak, ka bye* duh sin le" ti hlukin Harry chu khum ah chuan a let tual a, "Bialpa ah chuan laktlak loh ber pawl ka ni ang mole" tiin a khum ah chuan a tal buan* a.

_______________________________________

Saturday emo Sunday ah conti ang aw🤗
Chapter ziah thui vak chuan story hi tawi duh lutuk a, regu hi tum ila a zuh zawk dawn tlatin ka hria..