وقفنا المره اللى فاتت عند محمد لما اخد الكل وروحوا وهما دلوقتي قي البيت كل واحد قاعد في اوضته بيعمل اللى نفسه فيه محمد خرج من اوضته ونادى على عمر : يا عمر يا عمر .
عمر خرج من اوضته علشان يرد على محمد : نعم يا محمد .
محمد : تعال عاوزك .
عمر دخل مع محمد يتكلموا في موضوع وفي الداخل عمر لمحمد : انت عرفت ازاي .
محمد : انت فاكرني عبيط ياض انا كنت ماشي وراك وعامل نفسي عبيط وانا عارف انك بقيت كويس من شهر و بستهبل قولى ايه خلاك تعمل كده .
عمر : مش عارف بس انا حبيت صحوبيتك ورفقتك فخوفت لمة اتعافى تسيبني قولي يا محمد تقبلني صاحب ليك .
محمد : مهو انت صاحبي فعلا بس انا زعلان منك على الحركه الواطيه دي .
عمر : انا آسف ما تزعلش يا صاحبي حقك عليا .
محمد : ماشي يا عمر بي انت لازم ترجع بيتك علشان اهلك يطمنوا انا مرحب بيك يا سيدي في البيت في اي وقت .
عمر : ماشي هرجع البيت النهارده .
محمد : كده تمام لم حاجتك علشان هوصلك .
عمر اوما لمحمد ومحمد خرج من الاوضه ولقا ساندي ماشيه في الطرقه راح ووقفها وقال : ساندي هم اخواتك اتاخروا كده ليه .
ساندي : هم تحت لسه جايين و بياكلوا بقولك يا محمد في ولد في أولى ابتدائي هيبقى ييجي عندنا البيت بعد الدوام عادي .
محمد : هو عادي بس ليه .
ساندي : اصل الواد ده عنده قله انتباه وتركيز فعايز متابعه لوحده اذاكرله وكده .
محمد : ماشي يا ساندي انا نازل .
ساندي كملت طريقها لاوضتها ومحمد نزل ودخل على اوضه السفره وقعد على كرسي وكله بصله محمد بص ليهم وقال : اهلا يا بهوات اتاخرتوا ليه .
اشهب بتوتر : ها احنا ما اتاخرناش ولا حاجه .
محمد : اه و بقالكوا لحد الساعه ٣ في المدرسه .
كان لسه اشهب هيرد شريف ابوهم دخل محمد بص لابوه وقال : حمد الله على السلامه يا بابا .
شريف : الله يسلمك وبعد كده بص لاشهب : ايه ده انت جيت ده انا هخلي يومك اسود على هروبك من البيت ساندي فين يا محمد .
محمد : فوق في اوضتها .
شريف : طيب انا طالعلها وعاوز اكلمك في موضوع مهم .
محمد : ماشي وفي سره : ربنا يستر من مواضيعك يا بابا .
شريف خرج من الاوضه و محمد بصلهم وقال : هعديلكم تاخيركم واطلعوا ذاكروا علشان امتحاناتكم الاسبوع الجاي يلا .
كله قام وكانوا في قمه الرعب من محمد وثانيه محمد مالقاش ليهم أثر اخد طريقه وراح على اوضه عمر وخبط عمر اذنه بالدخول دخل لقا عمر بيسرح شرحه وكان لابس قميص وبنطلون جينز ومتشيك ولا كأنه رايح يخطب محمد بصله وقاله : حاسب اصل تخطب قلوب العذاري .
عمر : ههههه يا عم ده انت احلى منى .
محمد : خلصت .
عمر : ايوه .
محمد : طب يلا يا برنس.
عمر اخد شنطته ونزل مع محمد ومحمد وصله ومع اصرار من عمر محمد اتصل بايوه وقاله ان هو هيبات مع عمر وفعلا محمد دخل مع عمر البيت ولأن عمر بيته مش كبير زي بيت محمد فكانوا هيباتوا في اوضه واحده محمد وعمر كانوا قاعدين في اوضه عمر قصاد بعض ومحمد ابتدى الكلام : منك لله يا عمر دلوقتي هنام بهدوم الخروج .
عمر : عندك الدولاب اهه شوف اللى يعجبك .
أنت تقرأ
قلبي متيم بعشقها (جارٍ تطوير السرد)
Randomعشق تخطى كل الحدود وبالرغم من معرفتهما الحديثه ببعضهما الا انهما عشقا بعضهما لتتولد قصة عشق وصل للتيم فاصبح قلب كل منهما متيما بعش الأخر مع مجموعه من القصص العاطفيه الرائعه والمواقف المضحكة والغامضة سنعيش مع أبطال روايتنا الأولى فتابعونا.
